2013年10月26日 星期六

DREAM SKIN Pore Clear零毛孔蝸牛系列★三件產品★三種享受★

DREAM SKIN的蝸牛系列我用過精華水, 真係唔錯~
原來佢蝸牛系列都唔同, 今次試佢的Pore Clear零毛孔蝸牛系列!!!
閒焗的天氣好煩, 皮膚容易泛油,角質層增生變厚,堵塞毛孔,令皮脂無法順利排出,形成黑頭和粉刺;
明明我唔係油性肌都爆左兩粒瘡!! 所以除左平日的清潔功夫要做好, 仲要定期做下深層清潔同埋去除層層死皮角質!!!
皮膚的老化角質會令妳的面部肌膚看起來更粗糙及膚色暗淡無光,
同時阻礙皮膚吸收營養,即使塗上再好的護膚品,亦徒勞無功~
DREAM SKIN Pore Clear零毛孔蝸牛系列的三件產品為此而出現~XDDD

韓國藥妝品牌Dream Skin備受歡迎的《Pore Clear零毛孔蝸牛美白系列》,包括「零毛孔蝸牛美白彈力洗面泡泡」、「零毛孔蝸牛美白清潔泥面膜」及「零毛孔蝸牛美白去角質泡泡」,集結三件Pore Clear產品,打造零毛孔美肌SO EASY!

零毛孔蝸牛美白去角質泡泡 HK$109.000/120ml

蘊含豐富的蝸牛分泌物濾液、綠茶、蘆薈及西柚等天然成分,只須20秒即能擦走老化角質,深層潔淨肌膚,預防油脂積聚,去除毛孔內的污垢、黑頭及粉刺,促進新陳代謝,有效美白膚色,令肌膚顯得光滑白皙,改善暗啞粗糙等問題,加速後續保養品的吸收。
主要成份:
蝸牛分泌物濾液 : 防敏、保濕、 美白、去痘印                             
綠茶 : 對抗自由基、抗氧化
蘆薈 : 紓緩及鎮靜肌膚、修護、保濕
西柚 : 去除肌膚老化細胞、平衡油脂分泌、穩定肌膚


雖然有香港代理, 但產品仍然韓國產造, 產品開封後12月內使用,
包裝係鋁鑵, 所以用完要記得回收呀, 愛美麗愛地球!!

樽口好似怪物蟲的口~XD

用之前要搖下佢, 樽口向下, 用力按就得!!!


泡泡雪白色, 帶微香, 密度都OK高!!!


輕輕打圈按摩,十幾秒就會起左好多碎屑!!!
再以溫水清洗乾淨就得,每週使用2-3次!!
感覺唔錯, 皮膚好左之後好滑, 唔覺得乾或拉緊,
打兩三圈泡泡己經消失, 平時用泡泡都係洗面的, 第一次用去角泡泡感覺好有趣!!
控制上有難度, 有機會吱太多, 如果一星期用三次好快用完一支~


零毛孔蝸牛美白彈力洗面泡泡 Snail Whitening Bubble Cleanser HK $ 109/120 ml

蘊含蝸牛分泌物濾液、斗蓬草萃取、歐蓍草萃取等活氧成分,深層潔淨,抑制油脂分泌,平衡pH值;
同時增加肌膚活性及彈力,收細毛孔,淨白膚色,令肌膚細緻粉嫩有光澤。
主要成份::
蝸牛分泌物濾液 :消炎、保濕、美白去印、平衡油脂分泌
斗蓬草萃取 : 軟化角質、收細毛孔 、美白肌膚、增加透明感
歐蓍草萃取 : 紓緩、修護 、對抗紫外線及環境侵害


有代理的好處係有中文解說~XD


潔面泡泡的噴咀唔同去角質, 呢款係似頭髮造型果D~


需要稍為用力按下先可以有泡泡!!
有時都會大力左, 按出過量!!



潔面泡泡的密度超高喎, 而且好結實, 又唔會預空氣變水!!


讓泡泡停留在臉上約5-10秒鐘,
用手稍微按摩臉部,再以清水洗淨。
佢的泡泡唔會按摩後就消失左, 會越按越厚, 似洗面膏咁, 香味唔會太過份,
清潔度唔錯, 而且保濕力幾好過水後都好舒服, 唔覺得乾, 好岩冬天用!!!

