分享 清清清清清空~第十二回合

又黎啦！！又黎啦！！
上一次係八月尾打的！呢幾個月真係磨人～因為裝修搞左勁耐..
但到今日屋企仲未有電腦用..(碎唸唸?!@#$)
儲少少影底就去左回收箱了, 所以唔好覺得多～簡單分享啦！！


Perfective Ceuticals
Anti-imperfection Eye Therapy Cream with Growth Factor
上年的聖誕美容盒子的貨裝眼霜, 好似七百蚊！
因為眼紋呢一兩個月出得好勁,就用下呢支明星都話work的勁嘢～
包裝好特別係扭個咀出黎的！但佢又無啪住,一按下又個咀滑返入去！！
質地好軟，搽上眼一Ｄ都唔油, 推開後吸收得幾好！
夏天用都ＯＫ,冬天就好似唔夠保濕！15ml 日夜用都用左兩個月！
Maybelline 礦物BB Cream
夏天用都ＯＫ, 但用得耐覺得佢好乾(放耐左)
而且太過白..白到唔自然！
仲有三分一唔要了！

Etude House Collagen Moistfull Lotion
朋友比的試用裝..
一直放係公司用，有時下巴鼻位乾乾地就點幾下！
好過用toner噴!! 有時溶妝再用佢搽少少補返！

Bioderma 保濕落妝水
用完第二支了，比紅水保濕(癈話..)
買一送一時時購入，不過唔回購..
屋企仲有支500ml紅水同兩大支BB水要用！
係一支值得回購的好物！！重點係唔嗱眼..ＢＢ水嗱到PK！！


MIOGGI 旅行SET
生命水 (8ml)，透白凝亮抗氧精華 (8ml)，透白凝亮細胞再生素 (8ml)
之前團購左 $168 燕窩緊緻嫩白及按摩護理1次之後送的！
講真係facial係幾好,不過太貴!!
呢set九月去台灣時用的,都幾好用！只帶左呢三支去！
夏天ＯＫ,冬天唔夠潤！同埋香味好重咁～

Glamour Perfume and Fragrance 香精試用版
真係無敵勁..噴左落衫,兩星期都仲係keep到！！
價錢合理可以去買返支！
呢個真心推介！不過要你鐘意佢Ｄ濃香味先！！

Neutrogena Hydro Boost防曬保濕Gel SPF 30 PA++
寄到屋企的試用，用左四日左右！
完全唔似防晒,似保濕gel..香味重！
同埋唔太吸收.有層油係面咁.唔夠清爽...

貝佳斯保濕精華
用黎補裝搽眼袋～都幾好用！唔油上妝好貼！
其實呢Ｄ一支仔精華係化妝袋必備！！

請推一推支持下啦!!!