2013年6月23日 星期日

夏日美肌佳品首選★★蘆薈系列★★Vaseline

以前我係好憎用BODY LOTION, 任何搽身的都唔鐘意用~
主要原因都係小時候的陰影, 老媽子成日都迫我用油立立的凡士林搽身,搽手,搽腳!!
令我覺得一個印像→所有搽身的潤膚露都係油立立!!!
到左廿幾歲時, 乾到爆炸先會搽少少, 近呢三四年開始接觸多左, 產品的改良令我開始去用~
其實用過唔少牌子, 好少會令我回購或者可以用完一支,
但呢個牌子就深得我心~

向大家推薦我最愛的★★蘆薈系列★★
Vaseline 蘆薈潤澤身體潤膚凝露    $49.9/ 200ml 

無論任何季節都岩用的產品, 尤其是炎熱的夏天~
我好鐘意用蘆薈產品, 因為對敏感泛紅的皮膚有鎮靜作用!!!

用過唔少蘆薈產品, 但覺得好多成份同質地都唔太好,
首先含酒精成份有機會敏感, 人工香味有時又太強, 含色素唔天然因素等等
不過Vaseline呢隻蘆薈GEL就無呢各面問題~~


選用100%天然蘆薈成份

而且無酒精成份, 酒精會令你有涼涼的感覺, GEL質地都比較稀~~

天然的香味, 好舒服, 而且係透明色的, 無加任何色素!!
質地唔會好稀釋, 反而少少杰杰地~

推開後, 唔會好似韓國出果D咁變成水, 佢會仲係啫喱咁~
皮膚即時變得水感十足, 而且仲可以幫你保持皮膚水份, 唔會過一個鐘就無左!!
最鐘意佢又保濕又可以修護~
夏天因為日晒, 間接蒸發左身皮膚水份, 呢支真係一年四季都岩用!!勁推呀~

我屋企話明有★★蘆薈系列★★,又點會得一支皇牌, 仲有同系列另外兩支的LOTION~

另外兩支都好好用, 向大家少少講下~

蘆薈保濕潤膚露 400ml


雖然佢唔係GEL, 但都有純淨的蘆薈精華~~
同埋STRATYS3科技, 令佢比起其他潤膚露更清爽, 更快保濕滋潤!!!!

乳白色, 同樣的香味, 推開後好似乳液咁的質地,
最憎果D杰達達, 油立立的LOTION, 呢隻夠清爽, 又快吸收, 皮膚變得好滑~
我鐘意沖涼之後用呢支搽手腳, 因為佢夠清爽, 夏天都可以用~有時會當HAND CREAM咁用!!
大大支, 價錢又夠平喎, 值得回購!!!

另一支係日用的!!!

蘆薈保濕防晒濶膚露 200ml $29.9

含防晒 SPF24 PA+

呢種二合一的最岩室內冷氣工作的人!!

佢出左唔係好耐, 不過一出我就買左, 主要都係因為佢係蘆薈成份有關啦~
平日係屋企都可以用,  手手腳腳唔會用百幾二百蚊支的防晒乳吧, 倒水咁用好肉赤啊!!
呢支保濕得黎又有防晒, 而且價錢又平!!
質地真係似防晒乳, 搽開都似似地, 不過推開吸收後就唔太覺白左,
唔錯鐘油立立咁搽係身的, 呢支真係好good~

蘆薈成份真係對皮膚好好, 但對於皮膚敏感的人就唔得,
好似我妹妹咁, 反而對蘆薈極其敏感, 搽少少係手都己經快泛紅, 又會痕~
但又想皮膚可以保濕又安全, 咁呢支就岩晒佢~~


Vaseline 專業低敏修護潤膚露 $88.9 200ml

皮膚敏感絕對係香港大小朋友的問題, 主要都係空氣差, 同濕度高的問題!!!
每逢乾燥或潮濕的季節,濕疹及皮膚過敏患者的皮膚痕癢便會發作,嚴重者更要時常求助醫生,相當麻煩。
佢地亦煩惱市面上沒有適合自己敏感肌膚的潤膚露~~~~
因此,Vaseline 特別為皮膚敏感人士推出全新的 Vaseline 專業低敏修護潤膚露,滋潤嫩滑的敏感肌膚~



低敏配方無香料  濕疹皮膚適用
全新 Vaseline 專業低敏修護潤膚露,配方清爽而且性質溫和,其無香料的低敏配方,能減少肌膚因外來刺激出現過敏反應的同時,修護滋潤肌膚,特別適合濕疹患者使用。
較處方潤膚露更保濕達 60%
要控制濕疹,必先要保濕。全新 Vaseline 專業低敏修護潤膚露是 Vaseline 各款潤膚露之中,擁有最強保濕功效的潤膚露;據測試報告證實,它比一般在美國銷售的處方潤膚露更有效保濕高達 60%,肌膚充滿水分及養分,便能形成一層薄薄的保護膜,24 小時持續滋潤修護你細嫩的敏感肌膚。
專業修護 有效止癢止紅  
除了保濕功效外,全新 Vaseline 專業低敏修護潤膚露亦可改善因乾燥引起的肌膚痕癢及紅腫;據測試報告指出,連續使用產品 3 天能顯著減少痕癢*。
所以以上三點, 因痕癢而導致肌膚紅腫及破損的機會亦相對降低。

質地唔會似藥膏咁杰, 而且無任何香味~~

推開之後會覺得水潤(?), 真係唔似用開果d敏感專用保濕霜杰到白左咁~
佢好透薄就可以達到保濕滋潤的功效, 用量唔洗太多!!!

皮膚都變得白滑, 清爽~~
好似我呢d間中出下濕疹的人好岩用, 我都送左一支比妹妹用, 佢都話正喎!!!
雖然價錢比其他Vaseline  的潤膚露貴, 但比其他藥性的潤膚露平得多,
有興趣買支黎試試~~^^

介紹仲咁多支Vaseline, 你又鐘意邊一支呢???
http://aman.theztyle.com
http://blog.she.com/aman

http://amanho.blogspot.hk/
http://www.fnb.hk/blog/16516
http://www.saladblog.com.hk/content.php?uid=378


https://www.facebook.com/amanareahk
要找我嗎??  kawaki_amano@hotmail.com



沒有留言:

張貼留言