2013年3月9日 星期六

SKIN FOOD 龍舌蘭仙人掌

好多sis都話skinfood好多雷品!!
但其實我個人幾鐘意skinfood~~
當然, 我又唔會係果d咩野都話好用果d人~~
skinfood我最愛都係甲油!!!色靚,好油,夠平!!
其次係洗水式的mask. 好多味道, 好香~~
護膚品我通常都係用sample~好少會買一支黎用!!
不過講真..有d真係唔太好用,尤其化妝品方面佔頗多..

話說上年朋友去旅行,咁我順便撘單叫佢買左d 返黎比我~
呢排用左其中一支,覺得都幾好用..
同大家分享一下!!
點解要過左咁耐先開黎用??
我覺得佢好大支, 而且我又好多野開左未用晒.
而且呢支係岩夏天用的~~
所以留到呢陣子先用~~

龍舌蘭仙人掌水活乳液  145ml




skinfood 最like係佢的包裝, 做得好靚,又唔會太花巧太娘~
其實kr化妝/護膚品都很有心思去包裝設計.好多靚靚的花紋!!!
呢支乳液...係hk專門店賣$315 hkd
但去到kr買...只係$140左右!!太過份了~~
haha~

功效:
清爽質地令水潤效果加倍,為肌膚達到補水、修護、鎖水三重保濕功效。淨白因子熊果素、高效活膚因子腺甘酸及五胜肽,可改善面上的黯沉瑕疵,令肌膚重現平滑、有彈性,締造出水凝剔透的亮麗美肌。
簡單黎講都係保濕主打!!

用法:早晚使用於精華後 ,取適量由內而外均勻塗抹於全面及頸部。

個樽口都ok岩岩好~~
不過...佢個樽成個係glass做, 好重, 如果下下用都要咁用力..我真係好快手殘!!
所以我都會倒去另一個吉樽度用!!

質地好cream, 偏稀, 香味我好鐘意~


145ml應該可以用好耐, 所以我都係豪用的!!厚厚咁用!!
我兩個月都用餘三分一!!
夏天用真係唔錯, 用左咁耐無敏感,無脫皮~
保濕度都幾好, 唔會好油!
而且質地好好推, 好似有層mask咁~
搽上面後好舒服!!不過唔會再係hk回購~
朋友下次去kr會叫佢買呢個系列的其他產品用下!!!

唯一唔好的就係佢的玻璃樽. 要倒出黎要用力chock..= =
我會倒轉放.等佢咁上下先倒去吉樽用!!

我都開左面書專頁啦, 快D黎LIKE我啦~

https://www.facebook.com/amanareahk
http://aman.theztyle.com
http://blog.she.com/aman

http://amanho.blogspot.hk/
http://www.fnb.hk/blog/16516
http://www.saladblog.com.hk/content.php

沒有留言:

張貼留言