2013年3月14日 星期四

打造貼服底妝 韓國BRTC有機保濕好物 (慎入)

標題好變態咁...其實因為太多字同圖...千字文呀!!
要有好皮膚先可以化靚妝!! 講真有幾多女仔真係有完美肌膚?
香港呢期又凍又濕, 我D皮膚又乾又油(可恨的混合肌,咩都有佢份), 天氣變化轉變,乾燥、幼紋、皺紋、暗啞、粗大毛孔因為呢D問題出現,上妝後不但止沒無剔透及柔滑感,反而出現溶妝、浮粉現象,甚至突出原有肌膚問題, 遠遠都見到反晒油光的面容 = = + 真係嚇死聖誕老人〜


妝前護理好重要,皮膚要深層保濕先可以令底妝貼服!
不過香港人咩都要快,唔通返工前仲要做個mask咩? ? ???

最近正使用呢支方便又好用的保濕產品!

韓國醫學級專業美容品牌BRTC推出全新茉莉3D水凝保濕妝前系列, 採用Blue Phyto Complex 藍色複合物,當中蘊含琉苣、矢車菊、有機薰衣草及洋甘菊,能於上妝前即時深層調理肌膚,高效保濕、抗敏舒緩及抗氧化,同時瞬間修飾肌膚表面膚質及膚色,讓 上妝效果更臻完美,解決浮粉、不貼服、粗糙暗啞等問題,妝效加倍持久無瑕,輪廓更顯突出。

茉莉有機保濕噴霧Jasmine Eco Mist  $140/135ml



六種Ecocert有機認證的花水:
茉莉、薰衣草、矢車菊、玫瑰、橙花和洋甘菊

適合任何性質肌膚
不含防腐劑、人造色素、人造香料、礦物油、基因改造生物、起泡劑、二苯甲酮

配合保濕噴霧順勢出埋妝文<--懶的藉口
無美女基因, 靠自身努力吧, 希望各位唔會反胃啦~(狂打自己十幾巴掌!!)

同埋講超多無聊野,請比心機睇啦~哈哈哈!咪鬼只睇幾張相就走 (舉刀)

同品牌的BB Cream一齊用,之前用覺得質地厚左D!
最近天氣關係又覺得佢變好用左, 配合返化妝掃, 更加貼薄(之前係用震震機)
呢個星期用過三種唔同的粉底掃各有不同效果<-- 遲下分享

潔面後用保養品,再用保濕噴霧,我噴左三下,再拍下,再噴三下,再拍下,
要的確保皮膚吸收左保濕噴霧,唔係得表面濕而底層唔吸收,保濕水係一個中間人,令你之後搽上的保養品發揮功效~

茉莉有機保濕噴霧有淡淡的花香味,噴霧效果好好,好平均地貼上面。
咁之後就搽平時用開面霜,摸下塊面會覺得好有彈性有光澤~~


先搽GOSH Primer, 我自己係特價時買!原價係$168
含蘆薈成份,用完之後滑到無得頂, 可以撫平毛孔,局部用或全面用都得,最衰係佢無防晒~
我自己用係T字位同或者毛孔明顯位置<--即係全面囉!
透明無色,用量唔洗多,呢支我間中用下都用左好幾個月,不過我朋友話佢三個月用晒!太好用吧!!


接住就用BRTC的黃金魚子BB Cream
主要成份:魚子精華、白金粉末、雷公根、山金車、尿囊素及尤加利葉
簡單黎講, 係皺抗滋潤型BB Cream,  頗適合呢期天氣用~夏天用會焗身!
佢唔係偏紅或黃, 而係偏灰白果種!有好多人唔鐘意呢類色,我自己就無咩問題,我皮膚易泛紅但又偏白, 用偏黃會好唔自然, 其實都係睇你本膚色同bb cream 夾唔夾~ 當然都要睇皮膚性質啦!
CS Powder Buffer Brush (22 Piece Brush Set)
有人鐘意用黎掃碎粉,或者胭脂,或者粉底液都得~

拈印BB Cream, 再印 再打圈就OK~ 看我皮膚多麽瑕....
如果打算用遮瑕, 就避開眼圈位,以免太厚粉而出紋。
化妝掃可以令底妝貼薄,甚至更持久!!
以前習慣用手指搽真係差好遠,有化妝掃工具真係個妝會唔同晒!!
(唔明有咩分別?? 自己試下,不過會係個深坑,返唔到轉頭!) <-- 有毒注意
朝早化妝可能會趕時間,不過底妝花多三分鐘,但可以keep你成日,都唔耐啦~



接著用一大堆化妝品,有啲太怕醜唔入鏡,一陣會出埋黎!!

貼薄的BB Cream, 就係衰唔夠遮眼圈,所以我會用返D~~
SKINFOOD 魚子眼部遮瑕膏 #1
CS Detail Concealer Brush (22 Piece Brush Set)


眼部專用的遮瑕膏,都幾潤無點現乾紋,同埋係偏少少紅,針對性遮黑眼圈, 韓國買好平約$75 HKD
先掃係眼圈最深位置, 眼頭/ 眼尾/眼袋坑, 再用手指輕輕印蒙去!! OK~ 之後印上碎粉就得!
之前去BB 專櫃上左堂底妝教室, 學左唔少有用技巧同知識!
遮瑕膏要用咩色視乎你黑眼圈係咩色,用錯色會變灰左一達~~或者懶D用返粉底液印多幾下!

