2014年1月30日 星期四

第十期 GooodApple ★ AppleBox ★PlasticThing

我對上一次抽中APPLEBOX係第六期~
之後一直都無抽中過~


連續三期的APPLEBOX, PlasticThing的設計好靚呀, 總於都抽到一個了!勁開心呀~
每期都有好豐富的美容產品, 今期都唔例外,
即刻同你分享一下我又抽中左咩東東!!!




櫃筒式的紙盒設計真係好慳位又方便, 而且平面設計上有更大的空間!!
一打開就有一張產品介紹咭, 列齊今期的產品LIST,
每期都有當中6-7件的產~
當中每期都有至少一件係貨裝的!!!


一打開就知龍與鳳~XD
勁豐富喎真係~~


第一眼就見到貨裝產品~
DOVE 3合1 卸妝洗顏保濕慕絲
其實一直有留意呢支產品, 好有興趣買黎試, 而且萬寧仲要成日缺貨~
首先佢好方便, 唔需要加水起泡, 有洗面及落妝功效, 當然唔會期望佢會落到防水妝
不過足夠洗走防曬及底妝~~


另外三支一袋的~
Varederm 緊緻輪廓日霜 / 高效濃縮緊緻精華 / 煥膚保濕潔面乳
洗面好好用, 唔會油立立, 好清爽不過用量好大,用三四次就用晒了~
面霜就覺得無咩特別!!
而支精華, 真係好濃縮, 用完都幾黏, 要再搽返乳液先會吸收得好~



THANN 天然東方潤膚乳液 30ml
真係一直想買, 每次經過LOGON都去睇下佢的BODYLOTION
行埋去已經好香, 估唔到APPLEBOX都有佢的迷你裝可以試用~
乳液質地好好推, 好快吸收左, 皮膚唔會有層油係面,
摸上手都好清爽, 又有COUPON喎~搞到我心思思想買支貨裝~XD


Liese 輕潤順髮造型乳
呢兩三年一直有用呢個牌子的造型產品, 佢呢個較新的系列就未用過,
小小的試用裝用後令人心痕痕, 有機會要買支裝貨用~XD



RESKIN BB 防晒霜, 精華, 面霜
之前試用過精華, 保濕力非常之好!!
今次可以試埋我日日必用的防晒及面厢!!
我幾鐘意個防晒晒, 唔油唔立, 防晒度又夠高!!

Juicy Couture Viva La Juicy Noir 香水  1.5ml
我幾鐘意呢種迷你版香水, 因為我用香水用得好慢,
呢支的香味好味, 而且持久力好高!! 粉紅色樽好正~



Tony Moly I'm Real Aloe Mask
未用過佢的PAPER MASK, 有機會試到真好~~



Monaco Argan Oil 極緻順髮精華
已經收過幾支迷你版, 真係好好用, 佢唔會油立立,
用完頭髮好順滑!!!

超豐富的盒子呀~
下一期已經公開登記了, 快D去GOOODAPPLE登記啦~

產品及資料由GOOODAPPLE提供


我都開左面書專頁啦, 快D黎LIKE我啦~

https://www.facebook.com/amanareahk
http://aman.theztyle.com
http://blog.she.com/aman

http://amanho.blogspot.hk/
http://www.gooodapple.com/Amano
http://www.fnb.hk/blog/16516
http://www.ubeauty.com.hk/member_blog/amanho/
http://weshare.hk/aman/
http://www.saladblog.com.hk/content.php?uid=378

清清清清清空~第二十一回合

上次清左一堆, 今次再講另一堆!!!
都儲左好耐架, 唔係一兩個月可以用得晒咁多!!!

Rejoice 抗護焗油髮膜300ML
一直有用開髮膜的習慣, 因為覺得比護髮素更持久, 一星期只需要兩三次就夠,
Rejoice的髮膜價錢好平, 我用過三款, 呢款算係好用的,
不過未算最好用, 已經轉左用VS了~

Feather 清爽洗髮露
佢係家庭裝, 只係$30, 好抵用,
已經用緊第四支, 妹妹由資生堂轉會過左黎花王了~XD
因為佢價錢平, 又無矽, 用最基本的成份去洗頭最好, 用完真係好清爽又乾淨!!
回購度 200%~

