2013年6月7日 星期五

夏日炎炎◇◇正好甜◇◇真心推薦◇◇甜入心

熱經到左三十度的炎熱夏天~
消暑方法好多啊, 冷氣, 游水, 凍飲, 最得人歡心都係甜品!!
有無試過一大班人飯局, 女生們都好快就話飽了, 但之後出飯店門口十分鐘..
就會問:::不如去食甜品呀? 成日有人話女生有第二個專放置甜品的胃XDDD

食甜品, 除左好味, 消暑之外, 甜品店都係另一種朋友相聚放鬆心情的地方!!
好多好好味的小店, 一經報道, 出名了, 就不停地開分店,
但質素就好參差, 而且價錢越來越貴, 店內坐位因為太多人而坐得好迫,
快快手食完要迫你走, 趕下台客.....好似只想賺你錢咁!!
以前鐘意食的甜品店變得平凡, 己經唔想再去了, 而轉移去發掘有誠意用心的小店!!
今次試到一間深水步新開的甜品店"甜入心"

還在進行試業中, 今日應該己經完全開業了~

店面以白色設計之主, 又有充足陽光, 感覺舒服~

還設有免費淡花茶, 比大家食過甜品後飲用! 清新的茶香味, 冰凍又舒服.
仲有個自助朱古力噴泉, 供應棉花糖給你, 好玩又好味~

"甜入心" 店主Bryan好年輕呀~
誠意精心去製作高水準, 價錢平的甜品, 而且仲有好多新款的組合, 有創意又好味!!
就推介比大家幾款"入心精選"

椰皇平時都用黎熱食, 今次呢個係凍食的, 特別透心涼.
老闆特別設計的款式, 加入自製焦糖布甸, 口感常之好~~

布甸固然好好味, 不過整個椰皇的精華都係底層的啫喱入面!!
完全係整個椰皇汁的濃縮味道, 清味的椰皇味, 好味到不得了,
佢唔係軟林林的, 口感係爽口的大菜糕質感!! 滿口充滿清甜濃郁的椰皇味!!
價錢真係平到唔太合理, 只需要$30~
就可以品嚐到這個製作繁複的甜品!!!一級推介~

如果你唔鐘意椰皇, 咁你可以試下呢個!!

中間的係自製香檳果凍, 旁邊有脆口的粟米片, 新鮮芒果, 及彈牙方果
底層白色的滑滑的奶凍, 淡黃色的芒果味!!
一啖入口有不同的質感, 香檳果凍有清淡的香檳酒香味, 但又無酒精味,
用料超十足, 成本高, 售價只是$38
唔太鐘意食甜到爆的朋友, 呢杯清味又有品味的衣香檳影一定要試!!

覺得芒果太熱氣, 可以試下呢款~

老闆的入心推介之一~
上層有超濃滑的雲尼拿雪糕: 唔似出面食到平價又有雪粒果D, 佢係每日做意大利雪糕, 成本要$X粒
表層有芒果肉及巨峰珠, 白色的滑淜奶凍~
整體感覺好舒服, 每一口都好滑~

底層有巨峰茶凍: 清清地的茶味, 唔會太過甜, 又有巨峰提的味道
價錢只係$28


除左凍的甜品, 當然仲有西式改版的種類!!



窩夫的口感好脆, 仲有層榛子的朱古力,
配上雪糕球, 一熱一凍, 一啖之後, 心情超好啊!!!
而且份量都不少, 當然女生自己一個都可以終結佢, 可以係甜品, 又可以係下午茶點!!
各款品道的窩夫價錢都唔貴 $30-38

如果你咩都想試少少, 但又唔想平凡!!...呢款啦!!

佢咩都有, 西米粒, 乳酪味爆爆珠, 方果, 芒果肉, 涼粉 配合椰汁底~
口感好有趣, 味道又多!! 所以佢個名都好正, 叫個"重口味"
最強的是那粒雪米糍, 佢唔似超市入面買果種, 奶味好濃, 又超滑!!不得了~
呢個大份量的甜品, 咁多材料, 都只係$30

最後一個大人小朋友都好推介的~
老人家話, 女生唔好成日食凍野, 血氣唔好呀!!
但你又想食甜品, 咁又點好呢??呢個熱食的美味甜品一定岩你~

原隻木瓜蒸熱, 中間有濃香甜味的蛋白配合海底椰~
一啖入口三個甜味, 真係回味無窮!! 唔知點講, 真係超級好味!!
價錢都好好味, 只係$30~~

店內有好多不種的甜品, 有糖水, 果汁, 湯丸,奶昔, 沙冰~口味多, 價錢平!!
其實消費者當然好開心, 又食好高水準又價錢平的甜品, 不過你會諗, 點解可以做到價錢咁平??
點都要成本, 租金, 人工吧?? $30一個燉木瓜喎~你出面食無$40都無可能呱~

原因無他, 老闆唔想為租金做生意, 消費者於其花的錢去交租金成本,
不如落在製作足料的甜品內~
"甜入心" 的位置亦唔係深水步旺街, 而係隔離較靜, 租金較平的街口!!

一間真係誠意的小店, 大家一定要去試啊!!!絕對唔會令你失望~
離開時老闆仲送左現金卷, 抵上加抵呀~

我一定會帶朋友去食一回!!只錯過啊~
同朋友行食飯後, 可以去試下下~

甜入心
九龍深水埗福榮街57號地舖
5598 1186



http://aman.theztyle.com
http://blog.she.com/aman

http://amanho.blogspot.hk/
http://www.fnb.hk/blog/16516
http://www.saladblog.com.hk/content.php?uid=378


https://www.facebook.com/amanareahk
要找我嗎??  kawaki_amano@hotmail.com

沒有留言:

張貼留言