2015年2月23日 星期一

韓國開架品牌★★小小比併★★防曬乳霜自購分享

有看過我的文都知我超愛用防晒,
即使不出門都會用防晒, 已經將防晒霜當作每日的護膚品之一!!!
是一個好習慣啊, 紫外線是主要令皮膚老化的原兇~~
所以我喜歡用不同品牌的防晒, 自從韓國護膚品漸漸普及,
我都嘗試入手幾個常見的牌子, 有時去旅行都有買來試,
當初有點猶欸, 因為氣候相差, 怕質地會太厚, 不太適合香港, 所以當初都怕會中伏啊~
分享三款我常用的韓牌防晒乳, 讓大家有個小小的比較啊!!!
全自費的產品啊, 無任何贊助啊~XDD
三支都是常見又可以在香港買到的品牌啊~~


innisfree eco safey daily sunblock SPF35 PA++ 50ml
草本有機保濕防曬霜 (防水配方)
ECO有機安全防曬乳,有機向日葵和濟​​州島綠茶成份,能有效阻擋紫外線對皮膚的侵蝕,
具有控油隱藏毛孔功效,讓皮膚感覺清爽。
含有可防汗及防水的基礎粉底成份。保濕清爽,控油,可防汗及雨水,適用如面及身體各部位。

當時正打半價, 一支只是幾十蚊, 同朋友夾份一人一支,
innisfree 有生產幾款不同度數及功能的防晒, 因為只FOR平日使用, 想質地輕盈, 所以SPF35就可以了~
另外鐘意佢的5無配方 : 無防腐劑,無人工色素,無人工芳香劑,無礦物油,無動物性原料


吱吱裝其實都幾方便, 但佢呢支個咀比較麻煩,
有個位置會遺下少量的防晒霜, 用幾次就要抺下, 否則一直用會積到一大堆白色結塊~

SPF35 唔算高度數, 但足夠平日返工用, 好多人只係室內工作,
白色的乳霜, 很容易推開, 唔會變成白色粉末, 或者擦膠碎, 但有輕微泛白情況;
質地唔厚, 適合中性肌膚用, 用一整天都唔會有面油出現!!


A'PIEU Pure Block Natural Sun Cream SPF45 PA+++
純天然日用防晒乳霜
主要成分 : 蘆薈提取物、漿果花複合物(蜜桃花、石榴花、蘋果花、檸檬花、歐洲李花、橙花)、沙漠西瓜提取物
成份不然溫和無刺激, 任何皮膚都適合, 特別是敏感肌膚, 孕婦等

這個包裝是舊款啊, 因為我在首爾買入, 當時正是1+1,
除了特價外, 重點是《Get it beauty》防晒排行榜第2位, 這樣的價位及評價, 必買吧~
而且BA推介敏感肌都可以用, 那天在A'PIEU敗很大啊~XDD


細細的樽口, 控制都很容易, 樽身質地好軟, 所以都OK上手啊~~
不過都會有少少乳霜留係邊邊位, 但就唔會積埋!!

SPF45 在香港用, 有人覺得好太過強, 不過我覺得只是剛好足夠,
因為有幾多人會補防晒先?
雖然佢係45度, 但質地就一點都唔厚, 而且推開後無泛白, 好清爽不油潤,
質地似護膚乳霜多過似防晒, 即使皮膚乾燥都可同時有滋潤效果,
呢支真係大愛~仲有一支未開黎用!!哈哈哈~


the saem ECO EARTH POWER Light Sun Cream SPF50+ PA+++
ECO EARTH POWER清爽防曬
強效抵抗UVA及UVB, 質地清爽, 柔薄, 補濕同時不會令肌膚使用後變白
主要成分包括阿拉斯加的植物(fireweed), 幫助皮膚細胞更新, 舒緩及抗敏;
熱帶地區的楊桃, 為皮膚提供維他命A,B,C,E, 有助美白及促進皮膚製做膠原蛋白;
來自南美高地安第斯山的秘魯人蔘((瑪卡), 有豐富的天然礦物, 有效抗氧化及提供美白功效;
埃及沙漠的長青葉(Mulukhiya) 有助抗敏及防止老化

the saem 我個人十分喜愛的韓牌, 未黎HK開門市前已經在韓國買過唔少東東用,
佢出左防晒有4款, 4款都係50度, 但質地上有唔同, 有高防水, 有噴的, FOR身, 同FOR面的~
比innisfree好, 有7 無配方, 無礦物油, 苯甲酸(防腐劑), 二苯酮, 丙二醇 滑石粉, 人工色素和甲醛我係香港門市買的, 無錯, 當時又係做半價, 買一送一, 反正我防晒用得快, 即使唔好用都唔驚!!XD

呢個吱吱咀用落真係好乾淨, 唔會有殘留或起積, 控制份量都好容易!!!


質地好似乳霜, 推開後超滑, 無白粉 無泛白, 無油味, 無沉澱物~
三支之中防晒度最高, 但質地反而最好, 夠清爽, 又帶點滋潤, 夏天用都無問題!!!

總結::
我唔介意防晒厚, 但好介意會出面油同埋太陽油味~
呢三支都無呢個問題, 同我想像中的韓國防晒完全唔同!!
同時我會選擇對皮膚無負擔的成份,
每個人對防晒的要求唔同, 若果要排位的話,
the saem > A'PIEU > innisfree
SPF50我絶對會先考慮, 無論化妝品護膚品我都唔會介意厚少少XDD
質地唔會有泛白係第二個主要考慮, 我估唔到SPF35的innisfree會有少少泛白出現,
但推開後隔一陣就唔太覺啦~但好似粉末太大粒咁!!!
希望可以比個參巧各位啦~~XD

防曬產品分享文章::
我愛防曬☼夏日太陽伯伯 VS 10款防曬☼☼(上)
我愛防曬☼夏日太陽伯伯 VS 10款防曬☼☼(下)


本文章所發表的全部內容均屬個人意見及感受,並不代表該品牌之言論及立場。
如希望獲得更多有關產品資訊
請自行聯絡該品牌查詢




沒有留言:

張貼留言