LOREAL ABSOLUT REPAIR Cellular極緻深層修復  日常洗護系列
Leave-in Cream免沖護髮乳  $150 / 150ml
去EVENT送的系列, 洗頭時用無修護功能的洗頭用品, 所以我會用返免沖洗的產品搽返頭髮,
洗頭後會泵兩下搽髮尾先吹乾, 或者乾髮單用都可以,
每次用完頭髮都超順滑, 轉用其他平價都真係無得比!!!
不過佢的質地杰身D, 好難泵晒底果啲出黎, 要切開個樽~
回購度 70%



TIGI CATWALK Sleek Mystique Fast Fixx水嫩保水噴霧 270ml  $ 200http://www.theztyle.com/home.php?mod=space&uid=23641&do=blog&id=178910
佢係試用品, 好大的一支, 放左好耐終於都用晒了,
都係乾髮時用, 會減少毛燥, 同埋有修護功效,
不過價錢太貴唔會考膚入手了~

Skin-RII 美白日間精華液30ml $180
http://www.theztyle.com/home.php?mod=space&uid=23641&do=blog&id=221004
第一次用新鮮的中藥配方的護膚品, 好重中藥味!!
超好用的一支精華, 明顯改善膚質及毛孔~
不過佢要放入雪櫃, 有點麻煩, 又驚唔記得用~XD

Marier Skincare Help皮脂調理精華
http://www.theztyle.com/home.php?mod=space&uid=23641&do=blog&id=212454
一樽針對性的精華, 用左個幾月, 皮膚抵抗力唔錯,
無出現大範圍泛紅或者敏感, 保濕力又夠高,
但實在唔鐘意呢種泵裝!!!

REGENE 牛乳白滑活肌修護霜  $228  45 ml
http://shampoopoo.theztyle.com/home.php?mod=space&uid=23641&do=blog&id=194806
普普通通, 夏天用又幾好, 唔會油又夠潤,
以二百幾的價錢可以有更多較好的選擇~

NUXE 牡丹睡蓮活膚褪紋豐盈霜 & 牡丹睡蓮活膚褪紋霜
http://www.theztyle.com/home.php?mod=space&uid=23641&do=blog&id=218889
真係好好用, 尤其對乾性皮膚的我黎講, 夠潤又唔油!
乾燥敏感皮膚真係好左, 香味亦好舒服, 兩支好快速咁用清了!!!
等佢貨裝特價要入手啊!!!

KP乾濕兩用粉餅
開倉時連埋BASE入手, 質地好滑, 粉質夠幼細,
我鐘意用大掃上面, 所以用得耐,
控油度一般, 少少遮瑕, 不過對我黎講偏黃左D!!



Holika Holika 藍莓蜂蜜睡眠面膜
我無當佢SLEEPING MASK用, 因為比啫喱黏, 而且唔易乾,
只會當佢平時敷時膜咁用, 好香的藍莓味, 質地真係似蜜糖,
功效普普通通, 唔太差, 又唔算特別好用, 用餘三分一果時...搽上面後有刺面感,
所以停左用了, 刺痛到紅紅地, 可能唔放得耐呱...

LANIGE Firming Sleeping Pack
有收緊功效的呢款, 妹子用開佢的護膚品,
我都用左兩次, 都係唔太鐘意用,
一來都有少少刺痛感, 二來第朝起身塊面好立痴痴,
我都係鐘意乾爽類~
EGO新羡思特效防曬乳液SPF50+高效防曬
10月GLAMABOX的產品, 乳色的, 唔需要狂搖佢, 無粉粒係入面~
質地乳液狀, 推開唔會泛白或不均勻情況, 兩分鐘就變得透明,
不過有反光油面的情況, 不過唔太強勁的油光, 可接受!!!

Holika Hoilka Lip Blam
柚子味, 有顏色, 夠潤又靚, 有光澤又唔會油立站, 用左好耐,
潤唇之餘可以當自然色的唇彩~


我都開左面書專頁啦, 快D黎LIKE我啦~

https://www.facebook.com/amanareahk
http://aman.theztyle.com
http://blog.she.com/aman

http://amanho.blogspot.hk/
http://www.gooodapple.com/Amano
http://www.fnb.hk/blog/16516
http://www.ubeauty.com.hk/member_blog/amanho/
http://weshare.hk/aman/

http://www.saladblog.com.hk/content.php?uid=378

肉眼可見的緊緻年輕▲▲無需手術即時V顏▲▲

不得了, 過左二字頭就開始大件事,
女人真的不可以懶, 懶幾日就會出事, 尤其如此乾燥的日子,
皮膚水份流失得特別快, 加上身陳代謝,
肌膚日漸變得鬆弛、暗啞,甚至出現皺紋、肌膚下垂,
除左平日要用護膚品之外, 都要用返針對性的產品!!


