2013年3月10日 星期日

快速透薄底妝 來自法國的BOURJOIS杜鵑精華完美系列

一直期待有機會抽中BOURJOIS的粉底試用!!
因為身邊朋友都用過話唔錯!!!
不過自己對粉底呢樣野有點保留!!
粉底比我的印像....
一定係乾; 用幾多妝前mask都好.一定夠到裂<--太誇了...
九成白到鬼咁; 我用過咁多試用裝粉底, 無幾多係真係夾岩我d色
用左似假人; 我本身白,又肥,面又大..用左粉底...同塊大鏡有咩分別

平時化妝我係用bb cream, 仲要係自然色,唔會用淺色號..
我唔太鐘意自己太白...
bb cream 秋冬用都好, 夏天真係用唔到!!
不過仲未搵到岩用的粉底都無法...照用~~

所以今次有機會試用粉底真係好開心!!超期待~
兩個試用品, 我都覺得好壞參半!!!同大家分享下!!


杜鵑精華完美系列
杜鵑精華完美系列含豐富野生杜鵑花精華!!
具天然美白及祛斑功效, 能抵抗嚴酷氣候, 有效喚醒細胞!
同時賦予肌膚完美幼滑修護效果,締造持久肌膚!


杜鵑精華透薄底霜 $138 7ml
以野生杜鵑花精華保護面部幼嫩細胞,集保濕、活化、保護於一身,
能瞬間撫平粗糙毛孔,令肌膚幼滑如絲,更有效於均勻塗抹粉底,使粉底更容易塗於面上。

淡淡的粉紅色, 有少少花香味!!
好似豬油膏..

無分色號, 只有一色, 佢得7ml..
不過日日用都應該好快用得晒!!!
18個月要用完佢!!會過期呀~~
杜鵑無瑕防曬粉底  HK$238  30ml  SPF15 8種色調選擇
BOURJOIS 首次採用野生杜鵑花精華來延續年輕肌齡, 粉底含有野生杜鵑花精華!!
能抵抗嚴酷氣候, 有效喚醒細胞, 撫平粗糙毛孔、均勻膚色及有效修飾面上瑕疵 !
極細緻質地能即時柔滑肌膚, 妝容有效持續16小時!!


BA幫我試左呢隻色話岩我...其實我都有點保留..
最白色號係51號..我話唔要咁白,佢就比低一號我!!
算啦!!就信下專業的眼光啦!!!
包裝我幾鐘意佢的玻璃瓶外表, 有重量我鐘意!!haha~

BOURJOIS的化妝品越來越多有趣的設計
有360度轉鏡子的粉餅, 電池自轉的睫毛液
今次有附粉樸的粉底液!!!!haha~有趣!!!
而且仲有細孔通風,唔會令粉樸發毛!!


個粉樸都幾靚!!
不過用到上面就真係麻麻~~
主要原因為佢係依附住個蓋, 呢個後面再講!!


我最like呢d泵咀!!
實在唔太鐘意要直接用手指插入去果d!!
同埋佢的粉紅色好sweet sweet~haha~

好啦!!!!試上面~~
連續日日用左一星期!!平時返工我都會化妝的!!
所以基本上要求好簡單, 易用, 夠遮瑕(因為無咁多時間慢慢執)
我每日返工都化個好簡單的妝!!

先來嚇鬼素顏..
己經無咁敏感.之前做完reenx嘛~haha~
不過有時間可以做個快速5min的 toner mask先!!


先黎個底霜先!!!
用手指印上去就得!!千祈唔好厚厚咁搽...
出事架嘛!!!
搽左之後好滑手, 毛孔都修飾得幾好!!
不過呢類含細粉末的底霜都會有撐大毛孔危機~
哈哈!!!所以都只係選擇性咁搽上面毛孔效明顯的地方就得!!!


之後就用支粉底!!!

我會泵一下..
好似好多咁...但發覺又唔係真係好多!!
兩睇啦~如果你用手印上面的就真係較多, 用工具(掃/樸)就差唔多了~
其實我係面大囉!!<--重點!!


我會點係面上唔同地方先!!!
不過都要快手快腳..會乾嘛!!

再用海棉印印印~
粉底我都覺得要工具先夠貼夠薄~
如果就咁用手推開去會真係幾厚!!!
呢個海棉好難用..因為連埋個蓋~
鼻位,眼袋.咀角等地方都好難仔細..
用過幾次後都係用返自己的海棉!!

底妝~~
其實佢的遮瑕力真係幾好!!!
用岩方法搽上面就真係幾薄!!

之後用返礦物粉

掃晒成塊面, 再用海棉壓印一下!!!


再九秒九畫返條眉同眼影!!
我唔明點解咁多人唔畫眉..眉其實都係五官之一嘛!!!
不過真係唔易畫...我都畫左好耐先好少少....>_<

大致上眼妝咁上下!!
我會用埋深灰色眉粉畫埋眼線!!
但又唔會用睫毛液!!主要係懶同埋無時間搽~
出街的話我會放工時去搽!!!

之後打返陰影同胭脂!!
搽埋潤唇膏就著鞋出門口!!!gogo~
基於我面大又圓, 要戴眼鏡先好睇d...

總結:::
用左成個星期, 我覺得呢兩個產品比我想像中好用!!
10分滿分, 我會比8分!!
扣分點::
粉底真係白左一號...不過問題可以用自然色碎粉解決, 同埋海棉唔好用!!!
由返工到放工十個鐘, 個妝都keep得到!
底霜真係幾好用, 同粉底係絕配呀!!!
出油都唔洗用到面油紙~
而且我個人幾鐘意呢d霧面效果!!
個人feel吧, 我面大.唔like果種反光的妝容!睇上去我塊面會好似油炸咁~
嗯...我有化妝同無化妝真係差得好遠...= =


原來有咁多相....
花了很多時間的試用文!!
請大家支持一下!!大感謝!!

沒有留言:

張貼留言