2013年3月14日 星期四

洗刷水真的有需要嗎??平價專用洗刷水新選擇

最近好多化妝掃團, 質素都唔錯!!
多用化妝掃, 就會search下有咩洗掃水又乾淨又好用!
始終想化好個妝就要保持工具清潔,如果搞到成塊面爆瘡就得不尚失
SEARCH 通常買黎洗掃的有幾款~
MAC, BOBBI BROWN, Jane Iredale, elf, shu, 大創等等~
仲有好多外國牌子!!平到$12 貴到三百蚊都有~


大創$12洗樸液::
好好用,洗得好乾淨,不過用黎洗掃會好傷,潔力太強大,用黎洗動物毛掃死硬!!越洗越差..我支萬寧掃就係咁升天了~

洗頭水::
好多人都用洗頭水就得,唔洗花咁多錢買,
其實都可以咁洗,不過有時用過有油份的化妝品,D掃要洗好耐都覺得麻麻地,覺得唔夠徹底乾淨!!
而且洗乾要等一兩日...

MAC::
好好用,不過用量大,
又越來越貴,有無其他選擇???

都要搵返支專用洗掃水!太貴我真係買唔起...
呢個月用緊一隻韓國洗掃水同大家分享下!!

CYBER COLOR BRUSH CLEANER $8X 莎莎有售

有膠盒裝住, 比我掉左, 睇唔到成份. 記得係有修護同消毒成份~
奇怪的係cyber color官網同sasa網都有佢資料...
自家品牌都無詳細資料???謎...


全部英文說明,睇清楚係Made In KOREA~~
先講佢個包裝幾好,有埋個透明細杯仔!!可以好清楚睇到洗掃洗成點!
好處係可以慳洗D!


先準備我支用左幾次嘅粉底掃,粉底多數有油份,平時好難抺兩下就算!
我會定時一星期洗一洗!

先倒適量洗掃水係小杯子,放支掃入去~~


先浸十秒,再搖幾下!
可以睇到化妝品的油份同色素已經溶出黎!!


掃幾下都溶到七七八八,然後加水再洗洗~
原本藍色的洗掃水已經變左乳白色/粉底色~


簡單幾個動作已經乾淨左!


再沖多次水,洗走返D洗刷水,
再用布或紙巾印走啲水,咁就洗完了!
兩分鐘搞掂晒!
待風乾!!完成~

除左呢個方法之外,仲可以裝入噴霧樽仔!
平時用完化妝掃後噴幾下,再係紙巾或毛巾掃幾下, 做簡單清潔!
cyber color blush cleaner 用完後我試下自己diy先~到時再分享~

推一推支持下啦!

沒有留言:

張貼留言