零毛孔蝸牛美白清潔泥面膜 Pore Clear Snail Whitening Clay Mask HK$ 159/100g

清涼且極易均勻推開使用的泥狀面膜,含有比毛孔更微細的加拿大皂土,能深入淨化毛孔,並有效吸附油脂,均勻膚色,塑造明亮肌膚。
從天然植物萃取的毛孔收斂淨化精華,可深層清潔毛孔內有害毒素,提升皮膚彈性,對油性皮膚更為見效。


主要成分:
蝸牛分泌物濾液 : 消炎、保濕 、美白去印、平衡油脂分泌
加拿大皂土 :吸附皮脂 、改善毛孔問題
碳酸鹽 :增加肌膚活性 、為肌膚深層注水分
毛孔淨化美白精華(柑橘萃取精華、佛手柑油和萊姆油) : 提升皮膚彈性 、美白肌膚
盒子打開後還有密封膠蓋, 保持MASK泥的水份!


面膜泥好唔同, 佢似濕左的海棉咁!!


推開後原來質地好CREAM, 延展性好高! 而且唔會有難聞的味道!!!


用內附的勺取出適量清潔泥面膜,將面膜厚敷在乾爽的臉上15-20分鐘,
佢會慢慢變乾, 再以微溫水洗淨。每週使用2-3次。


佢會吸走你多餘的油脂, 洗面後好清爽, 唔覺得乾緊,
不過洗果時比較煩, 最好有潔面棉幫手, 就咁用水沖走要花太多水同時間!!!
我偏乾的皮膚用都覺得無問題, 無嗱,無敏感, 超正喎,
因為用過清潔面膜搽上面幾分鐘都刺痛到不得了, 要洗左去, 塊面仲要紅晒, 要搽返蘆薈MASK先可以舒緩返!!
可以每星期KEEP住用兩次, 秋冬可以一星期一次!!!

三款產品己經推出左新包裝啦!!
有興趣就買黎試一啦~



產品及有關資料由dreamskin及ztyle.com提供

我都開左面書專頁啦, 快D黎LIKE我啦~

https://www.facebook.com/amanareahk
http://aman.theztyle.com
http://blog.she.com/aman

http://amanho.blogspot.hk/
http://www.fnb.hk/blog/16516
http://www.ubeauty.com.hk/member_blog/amanho/
http://weshare.hk/aman/

http://www.saladblog.com.hk/content.php

清清清清清空~第十九回合

啊~~~原來對上一次清貨文係八月份~
難怪我睇返原來我有一大堆相未分享!!!
咪覺得多....因為有兩個幾月的份量啊!!!HAHA~

彩豐行青瓜潔面奶
因為好多人評價唔錯先買一支細的黎用, 價錢方面真係好平,
又唔覺得有咩特別, 潔力一般般, 洗完後唔會覺得乾, 不過總好似有層潤野係度咁!!
唯一讚的係香味好舒服, 潔面力使用量好大, 所以唔洗一個月就KO左了~

SKIN79 BB CREAM 5G
特登走去買的SAMPLE, 以前有用過大大支的貨裝,
佢係我人生第一支的BB CREAM, 用完一支貨裝後, 轉左唔同牌子,
之後又手痕買返支黎用下, 仍覺得好好用, 不過皮膚要夠白, 偏乾先岩用啊!!!
LESSONIA ULTRA LIFTING FIRM SERUM 7ml x 3
一盒14支的精華, 一直用一直用, 都用唔晒~XD
去紋效果唔錯的產品, 價錢真係唔平, 搽虎紋搽勁都好吸收!
唯獨事陣味唔LIKE~HAHA

TOO COOL FOR SCHOOL- AFTER SCHOOL BB CREAM
韓國買野送的, 我仲有支貨裝未開黎用,
去旅行前SEARCH過先買, 開左個試用裝用下, 一包可以用三次~
真係幾好用, 呢隻色好岩我, 佢唔厚又有遮瑕, 覺得佢比MISSHA果支更好用!
冬天要開貨裝黎用先~

凡士林低敏專業修護霜
佢非常適合秋冬用, 因為比較潤同鎖水, 搽手腳超級滋潤,
不過當PR送到黎, 拿到手時得一個月就過期,
結果大大支都無用到一半就要掉,
非常之浪費!!!唉~



