美白 抗氧 清潔 三合一面膜

天氣凍左，少左用paper mask~
愛用cream mask～不過cream mask都係滋潤性質多！！
想要清潔面膜～
最近用左隻DIY面膜粉，都幾好用！間中用下都幾好玩！

天然煥膚面膜泥 $38/2包

主要成份：檸檬，甘草，天然礦泥
檸檬： 蘊含檸檬醋,具有淡化黑斑、雀斑和美白的美容功效
甘草： 對皮膚有營養保濕作用，並對損傷的皮膚有修復作用，抗氧化能力
天然礦物泥： 含極豐富的礦物質，有效吸走毛孔內的多餘油脂及污垢物，幫助清理老舊角質層、排毒、清潔毛孔，減少黑頭、粉刺及暗瘡

美白 抗氧 清潔 三種主要的功效，簡單直接！
呢類面膜粉唯一缺點就係無油份快乾，所以唔可以用太耐 8-10分鐘就得
同埋無防腐劑，無防潮力，所以要放乾爽地方唔可以晒太陽！
$38 得兩包仔好似貴左Ｄ，不過佢每次用量好少,一包用2-3次都可以！！
即是每次都係$6.3左右！而一用晒可以再買,唔洗買1L返黎又要分裝又要囤面粉咁一世用唔完！
一星期一次就夠,一包用一個月都幾抵用！


面膜粉,
小樽(LUSH面膜膠杯) 呢Ｄ小膠樽好有用呀，用舊左又可以回收！
L'ERBOLARIO 甜杏仁油 (基油) 125ml


先倒入半小包面膜粉
加入杏仁油，增加滋潤度同埋無咁乾身！
呢支杏仁油單用黎按摩或者做面膜基油都唔錯！
如果無油,可以加精華加透明質酸等等～

L'ERBOLARIO 甜杏仁油 意大利天然草本牌子
http://www.lerbolario.com.hk/index.php

杏仁油的功效用途 
1.可以軟化修護指甲周圍乾皮非常好的保養品，洗完澡或是修剪完指甲時，用畫圓的方式加以按摩滋潤，可以強化指甲並防止乾皮周圍變硬！ 
2.富含礦物質、蛋白質及各種維他命，是一種保養皮膚及滋潤效果極佳的植物油，適用於各種膚質。它能有效地減輕皮膚痕癢現象，消除紅腫、乾燥和發炎。可刺激內分泌系統的腦下垂腺、胸腺和腎上腺，促進細胞更新。


之後加適量的水，唔好一次加太多，唔夠先再加！


呢隻面膜粉加水後, 搞勻晒會變得好幼滑！
摸上手唔會摸到一粒粒微粉咁！！
真係滑到乳酪咁～～


全部敷上面，厚厚的！！因為太薄會乾得快！！
有好淡好淡的檸味, 無其他怪味！頗舒服～
因為有天然礦物泥，初時有少少刺刺感覺, 不過好快就無！


十分鐘後，薄薄的邊位已經乾乾地，可以去洗面！
我鐘意用水濕下塊面, 按摩面上仲未乾的面膜當去角質<--貪心mode
先至去沖水～

白左！！！感覺唔乾緊，毛孔通暢, 好清爽舒服！
推介超級好用的一隻溫和清潔面膜～

可以去JCCAC手工市集或網上購買，
有興趣去問問～^^
用過呢家的手工皂都唔錯架，聖誕特別版仲好靚仔！！
Sunday Morning
https://www.facebook.com/sundaymorninghk/

喜歡這篇文 就請推一推 支持下啦！感謝～