指尖上的小兔子

第一次出甲文~
因為手指粗,唔靚,所以唔會出甲文~
自己又唔識GEL甲, 所以今次分享最近入手大堆的水甲貼!!

水甲貼同甲貼分別在哪??
使用方法, 手甲貼使用方法比較煩, 甲貼方便好多一貼就得!!
款式選擇各有所好, 甲貼可以有不有閃粉, 但水甲貼就只有單一平面!!
色彩方面, 水甲貼係用四色或多色印刷, 色彩範圍大好多, 甚至白色或營光等都可以!!
質地方面, 甲貼一一面有膠水, 加上閃粉等, 都有一丁點厚度,水甲貼就薄到好以一層甲油咁, 甚至可以重疊!!
持久度的話, 甲貼多數都只貼係面, 唔會加TOP, 即使有加TOP, 有時貼紙的膠水唔靚就好快刮走左~
而水甲貼因為好薄, 再加TOP係面就可以一直KEEP, 只要TOP無花無刮走就可以一直保留, 三四星期都可以!!
價錢上好難比較, 不過水甲貼可以好平!!HAHA~


水甲貼己經玩左兩個月, 真係KEEP得好好, 又平又多款~
先準備唔同款的水甲貼~
上面三張一大版, 一板有四套,只係$10張~
而下面粉紅色的果隻, 數量較少, 但質素好好, 而且有白色, 只係$5張~
小剪刀, TOP甲油, 眉夾, 仲有小杯子或容器!!

最重要的, 手一對!!

我鐘意做左閃粉GEL甲再加花款, 自己貼平好多嘛~
你指甲夠硬夠長果D可以慳返, 自己油上甲油就得!!!

首先我會用白底款的~
先剪開一粒粒, 唔建議一堆咁濕水!!!

基本上濕水大約十秒就可以分離, 再夾起去就得, 如果浸得耐佢會自己分開再浮面!!!

之後再直接貼上指甲就得, 未乾前都可以移位!!
不過好快乾, 貼定左就唔好再撕再貼~

當然會有大左, 貼油之後, 再印乾水或風筒吹乾~~
用小剪刀修剪一下就得!!

水甲貼可以重疊的, 我再加彩色小兔子圖案~
一樣動作, 剪粒, 浸水, 夾起, 貼上!!!
最好先設計好貼咩位, ~
SIZE越細越好貼, 因為指甲唔係平面, 貼紙有機會有摺, 所以要慢慢嚐試~

貼好了, 又吹乾就可以油TOP~
呢支TOP好好用, 可以厚搽又有GEL買效果, 最重要係唔會食色嗱溶貼紙的色~
用黎貼石都唔會嗱溶D膠閃石, 十級推介, 而且價錢好平, 好似2X定3X~忘了多少~~

就咁完成了啦~~
又快又靚!!仲有好多款呀~~見最近有新款, 又想去入款了!!HAHA~
大家試下玩啦!!!

http://aman.theztyle.com
http://blog.she.com/aman
http://amanho.blogspot.hk/
http://www.fnb.hk/blog/16516
http://www.saladblog.com.hk/content.php?uid=378
MAIL BOX : kawaki_amano@hotmail.com