GoodSkin Labs認為只有促進肌膚天然膠原蛋白和彈性蛋白增生,並為肌膚注入水分,
肌膚才能變得緊緻亮麗,重現光采,遂於2014年年初推出全新 FIRM-365TM 賦活緊緻精華,
以及針對眼部肌膚的日夜煥采修護眼霜!!



FIRM-365TM 賦活緊緻精華 - HK$395/ 50ml
嶄新的V-顏科技,有效即時緊緻肌膚,使肌膚變得更光滑亮澤,同時為肌膚保濕,改善細紋、幼紋等問題,飽滿肌膚;肌膚看起來更健康、年輕;持續使用,皺紋明顯減淡,肌膚更見水潤緊緻、輪廓顯著提升。



泵裝設計, 非常容易控制份量~
好鐘意呢種方便又清潔衛生的包裝, 不過缺點就係好難泵盡, 要剪開包裝先可以用晒~XD
主要成份及功效
V-顏科技::
- CME﹕維生素C和E的複合物,能促進肌膚天然膠原蛋白增生,提升及緊緻肌膚
- Photozomes:光活化酵素及浮游生物萃取物,強效促進肌膚天然膠原蛋白和彈性蛋白增生
- Argireline  Peptide六胜肽蛋白﹕促進肌膚的重建機制,加速天然膠原蛋白增生,有效去皺,令肌膚進入更新狀態,回復青春  提亮複合物::
- Pearls珍珠末﹕為肌膚帶來即時亮澤的效果
- Glucosamine葡萄糖胺﹕溫和地去除老化角質,使肌膚柔滑幼嫩
保濕成分::
- Sodium Hyaluronate透明質酸鈉、Glycerin 甘油及Trehalose海藻醣﹕為肌膚即時注水及鎖水,減淡乾紋、細紋,飽滿肌膚


輕輕泵一下, 精華的顏色似珍珠白金色, 都頗似透明質酸的半啫喱質地, 有少少的香味,
延展性非常之高,  唔會痴手或起膠, 推開後會有即時提亮效果, 明顯覺得佢高水份的保濕力!



我習慣朝早使用, 大約兩泵3,用指尖把精華加熱後, 於面部輕輕按壓!!
配合拉提的手勢, 令佢精華發揮效果,
成份之內含有珍珠末, 基本上一搽完之後已經有亮澤感!!


當然都唔可以忘記頸部的皮膚, 因為頸紋都係顯老的象徵啊~
如果你屋企有埋美容小工具, 都可以配合一齊用!!!
之後可接續塗上防曬及化妝, 完全無問題, 不會起擦膠碎或泛油~
用左兩個星期, 皮膚感覺緊緻左少少, 摸上手係有唔同,
當然使用時間唔太長, 輪廓上唔會有太大的轉變,
保濕成份為肌膚即時注水及鎖水, 所以毛孔及乾紋就有改善!!!



EYLIPLEX-2™日夜煥采修護眼霜 - HK$370/ 10ml+10ml
白色蓋的係日間的速效活化啫喱, 藍蓋的係夜間的長效修護精華, 兩種分別唔同的功效!!


速效活化啫喱:日間緊緻提升 
* 在肌膚上迅速形成一層薄膜,即時提升眼周肌膚,保持緊緻。
* Rho-Cite™ Complex蘊含抗氧化物及多種礦物質,為眼周肌膚加添光澤回復年輕。


日間使用的速效活化啫喱, 係淡草綠色的啫理, 推開後好似豬油咁~



樽口比較大, 所以我會用小棒取出適合的份量, 置於無名指手中!!


以無名指取適量輕點於眼周肌膚,靜待1分鐘待完全吸收!!!
雖然佢係啫喱, 但唔會變成水或者一層膜咁,  吸收得好快,
即使按多幾下或者打圈, 都唔會有擦膠碎,
之後可以搽返其他的護膚品及化妝~
使用兩星期, 皮膚並無任何不良反應, 例如敏感或油脂粒等等~
日間的保濕效果唔錯, 眼袋部份化妝後沒有乾紋或浮妝出現,
效果真係非常之好!!!!