NATURAL REPUBIC 白米卸妝膏
係年頭去旅行時買的, 大大罐有300G, 佢半價都唔係$30, 因為平而買黎試下!
佢香味都幾舒服, 唔係花香或膠味, 包裝上無咩花巧, 簡單扭開就抓一PAT,
用量大都用左兩個月啊, 試過用黎落妝, 淡妝都落得幾好, 洗面後都唔會乾,而且潤潤地!!
不過又唔覺佢特別好用, 反正平就試下啦, 唔會回購了~

Biore 水感防曬
係台灣買的, 當時香港都未推出, 夏天用真係好清爽,
保濕力高又唔痴立立, 又唔會反晒光或爆面油,
價錢又平大約$50左右, 而且SPF50非常之適合多數人~
不過實際覺得佢似保濕霜多過似防晒, 薄到水水的防晒真係無咩安全感!!
適合學生用, 但唔適合要求高的我!!!

TWO GIRL 眼霜
質地好有趣, 似係固體啫喱, 但推開後會變得液體,
之後可以好快吸收, 我覺得保濕力唔錯呀, 用左幾日都無不良反應,無油脂或乾紋!
3ml 唔多唔少都用左成個星期啊~

化妝棉 (購自莎莎)
價錢都好平, 質地厚身, 適合用於美容機導出,
唔太起棉絲, 用黎落妝真係唔錯, 兩三塊就可以,
不過唔岩用黎倒化妝水抹面, 因為真係非常吸水!!
呢種棉特別岩用黎抹甲油啊~XD

無印良品有機化妝棉
多人推介好用就買一包試下, 好似只係$1X,
幾鐘意佢的有機概念, 唔係雪白色的化妝棉,係帶點米色的,
質地好軟身, 似棉花, 面夠大,
缺點係唔可以抹太多次, 會極之快散開同起絲,
化妝棉我都係用黎落妝或抹面!!
唔太岩我用, 不回購!!

HANSKIN魚子 BB CREAM
之前萬寧特價買的, 因為九月就到期,
用過HANSKIN SUPER果支, 真係名不虛傳,所以先心思思買呢支黎試下!
日日用, 都用左三份二, 佢好岩夏天用, 唔會出油或過厚,
色號自然, 又唔會BLOCK色孔, 用咁耐都無生過暗瘡!!!


ST.Ives  磨砂洗面膏
呢支磨砂係幾年前開始寫BLOG己經有用, 當時只得一款,
砂粒比較粗身, 洗得太密就搞到皮膚薄左易敏感~XD
但仍覺得佢的磨砂功效超好, 三年黎出左唔同的皮膚版本, 所以買左支敏感肌用的,
砂粒比例少左, 又幼左, 而且加左洗面膏功能, 有輕微起泡,
所以我會加少少係洗面乳一齊用, 有時又會用黎溝沐浴露,
香味好舒服又天然, 價錢又平, 我好推介呢支~

BEYOND 木瓜磨砂洗面膏
香港無得買的, 但真係好想去韓國時買返一支黎用!!
清淡的木瓜香味, 有少少磨砂粉, 因為係潔面乳所以泡泡唔多~
用後唔乾緊, 比平時起泡產品好用!!

RevitalLens 洗CON水香終於都用完第二支了~XD
當我想去返果間店想買返$90 / 2支, 己經無晒變左$120!!!可惡啊~
最後買左另一隻牌子, 因為贈品吸引同價錢優惠D~容易變心的女人!!

雪肌精SPD50防晒乳
佢係細支裝30ML, 貨裝係60ML的~
做會員時買野送的贈品, 有咁大支啊!!!!!
佢質地唔係水水的, 係乳液偏杰身果種, 份量大約5蚊左右~
少少酒精味, 但問題唔大, 因為有花香味,
防晒度夠高, 搽上面後會覺得潤而不油, 5分鐘後就可以上妝,
己經回購左貨裝SIZE!!!

摩納哥堅果護髮精油
唔洗多講, 第一次用髮油係唔油的, 真係無得頂,
雖然係油. 但係佢一D都唔會立, 無油膩味!! 感覺係乾爽的~~
N年前都用過護髮油, 用左一次都唔想用了, 成個頭好似GEL左咁, 油立立!!
呢支摩納哥堅果護髮精油用一次己經愛上了, 我夜冕吹頭時用, 訓醒後都係乾爽柔順!!
現在正使用貨裝SIZE, 每次吹頭都有用啊!!!頭髮好柔軟!!