保濕噴霧仲可以噴化妝掃咁用~妝容保濕又貼服

之後用手拍下 輕壓塊面, 現上蜜粉或碎粉!!

EVERYDAY 礦物粉
用第二盒了, 旺角銀城有得買,而我係之前團購買的!
佢有好多色, 含閃粉,半閃,啞色,總會有隻岩心水!
粉質唔乾,有一定的遮瑕度,礦物粉好處係越耐越貼越自然~
將化妝掃拈適量礦物粉,先壓印, 再掃開,薄薄一層就得,唔洗厚!
半閃可以令皮膚有光澤,但太閃會顯毛孔啊~
簡單底妝完成!


個人習慣, 會畫左眉先!
MISSHA 啡色眉粉
RED EARTH 灰色眉筆
CS Large Brow Brush (22 Piece Brush Set)

眉粉比眉筆自然, 以前我會單用眉粉!
頭髮染深左覺得條眉色要實返D,所以用埋眉筆~
我係怪的..先用眉粉掃出整個眉型,再用灰色眉筆加深眉尾!
支眉掃毛毛好軟身,掃出黎深淺可以控制得好D,唔會實到market咁~


由上至下,
到眼妝,近來愛上mac的化妝品!!

先搽一層 眼影打底霜 MAC Paint Pot,  一點都唔陌生的好品!
我呢隻係SIS 手中購入的限定色!! 金屬紅~相機食色了..(下次寫妝文落色要多狠D)
我鐘意用掃仔,因為我手指頭大又有gel甲!同埋驚有塵,之前遮瑕膏就係咁用.勁dirty嘛~

呢樽可以用一輩子...希望無咁快乾!
先打一個底~眼皮位及下眼角位!
唔用過唔知原來真係好好用,以前一直都覺得D眼影成日一路搽一路印返去眼袋位!!
呢個打底霜真係好用到飛天,完全解決呢個問題!化妝必備佳品~

MAC Heavenly Creatures 星球系列礦物眼影 AURORA(極光)
MAC In Extra Dimension Collection for Spring 2012 木炭黑色(夜光)

AURORA 係官網上係啡紅色的,但實物就係 啡+綠+粉紅
原本係想要普通啡,BA幫我試上眼後,混合色好特別色好靚,有珍珠反光感,之後咁就敗左返黎;木炭黑 係咁岩想要黑色眼影佢又有限定版, 比普通果D厚身, 又有閃粉,就成為我家的眼影皇者!兩粒眼影都可以乾濕兩用呀!

眼影質地好色又靚,唔需要特別技巧~
先將AURORA搽上眼皮,眼尾可以加深少少~

之後再用扁身的眼影掃, 將木炭黑色印係眼睫毛位再掃向眼尾加深!
輕輕掃埋下眼角連下眼線,之後再用KISS MA眼線液~
眼皮中間眼珠突出掃少少AURORA的粉紅色打亮!KO~好簡單啊!!

出動埋睫毛夾同 Fiberwing 纖長睫毛膏

Fiberwing 纖長睫毛膏呢支真係好好用, 用第二支了!
纖長效果幾自然, 另外仲有支濃密的會厚身D,八小時都無溶落眼袋~
鐘意佢落妝係一條條纖毛咁落,而唔係溶到熊貓咁!


胭脂我係最少用的化妝品,但又出奇地多~
Nature Republic 蘆薈啫喱就出名,化妝品就無咩突出!
Nature Republic Blusher shine blossom

含微量珠光粉,好自然貼面, 價錢好似$40左右 有埋個毛毛樸
基本上有五隻色,BA話呢款最多人買最自然~
佢粉紅得黎偏橙, 掃得多都唔會似馬騮PP~~
日系的色都好深, 韓國出的都偏淡自然風格!!

咁平價粉質唔會好上等, keep到半日~

陰影視乎個人喜好啦!
返工就少搞, 出街都會掃返兩下!!

之後搽返個咀,
潤唇膏>>lip gloss

KP 唇蜜,蜜糖色~上年開倉買,最近先開黎用..
十級LIKE~
閃粉唔粗,唔痴咀, 掃頭超好用,夠潤夠閃!
真係相逢恨晚~唉!<--或者我要為佢出一篇文

出街妝好簡單就搞掂!其實快手十五分鐘都搞掂!
熟能生巧,畫得多會快, 慢慢畫出個人風格同手勢~

妝前妝後兩個人啊~
令我諗起係面書前陣子瘋傳的日本節目...騙很大!...OTZ


呢支保濕噴霧今個個妝keep左八個鐘都無乾,只有少少面油!
仲可以放係公司補妝時噴幾下!
有興趣大家去SASA試試~^^
推一推支持下啦!

沒有留言:

張貼留言