蘆薈, 海藻, 青瓜, 絲瓜, 綠茶, 青菜等等等
我屋企就半數都係綠色的！
同大家來個小小分享其中六種, 韓國台灣法國都有！
先聲明..我唔靚女咪介意呀！驚見到醜女請pass~~
Green Tea Medicare Mask Sheet 綠茶精華面膜
功效: 含豐富維化命C, 有美白肌膚功效,亦 有助養顏潤膚。
潔面後將面膜敷於面上，待15-20分鐘後撕下, 按摩輕拍臉部把面上精華至吸收, 每週使用2-3次，效果最佳。
生產地：韓國
價錢： $5
保濕：★★
貼面：★★★
香味：★★★
吸收：★★
用後感：
好多不知名的韓國牌子，有時都會遇到又平又好用的！所以真係會咩都買一兩塊黎試下,幾蚊博一博啦！呢款紙質都算軟, 但無綿紙咁貼面，精華岩岩好,唔會多到滴晒咁款，但呢類紙質缺點係快乾,如果係冷氣房或乾燥天氣真係十分鐘就要拿起！唔係保濕變抽濕。保濕效果一般般,第二朝起身都無咩面油,上妝都幾好, 可當平時保養用平平地！
Foodaholic Cucumber Mask Shrrt 23g 美果薈青瓜水漾保濕面膜23g
功效: 含有新鮮青瓜所濕潤及其他舒緩的成份，用於眼部,可消除眼腫及減淡黑眼圈。
潔面後將面膜敷於面上，待15-20分鐘後撕下, 按摩輕拍臉部把面上精華至吸收。
生產地：韓國
價錢：$5
保濕：★★★
貼面：★★
香味：★★★★★
吸收：★★★
用後感：
之前用過紅石榴味，呢款的香味係全部之中最自然舒服，3D 的設計好有趣,但唔岩有肉地又圓圓頭的人,好似我咁.五觀完全唔自然唔貼面，面紙比較薄,打開時要小心扯爆中間, 都係一樣紙薄快風乾，精華偏水,拿出面膜紙後仲有少少精華係包裝入面，可以敷五分鐘後再拍返上面膜用埋去！
Aloe Medicare Mask Sheet 蘆薈精華面膜
功效: 清涼殺菌，有助袪暗瘡,粉刺及軟化角質。
潔面後將面膜敷於面上，待15-20分鐘後撕下, 按摩輕拍臉部把面上精華至吸收, 每週使用2-3次，效果最佳。
生產地：韓國
價錢： $5
保濕：★★
貼面：★★
香味：★★★
吸收：★★★
用後感：
同牌子的第二隻味面膜，保濕好少少,精華足夠, 但面膜紙質素麻麻，
香味偏淡,不過都係人工香味, 仲有..佢覺得個個女人都係大口嗎？
Aloe Moisture Paper Mask 蘆薈純氧補濕面膜
蘆薈精華,保濕因子,胺基酸,維生素因子
功效: 增加皮膚水份, 免水份流失,回復亮澤
潔面後將面膜敷於面上，待20-30分鐘即可, 每週使用4-6次。
生產地： 不詳 (法國?)
價錢：$10
保濕：★★★★
貼面：★★★★
香味：★★★
吸收：★★★
用後感：
多美容店用的面膜，團購買入三十塊所以咁平，精華質地透明好杰,似成支透明質酸浸住咁, 面膜紙好重,要訓係度敷，紙質係厚紙綿,吸好多精華,所以廿分鐘都唔會乾，三十分鐘就太辛苦啦! Ｄ精華好多,用黎搽身都有找，吸收度低分係因為佢精華太杰，敷完後好多精華係度,順便按摩下塊面再搽面霜就最good，當皮膚乾燥敏感泛紅或去角質後,我都會用佢, 皮膚真係可以keep到兩三日都有彈性!!
Garnier 水潤凝萃輕感面膜
Aqua Defense Hydrating Essence Mask
5000公尺高的天山冰河泉水完整保留微礦物質，能為肌膚帶來活力光采。 萃取自頂極高山茶園的綠茶、白茶，含有高效天然抗氧化成分，使肌膚有效阻絕外界污染。再配合專為亞洲女性臉部骨骼設計的極輕薄羽量纖維膜布，高彈性服貼剪 裁讓高效精華完全滲入肌膚底層，令肌膚變得水潤光澤，飽滿得如BB肌膚一樣，散發水嫩光采。
只需潔面後可直接敷上每次10-15分鐘, 成分天然可每天使用
生產地：法國
價錢：$8
保濕：★★★★★
貼面：★★★★★
香味：★★★★
吸收：★★★★
用後感：
咁多款之中用得最快的,因為真係好好用,首先佢香味我真係好鐘意,用過佢的精華同面霜,有apple香味，保濕度一流，面膜棉紙有彈性,好貼面,眼位V形咀位偏細，鼻位剪兩下就貼服晒，十五分鐘岩岩好唔會乾左，精華偏多少少,敷好面膜後可以拍埋上面，天氣乾時，隔日用一次,無敏感無粒粒，等佢特價時買多盒！！
森田 絲瓜蘆薈保濕露面膜
功效: 含玻尿酸，洋甘菊，分子釘:，甘草，海藻萃取物。每張裝載豐富濃郁的美容液，只需10分鐘就能深入滲透角質層，為您提供持續24小時的高度保濕效果，有助撫平因乾燥而引起的細紋，改善缺水的暗啞肌膚，同時修復肌膚彈性，讓肌膚亮白水嫩，再現青春美麗。
潔膚後將面膜敷在臉上5-10分鐘即可 (視肌膚狀況而定，請勿超過10分鐘)。天天使用，效果更佳。
生產地：台灣
價錢： $4
保濕：★★★★★
貼面：★★★★
香味：★★★★
吸收：★★★★
用後感：
九月去台北時買左兩盒，大約$40盒/10塊。用黎當手信周圍派！留返一盒自己用，森田面膜出名多精華液,真係多到滴晒咁,講真好聽Ｄ係抵,但另一方面叫浪費，有人會裝返起第日用埋去,或者搽係頸或手腳,其實我寧願佢杰返少少咁多唔好咁水！因為一路敷一路滴落頸真係唔好feel~
不過佢即時保濕功效真係唔錯, 好快令皮膚補水, keep到第二朝都好清爽全日無咩面油！綿紙質地都厚,可以hold住濕潤無咁快乾,係鼻位設計差少少,咁多款之一呢款係以價錢同功效係最好！
另外美麗日記的仙人掌都好好用,比納頭同蘆薈保濕！
推一推支持下啦！
沒有留言:
張貼留言