清清清清清空~第十回合

最近用得好勤力呀！！
月中先出左清倉文,隔兩星期又出～


Bifesta 高效眼部卸妝液
好快地用完一支,最近化妝濃左!! 夏天用的防水化妝品要強Ｄ的落妝！
之前一直用Biore粉紅果支, 因為加價所以試下轉用呢支！
價錢同份量都較抵, 見網上評價唔錯嘛! 有人仲話比Biore好用！！
不過我覺得相比下都係無Biore咁好用,落妝力唔夠強！
仲有一支存貨用埋佢就唔回購了，認命用返Biore算啦！！

BIOTHERM PURE-FECT SKIN Anti-Shine Purifying Cleansing Gel
零瑕淨肌潔面啫喱  體驗裝 20ml
呢支潔面啫喱好好用, 性質好溫和, 用量唔需要好多,
洗完面後好乾淨, 無乾緊感覺,  摸到塊面好乾爽無面油,
超岩夏天用!! 而且帶有香味,洗面時好relax~~

BIOTHERM PURE-FECT SKIN Pure Skin Effect Hydrating Gel
零瑕淨肌保濕露 體驗版20ml
質地好軟,所以好易推開, 吸收得好快, 皮膚唔覺得有層油!
按摩幾下就得, 保濕力好好!!皮膚無咁易出油, 用後化妝好貼, 唔易溶妝!
夜晚可以搽厚少少, 朝早皮膚覺得好有彈性!!
雖然有香味, 但對皮膚無咩影響!!

Fa 花香止汗噴霧
細細支可以帶係手袋,戶外活動時用下都幾清新！
尤其是夏天~哈哈！迷你支裝好快用晒！


NATURE'S 香橙精華補濕蔬果水
抵抗自由基，具保濕作用。平衡肌膚pH值，舒緩敏感肌膚。
之前event的禮品, 夏天用都唔錯,而且噴咀設計好方便 , 不過唔太鐘意佢Ｄ香味！！

LUCIDO-I  清爽造型乳液 (柔軟曲髮)
之前用開橙色果支造型啫喱，不過用晒要買又無貨,所以買呢支！
呢支唔係透明色,係乳白色, 比較黏, 乾左會束埋一小段, 少少硬！
應該唔會回購, 鐘意橙色果隻自然Ｄ！

clinelle特效滋潤精華素
完全不含油份的水劑配方，配以天然的植物成份能全面提升皮膚的濕潤度，減慢皺紋及細紋的形成。
買滿$300送的 , 質地好潤,夠保濕, 敏感肌都用到！
鐘意佢的香味,搽上面按摩下,好舒服！
但得20ml. 以我倒水咁用，唔洗兩星期就比我KO左一支！

lactacyd 清爽護理液
女生真係好需要,而且真係唔可以忽視！中過招就知佢的重要性！
用過幾個牌子,呢隻用過係最好,雖然價錢較貴！
有時特價買都可以大量入手呀！！

請推一推支持下啦!!!
我都開左面書專頁啦, 快D黎LIKE我啦~
https://www.facebook.com/amanareahk
http://aman.theztyle.com
http://blog.she.com/aman
http://amanho.blogspot.hk/
http://www.fnb.hk/blog/16516
http://www.ubeauty.com.hk/member_blog/amanho/
http://weshare.hk/aman/
http://www.saladblog.com.hk/content.php