Bifesta 高效眼部卸妝液
己經係第三支了, 佢落妝力無BIORE果支咁強大,
但勝在夠溫和唔拿眼, 而且價錢夠平,
我落眼妝會用佢, 兩塊棉就可以KO, 又平又抵用的落妝液!!

Bifesta 亮白型 潔膚露
佢都算係新產品, Bifesta出名的係平價落妝水,
呢支似係啫喱水的潔膚露, 主要都係用黎落妝, 係單用手好難扭搓出泡泡, 要用起泡網或者潔面海棉,
我呢個懶人真係唔岩用, 用左三次就放埋左一邊, 放左兩個月,
跟住有次用泡泡染頭後, 靈機一捉, 用左佢個泡泡泵,
咁呢支產品就此重生了, 我平時用左眼部落妝後, 再用佢黎洗面,
清爽又唔乾, 除左煩之外真係無咩缺點!!!

BIORE 眼唇落妝
妹妹用左一半我就一齊用埋, 講真除左佢貴過Bifesta之外,
真係無咩缺點, 落妝又快又乾淨!!

SUNKILLER 防晒乳
試用過覺得好用而回購的防晒, 佢係比較乾身的, 用黎搽面或搽身都OK,
30ml 都幾耐用, 佢質地好水, 搽上面好快就乾, 唔會油立立,
而且價錢都好平, 不過秋冬用會覺得唔夠潤啊!!

OLAY抗皺精華乳
佢係SET妝, 仲有樽面霜,早就用晒了~
呢支精華唔係乳液咁稀, 係杰身D,
基本上好快吸收左, 皮膚變得有彈性,柔軟,
可惜毛孔方面未有明顯收細!!

彩豐行 椰子美白沐浴露
我鐘意椰子味所以先買, 200ML一個人好快用完!
佢香味100份, 不過覺得洗得唔乾淨, 起泡力一般,
所以試過就算了, 唔回購!!

BIODERMA 抗敏保濕面霜
買紅水SET送的, 15M大大支都好耐用,
佢保濕得黎又夠潤, 但唔會油唔厚感,
夏天都可以用得好清爽, 輕柔舒服!

BIODERMA 保濕洗面奶
旅行裝的洗面奶, 一包可以用兩次,
我鐘意用洗面奶, 佢呢隻的洗面奶相當不錯, 保濕力真係偏高,
而且唔覺有好多香料, 洗得乾淨, 即使洗面後都唔會有層膜係面度!

COLLIN Dehydrated Skin Intensive Concentrate 水漾瑩肌精華 及 eye gel 眼部啫喱
佢係法國的牌子, 市面好少有, 通常都係美容院自己用或內鎖,
用過之後發覺佢好好用, 但原來佢價錢都唔平, 呢兩支產品來自VIOLA SKIN,
我網購時送的SAMPLE, 雖然只係細細支, 但係佢好快就有效果!!!
乾紋同埋脫皮的情況兩三日就有改善, 保濕度好好啊~~

Infusens™高效補濕精華
細細的一支,可以比得去B5 gel的保濕度,
4ml 可以用到一星期呀, 快速保濕,
剛剛的glamabox都有一支啊!!!HAHA~


一口氣超過20件產品的小小分享!!
請推一推支持下我啦~XD


我都開左面書專頁啦, 快D黎LIKE我啦~

https://www.facebook.com/amanareahk
http://aman.theztyle.com
http://blog.she.com/aman

http://amanho.blogspot.hk/
http://www.fnb.hk/blog/16516
http://www.ubeauty.com.hk/member_blog/amanho/
http://weshare.hk/aman/

http://www.saladblog.com.hk/content.php

2013年10月21日 星期一

誘發女性優雅品味☆☆來自意大利的MORELLATO☆☆

前陣子有幸參與來自出席意大利首飾品牌MORELLATO 位於TST ISquare分店的2013 F/W Collection活動!!
女生都喜愛飾物, 有時衣著平凡, 但配上一件飾物整體感覺就變得與眾不同!!
飾物的變化永遠無窮無盡~~

源自意大利文藝復興重鎮威尼斯的首飾及腕錶品牌MORELLATO,由腕錶工匠Giulio Morellato於1930年創立。
受意大利美學與工藝所感染,其出品一直以精巧手工及優雅時尚見稱,更深受意大利及歐洲人士所喜愛。
踏入2000年,品牌業務拓展至美國及亞洲多個地區,於北京、上海及香港等地設立旗艦店,
成為世界最具影響力的首飾品牌之一。
Morellato認為首飾及腕表並非只是配件 ,它是代表著個人風格的主角。品牌旨于為顧客塑造個人不同的個性及風格。


