2013年8月30日 星期五

還原細胞生命力▼∞Talika光萃煥顏修護精華水∞‏▲

當初認識Talika的產品係眼睫毛增長液,
到今日的Talika,己經推出不同的家用美容儀, 纖體產品, 護膚品等等,
不過一直無機會真正使用,
好開心今次可以用到連YOKO出書推介的Talika光萃煥顏修護精華水~
Talika 光萃煥顏修護精華水 Photo Beauty Therapy $850 /140ml

- 以光線喚醒細胞全面對抗肌膚老化的原始力量
- 有助均衡膚色及減淡色斑
- 有助修復及保護皮膚細胞裡的DNA
- 鎮靜肌膚、為皮膚保濕(活性成份:透明質酸、α-紅沒藥醇、弱果酸、玫瑰水及植物甘油)

點樣用"光"去令皮皮膚細胞裡的DNA原始化, 達到最佳水平???
平時我地都怕光, 日日都要搽防晒, 又怕晒黑, 又怕雀斑, 有太陽晒就要避到暗陰處,
於歲月及UV紫外光的日常損害下,皮膚細胞內的DNA日漸破損。DNA結構續漸破裂,形成空隙(氧化) ,
妨礙細胞中的原始密碼,令肌膚不能正常運作,加速肌膚衰老徵狀:皺紋、細紋、色斑。
但光又對皮膚有另類的好處, 適量的光可以有效殺除皮膚上的細菌,增加皮膚的抵抗力, 所以間中晒幾下係好事呀~



Talika從大自然中一種外表呈藍色的微型藻類中,發現並成功抽取出一種天然神奇酵素:
Photo-Beauty Enzyme® (PBE),能令光線轉化為肌膚修復力量,能有效修補肌膚細胞中破損的基因序列(DNA)。
想像你自己係一棵植物, 進行光合作用, 會自動進行修復, 令葉子更綠更大~~
Photo-Beauty Enzyme® 證實能即時消除以上對肌膚細胞的不利因素。它集中擊退不停破壞皮膚DNA的氧化反應,並把光線轉化成強大的肌膚修復力量,於數秒間抵消皮膚中的氧化應,還原肌膚DNA原有結構及自然機能,讓肌膚重回最佳狀態。

產品都出自法國, 開封後12個月內要用完啊~~

雖然只係140ml, 但包裝比我想像中大左一倍~
而且有趣的是佢唔係滴管裝或噴裝, 而係似乳液精華類型的泵裝!!!

每次使用只要泵兩下就夠,
全透明的水狀, 完全無任何色素加工, 少少舒服的微香!

將精華水放掌手搓搓,  再塗上已徹底清洗的臉和脖子, 輕印面部, 用手掌溫度加強吸收.

使用前, 皮膚比較乾, 暗啞, 鼻頭少少脫皮!!


使用後, 皮膚有即時滋潤感, 彈性提升, 消除緊感覺~
佢唔似一般的爽膚水, 唔會一推再拍就吸收, 反而滑滑地, 似啫喱水觸感~
連續用左十日, 皮膚狀態明顯越來越好, 所搽的精華同面霜都發揮好好的效果!!!
價錢唔平, 但效果唔錯, 特價時入手一支, 作日常用都唔錯, 而且每次份量唔多, 一支可以用三個月啊~


有興趣可到SASA查詢選購
產品及有關資料由莎莎香港提供
我都開左面書專頁啦, 快D黎LIKE我啦~

https://www.facebook.com/amanareahk
http://aman.theztyle.com
http://blog.she.com/aman

http://amanho.blogspot.hk/
http://www.fnb.hk/blog/16516
http://www.saladblog.com.hk/content.php?uid=378
要找我嗎??  kawaki_amano@hotmail.com


打救凹凸洞 ☆★初體驗電動微針AMTS☆★(2)

上一次做電動微針後三星期, 就可以做第二次了!!
又黎到旺角的BELLE STAGE 源美坊


對上一次只係做左基本的深度, 未有太大的明顯分別, 但皮膚變得比較乾, 所以用多左MASK 同保濕精華,
皮膚變得水水有彈性~XD
今次會再加深針長, 針對較大的凹凸洞, 會見血嗎~??

流程基本上都係一樣的~~GOGOGO~
先洗去面部的彩妝及潔膚, 再搽上麻醉膏, 加層保鮮紙加快麻醉及避免藥膏變乾!!
大約15分鐘後就可以抹走, 皮膚痺痺地, 可以進行AMTS~

用上幹細胞精華做導入, 全支5ml~~
先於皮膚上搽一層打個底, 先給皮膚水份, 及導入用~

每次做微針都會開一支新針, 客人可以放心唔會有衛生問題!!
美容師會係客人面前開封新針~

美容師會用係皮膚上打圈, 令皮膚都能夠均勻受針,
先用0.25mm 作全面落針導入, 再用0.5mm加強部位位置,
之後用1mm主要針對面額位毛孔明顯的位置!!
一邊落針, 一邊補充精華素, 全支5ml的精華一陣子就比我的皮膚吸收盡了~
雖然落針好深, 但又唔覺痛, 感覺只係似有支野吉吉下咁, 而且過程好快!!