長效修護精華:夜間擊退眼圈
* Haloxyl PFE™能深層減淡黑眼圈,提升緊緻度。
* Mala-Plump™ Complex刺激天然骨膠原製造,減少眼周細紋,肌膚回復飽滿。


夜晚使用的長效修護精華, 係乳霜質地, 推開後好夠潤之餘又感覺清爽!



夜間長效修護精華質地比較厚身, 唔似日間的啫喱狀般輕盈,
取出適當份量後, 置於無名指上~


於無名指上搓幾下至微溫後, 再輕按眼周肌膚,
令乳霜更快吸收, 眼周皮膚很到按摩而放鬆, 及幫助血液循環!!
使用兩星期後, 覺得呢款夜間的眼霜好用,
按摩可以消除疲勞, 而佢質地比較潤身, 不會拉扯到薄的皮膚, 相對提升緊緻度~

GoodSkin Labs產品於莎莎獨家發售
產品及資料由GOOODAPPLE.COM提供


我都開左面書專頁啦, 快D黎LIKE我啦~

https://www.facebook.com/amanareahk
http://aman.theztyle.com
http://blog.she.com/aman

http://amanho.blogspot.hk/
http://www.gooodapple.com/Amano
http://www.fnb.hk/blog/16516
http://www.ubeauty.com.hk/member_blog/amanho/
http://weshare.hk/aman/

http://www.saladblog.com.hk/content.php?uid=378



享受即時收緊瘦面☆★BELLE STAGE海藻保濕瘦面療程☆★送FACIAL名額

平日的工作同生活壓力,皮膚都變得差,
而且天氣又乾下濕下, 又熱又凍,
所以感冒了~XD 面腫到爆炸~
星期六就做左個好舒服又正的FACIAL, 同大家分享下!!!

"BELLE STAGE 源美坊"
之前上去做過兩次微針療程,
我個人幾鐘意Belle Stage的服務同埋環境, 雖然地方細細, 又唔係咩大公司,
只係一定小小的美容院, 不過感覺好舒服又貼心, 美容師手勢好又有禮貌!!


最近感冒, 包左唔少雲吞, 皮膚又爆左唔少粒粒, 又紅又腫~
所以美容師建議我做一個瘦面保濕療程, 再加一隻藍海藻面膜!!

程序:
>棉花落妝
>再用潔面乳, 美容師手勢唔錯,
>骨膠原去角質啫喱, 去除死皮及角質層
之後再噴上呢支"激活水"
作用係可以調節皮膚循環, 促進新陳代謝,排出體內毒素,激活細胞再生,改善皮膚彈性~ ,
有好多大集團美容院都有用激活水,可以增陪療程的效果!


美容師幫我搽按摩霜, 為皮膚做運動, 幫我按摩, 包括面, 頸,甚至眼部!
力道適中, 同時可以幫我減壓,  接近十五分鐘的按摩, 令我舒服到想訓覺!!!



幫皮膚運動好, 就正式用機做瘦面療程,
美容機主要功效係收緊皮膚!!!

先搽上保濕精華啫喱, 再用瘦面機, 順住面形方向, 收緊下巴及面額位置!!
一邊碌, 會FEEL到有微震, 先做半邊面~


先做左半邊面, 已經有明顯收緊效果!!
摸上去真係好似無左忽咁~~只係十幾分鐘就已經有即時效果!!
因為感冒, 所以水腫得好勁, 碌過部機之後水腫消失晒~
過程無任何不適, 仲好舒服咁訓左陣, 差點連相都唔記得影了~XD

最後一步當然係保濕MASK, 先搽一層透明質酸面膜,
不過今次面膜唔係平時所見的~~~
先講明..我自已都覺得有點噁心的樣子~


佢係藍海藻...一粒粒咁~



唔好似為佢會好稀, 相反佢係超黏, 好似泥膠鼻涕咁...= =
佢會產生黏多醣, 我自已返屋企CHECK黏多醣的功效,
有即時抗敏功能, 可立刻降紅, 使患處馬上回復正常,
又可以幫助皮膚補充流失之膠原蛋白!!
對敏感皮膚好好~


之後敷上面大約15-20分鐘就得, 涼涼地又無咩味,
即使20分鐘之後, 佢都唔會乾或者變色,
都會一樣係咁的質地, 非常有趣!!!