今次帶大家去睇睇MORELLATO的不同系列及佢的特別啦~~

Corno系列:
選用精鋼綴牛角,每一件首飾的花紋和色澤都是獨有的,就像每個人都是獨一無二的。
白瑪瑙狀圓石具有強化愛情、調整自己與愛人感情的神奇力量,配以PVD鍍玫瑰金工藝,簡潔優雅。

Mosaico 系列:
精緻的寶石拼接設計靈巧獨特,別具造型感與藝術美感。淺橘色靈動明亮,貓眼光芒若隱若現,極緻優雅,更添令人捉摸不透的神秘感

Madreperla 系列:

精鋼配以閃石及貝母,PVD 鍍玫瑰金工藝,三環橢圓層次造型盡顯高貴典雅氣質。貝母優雅低調,以玫瑰金鑲嵌水晶點綴,獨具現代感。



Notti 系列:
圓形主的設計, 配上晶石, 感覺簡約又有氣質!!



Torino 系列:經典方形錶盤設計,獨特開窗表面,鏤空造型,錶芯運作一目了然。
經典、永恆的設計,是每位女性不能錯過的機械腕錶。彰顯女性成熟幹練氣質。


除左手錶同飾物, 仲有設計感十足的圓珠筆, 突顯個人風格之餘又係身份象徵~



Riflessi 系列:經典圓形設計, 重疊的圓形增加層次感, 加上天然晶石, 非常優雅




Venezia 系列:
珍珠配上鋼珠的設計, 型格又有個性, 可以配撘輕便服裝!!






Sogno 系列:
玫瑰金配白金色, 加上心形設計, 完全吸引到女生的目光!!




Drops 系列:
可以顯示到獨立個性的一個系列, 每條鏈的設計都係一個性格一個主題~



三粒一組, 己經配撘好的手鏈, 價錢唔貴, 選擇亦好多!!


另外仲有好多不同數量及主題的手鏈!!



配撘不同顏色及質料, 令每條鏈都與別不同~




除左有配撘好的手鏈外, 都可以自己配撘個人喜好的款式,
單係手鏈素材的選擇都超10款~~


有色彩豐富的琉璃珠子~


有彩色晶石設計的珠子


仲有立體設計的珠子!!!


配撘一齊就會變成獨一無二的飾物了~
除左手鏈仲可以配成頸鏈或鏈咀!!


Ducaie 系列:
通花的設計令人目不轉睛, 加上珍珠的設計, 整體更加高貴華麗!!!


Firenze 系列:
玫瑰金鍍層配上白色設計的手錶, 更顯女性魅力優雅!!




飾物又點少得鑽石, MORELLATO唔少鑽戒,耳環及吊咀等~


Offshore 系列:
粗繩再上金屬方形及圓珠的手帶, 中性的飾物, 男女都合用!!







Motown 系列:
飾物店唔少得男士的設計, 女生都喜歡送貼身物給愛人啊~
帶有設計特色的鏈, 唔會過份誇張, 顯示品味!!




水晶配鑽石, 另有一種不平凡的感覺!!



Brezza 系列:
呢個系列我最鐘意, 珍珠永遠都係飾物設計中的不二之選,
唔想太女性化, 少少混合設計, 令佢由優雅變得野性~



睇左咁多款的系列飾物, 係咪都想全部戴上身,
現在更有優惠, 買滿指定金額, 更送多一條ICONE系列手鏈!!!

Icone 系列:
MORELLATO 獨有的俏皮圖案,綴有珍珠,完美展現可愛女人的特質。


是次活動, 多謝大會送出小禮!!!

想睇到更多美美的飾物, 大家可以到門市看看你的心水啦~
http://morellato.com
Shop 18, iSquare, TST


我都開左面書專頁啦, 快D黎LIKE我啦~

https://www.facebook.com/amanareahk
http://aman.theztyle.com
http://blog.she.com/aman

http://amanho.blogspot.hk/
http://www.fnb.hk/blog/16516
http://www.ubeauty.com.hk/member_blog/amanho/
http://weshare.hk/aman/

http://www.saladblog.com.hk/content.php