美容師見我眼部皮膚很乾, 就幫我做左個眼膜及按摩,
教左我平時自己幫眼部升高血液循環的手法!!!

完成微針後就立即為皮膚降紅~
敷上注氧面膜gel~ 大約20分鐘!!!
面膜完成後搽上防晒面霜就完成了!!!

剛完成AMTS後, 少少紅, 不過麻醉未過, 所以都有膠面感覺!!
藥效會係一小時後慢慢減退!!

一小時後, 開始有吉吉的刺痛感,~
而且泛紅更加明顯, 好有好多紅點呀!!!
果種吉吉的刺痛感一直到夜晚, 所以夜晚我都敷左冰凍的蘆薈GEL MASK, 降紅又加強保濕!
療程後24小時不可以化妝, 及使用任何果酸, 美白成份產品,  要小心護理呀~

療後第一日, 皮膚己經退紅, 輕微刺痛感,
只要加強保濕及防晒就可以!!
療程後第四日後, 皮膚狀態慢慢轉好, 毛孔開始收細, 變得有彈性!!!
搽係面上精華加吸收, 愛上呢種飲水的感覺~

療程及有關資料由BELLE STAGE 源美坊提供
想了解更多請前往以上網址看更多的療程及資料!!
http://www.bellestage.com/ 
查詢: 23923733

我都開左面書專頁啦, 快D黎LIKE我啦~
https://www.facebook.com/amanareahk
http://aman.theztyle.com
http://blog.she.com/aman

http://amanho.blogspot.hk/
http://www.fnb.hk/blog/16516
http://www.saladblog.com.hk/content.php?uid=378
要找我嗎??  kawaki_amano@hotmail.com

2013年8月27日 星期二

光感底妝體驗★★植村秀☆☆lightbulb白瓷光感粉底液★★

植村秀的底妝產品都以自然透薄為主, 每次新品都有新驚喜~~
2013年秋冬,植村秀再為粉底界帶來新突破,糅合革命性先進多源光感科技,於遮瑕及自然光澤取得完美平衡,研製出全新lightbulb白瓷光感粉底液,配合獨創的lightbulb化妝綿,塑造持久白瓷光感的自然妝容。

好開心有機會可以率先體驗兩款新產品~

lightbulb白瓷光感粉底液(27ml) + lightbulb化妝棉 HK$400/套
持久眼線啫喱筆 $190

lightbulb白瓷光感粉底液套裝一盒有兩件
粉底液及化妝棉

lightbulb白瓷光感粉底液
- 利用多源感光科技,塑造白瓷光感,為素肌添上仿如鏡面反射的柔光效果來改善亞洲女性天生暗黃啞光的膚質。
- 蘊含高濃度天然夏威夷果油,光折效果超卓外,亦能同時令粉底更貼面,12小時持久保濕。
- 專業貼膚配方,結合貼膚成份及以氨基酸包裹色素成份,塑造極致遮瑕而均勻透薄的完美妝效。


多源感光科技改善暗黃啞光的膚質, 變得立體自然~

遇水流汗都唔會咁易浮粉, 防水力唔錯~

好多粉底用耐左,皮膚出油就會變得暗啞, 而白瓷光感粉底液就完全無影响~

兩件產品都係日本產造, 有信心保証


粉底液共有14種色調,所有色調均由專業彩妝師精心萃選,確保能完美配合亞洲女性的膚色。


BA為我選擇 764 標準色, 佢係最自然的色號, 適合多數人~

樽口係泵型的, 泵一下的份量就足夠全面使用~
而且光滑膠面易於清潔, 我個人非常極之討厭磨砂黑色的質料~


其實我本身皮膚都幾白, 不過我真係唔太鐘意底妝都太白, 想要自然的,
#764雖然係大路的自然, 對我黎講就偏黃左D~
或者淺一號的#784會岩d, 不過無對比過真係唔知~~
延展性高, 唔會變得粉末令皮膚現乾斑, 水感十足!!!!