相比FACIAL前後::
明顯紅印舒緩左, 皮膚白左一度,
而且毛孔細左好多, 勁開心~~




之後拿走面膜, 抹乾淨面部, 搽返面霜~
大概一個半小時的療程, 就完成了!!
效果都幾持久呀~~

呢個FACIAL效果真係好合我心水, 就各放面的效果,
所以我都自費買左五次FACIAL呀~
想了解更多請前往以上網址看更多的療程及資料!!
http://www.bellestage.com/ 
查詢: 23923733

BELLE STAGE 對我的讀者們非常之好啊~
送出兩個免費體驗名額
玫瑰滋養注氧療程 (原價$880) / 海藻淨白抗敏療程 (原價$680)
有無興趣試下??
參加方法好簡單, 請LIKE一下我的專頁,
再係專頁連結POST留言 "我想免費做 _______(玫瑰滋養注氧/海藻淨白抗敏)療程!!!
會抽出兩名 FANS~
截止: 30/1

我都開左面書專頁啦, 快D黎LIKE我啦~

https://www.facebook.com/amanareahk
http://aman.theztyle.com
http://blog.she.com/aman

http://amanho.blogspot.hk/
http://www.gooodapple.com/Amano
http://www.fnb.hk/blog/16516
http://www.ubeauty.com.hk/member_blog/amanho/
http://weshare.hk/aman/

http://www.saladblog.com.hk/content.php?uid=378


2014年1月21日 星期二

派對新口味SOMERSBY有氣啤梨酒

剛過左的聖誕同元旦有無同知己朋友開PARTY??
唔多唔少都玩左兩三日啦!!
派對當然唔少得美食, 汽水果汁一定有, 想要更有氣分, 酒精飲品唔少得!!
我平時真係唔會飲含酒精飲品, 即使朋友話去酒吧, 去飲下吹下水都唔會去~~
唔係因為唔飲得, 而係因為覺得酒係唔好味的東東,
無論幾多人同你講, 唔苦架, 得酸味, 無酒品, 我都中招無數!!!
對酒精味真係好敏感!!
今年派對我竟然會飲左兩大支酒喎!!! 原因係佢真係唔似酒, 好好味!!!

Somersby 最近推出的Somersby Pear Cider 酒精濃度 4.5%

Somersby Cider 從廣闊果園的啤梨樹上,採用了最新鮮的啤梨,
壓榨成汁,再利用天然香甜的啤梨汁,發酵成 Pear Cider有氣啤梨酒。
整個釀製過程能夠將新鮮啤梨原來的香爽鮮甜味,完完全全咁保留 ,
細心品嚐下, cider 味道由清入甜,更有啤梨皮嘅青香, 極具層次感!





我平時連1%酒精都唔會飲, 但佢4.5%等同於啤酒,我竟然完全唔覺喎!!!!
Pear Cider有氣啤梨酒無任何添加人工色素,而且成份天然, 可以放心咁飲!!
樽身都有埋生產日期, 可以睇到佢幾新鮮!!


Pear Cider有氣啤梨酒特別適合女生飲,啊!!



原以為佢會係透明無色的, 其實都有有淡淡的清綠色,
而且超多氣泡, 樽蓋一開已經聞到清香的啤梨味!!



口感飲落好似汽水, 但味道偏酸甜, 當然仲會飲到酒精味,
不過佢的果香味蓋過左酒的苦味, 所以唔飲酒的我都相當受落~~
如果想佢更加好味, 可以落幾粒冰,
飲落去更加透心涼, 口腔一直留有甜甜的梨味!!!


除左酒吧之外, 好多連鎖便利店及超市都有得買呀~
未試過梨味, 可以先試一下另一款蘋果味, 我覺得佢似甜甜的蘋果汽水,
同樣都無酒的苦味, 就好似香檳咁~>V<
不過唔好因為佢味道唔似酒就飲太多啊, 佢酒精成份都唔細架!!!



派對要好氣氛, 不妨加返兩支好味的SOMERSBY有氣果酒~
未試過的更加要試下!!!



產品及資料由SOMERSBY提供

我都開左面書專頁啦, 快D黎LIKE我啦~

https://www.facebook.com/amanareahk
http://aman.theztyle.com
http://blog.she.com/aman

http://amanho.blogspot.hk/
http://www.gooodapple.com/Amano
http://www.fnb.hk/blog/16516
http://www.ubeauty.com.hk/member_blog/amanho/
http://weshare.hk/aman/

http://www.saladblog.com.hk/content.php?uid=378