 
套裝內的另一件新品「lightbulb化妝綿」,專為lightbulb白瓷光感粉底液而特別設計的~
由植村秀全球首席彩妝師淺野裕司設計的, 以人手加工製成,燈泡形設計獨特, 超可愛!!!
設計靈感來自用於輕彈蜜粉的經典專業蜜粉刷。海綿凹弧10度,是經過專業彩妝師精密計算的角度,
能確保粉底在肌膚上均勻薄透光滑呈現,不留下粉痕或過量粉底。


圓頭設計的一端;
以簡易輕印按壓方法,增強面頰、額頭、鼻子等大範圍的底妝光澤


尖頭經特別塗層加工,可吸收多餘粉底,同時為眼角、鼻側和唇角等部位精確地控制底妝
非常細心的設計, 比單一圓餅形的粉卜更令細緻位置做到貼薄不積粉~



頂級調和式NBR材料*,高密度、高彈性的「lightbulb化妝綿」質感更為厚實,能夠避免不必要的粉底液浪費。
抗菌海綿,並具有抗UV防護性,同時能提供更柔軟舒適的膚觸。
NBR材料是丁二烯及丙烯腈經乳液共聚而成的聚合物,有極佳耐油性、耐磨性、耐老化性和氣密性,能安全地使用於人體肌膚上。


兩件產品配合一齊用就最適合, 要做到白瓷光感效果就要用到特別質料做的化妝綿~
幾個簡單STEP就可以做到貼面透薄底妝!!!


先泵一至兩一於手掌心!!!
我發覺呢隻粉底液佢質地好特別, 流動性唔太大, 唔會好似水咁滑走,
反而似透明質酸果種濕濕黏黏的質地~
應該同佢成份有關, 含有天然保濕因子>>輕膚性極佳的胺基酸保濕粉體, 令佢擁有出色保濕力!!!



利用化妝綿的圓頭那邊~~

於掌心輕輕打4-5圈, 唔需要好似抹手咁大力~

化妝綿的圓頭就會沾上適量的粉底液!! 範圍越圓越大, 就最好~
唔洗驚佢會食粉, 因為佢的製造材料高密度、高彈性~



以輕彈/ 印仔 方式上妝, 好處係令粉底貼薄,
輕易有效遮蓋毛孔, 而且唔會留有粉痕,
同時有助加強光澤感, 發揮粉底液功能!!
亦可以輕輕向外掃開~


之後可以用尖頭位置, 印走眼角、鼻側和唇角的積粉及油份
或者可以將粉底輕印上~


泵左一下半的份量走夠全面使用, 而且印上全面仲有粉底液, 証明佢唔似外表咁食粉!!!

其實我比較多瑕疵, 平日會用遮瑕能力高的底妝產品, 好少用自然貼薄的粉底,
呢款植村秀lightbulb白瓷光感粉底液, 雖然遮瑕力唔算高, 不過就明顯地均勻膚色, 令泛紅不太現,
整體改善本來就暗啞的皮膚, 係自然光之下帶有光澤感,
化妝綿印上面的過程中都唔覺得乾或卡粉出現, 粉底保濕能力好高, 我偏乾性皮膚都能夠有透薄保濕效果!!!
之後輕輕掃一控油蜜粉就可以!!!KEEP左全日8小時, T字位有少少冒油, 不過印下油紙就OK~
的確無出現變暗或浮粉嚴重的情況, 夜晚回家時, 都仍緊貼面上~~


另一件好用的新品~

持久眼線啫喱筆 $190
輕鬆描畫 使用時柔軟順滑,如鉛筆一樣 畫出柔和分明的迷人眼線,清晰突顯明眸
方便易用,毋須使用化妝掃或削筆器 長達12小時的持久妝效
柔軟的啫喱配方含豐富硬質矽樹脂,描畫時形成薄膜,達致持久的防水功效。
快乾特性確保不會弄花雙眸周圍的妝容


共有兩色 (#01黑色, #02深啡)

我用眼線筆比較鐘意用啡色~哈哈~
感覺唔會太過硬!!!


超幻的筆咀, 直頭同支筆芯一樣幼,
畫出黎好易上色, 夠實又唔會太深, 好自然的啡,
不過要注意筆芯係單向的, 扭幾多用幾多!!

眼線膠筆的好處係易畫, 初學者都可以快手畫到靚靚眼線, 而且色夠實, 但乾得慢少少


因為佢夠幼又夠實色, 所以我用黎畫內眼線 及下眼線

大愛幼幼的筆身,  我成日會唔小心畫錯位, 因為筆頭太大~XD

自然的妝容, 即使有斑都唔會覺得怪怪, 感覺好自然~
眼線筆用全日都無黑眼圈出現, 防水防油力高啊!!!


愛美都要愛地球啊!!
包裝用上FSC環保紙, 沒太多花巧的印刷同多重的包裝紙,
齊齊放入廢紙回收箱吧~~~


很抱歉地有好多的相片, 希望用心的分享大家滿意啦~
請記得推一推支持下喎!!!

產品推出日期: 9月2日
產品及有關資料由植村秀提供

我都開左面書專頁啦, 快D黎LIKE我啦~

https://www.facebook.com/amanareahk
http://aman.theztyle.com
http://blog.she.com/aman

http://amanho.blogspot.hk/
http://www.fnb.hk/blog/16516
http://www.saladblog.com.hk/content.php?uid=378
要找我嗎??  kawaki_amano@hotmail.com