2017年4月16日 星期日

【自購】德國DM藥妝店品牌Balea★★海藻保濕精華膠囊★★每日幾蚊預防肌膚提早老化

香港國際都會, 有咩係買唔到呀??
前陣子係香港,台灣的網店,IG SHOP等有幾款德國的保養品熱賣, 評價唔錯!
!
平時可以好方便買到日韓台的保養品, 德國出品真係比較少, 亦非常好奇有咩特別~


考膚過一陣又搵過下資料, 決定
買左兩款黎試, 平均幾蚊一粒比專櫃品牌平一大截啦~
家下已經用到七七八八, 堅好用喎, 咁唔可以唔分享下啦~


避免太長篇又混沌兩款 (太似樣喇), 今次先講其中一款::

Balea 海藻橄欖保濕精華 1ml x 7pcs

Balea
在德國歷史悠久, 當地藥妝品都好易買到,
而且有唔同系列產品, 安瓶, 精華, 洗面等等~
屬於混合性偏乾的我, 夏天都會脫皮, 秋冬唔用油真係生存唔到!!
有時普通保濕精華, 面霜真係搽完好似無搽咁~
所以保濕得黎要用D滋潤產品先得~


主要成份: 海藻提取物, 橄欖油及維他命E
海藻精華:能令肌膚快速保濕。
橄欖油:含有豐富的不飽和脂肪酸,滋潤及柔軟面部皮膚,支持肌膚再生。
維他命E:可以預防肌膚提早老化。


產品通過皮膚科測試,安全有效。
適合所有皮膚,特別是敏感性和缺水性皮膚。中性PH值, 減低對皮膚的刺激性
每件產品都有使用日期,購買時要注意。

很可愛漂亮的藍色膠囊

洗乾淨塊面後,將膠囊剪開,
精華唔會湧出黎, 質地密度好高,
如果太稀,封口一開就爆漿咁款~


質地唔係藍色, 係透明帶微香, 係橄欖油香味,
唔覺得淆或化學味,
延展性好好, 但一D都唔覺得佢稀或水,
半油半GEL的質地~


1ml 其實好多, 唔好似為一粒仔唔夠用,
先將精華搽係面,額,下巴五點位置, 再用按摩手法輕推,
記得要到手前指尖部份, 如果用手掌會浪費左!!

因為佢係精華油質地, 份量足夠推埋去頸部, 可以順便去下頸紋~
去下水腫, 手部的熱力令皮膚好快就吸收!!!
 雖然質地偏油, 但按摩後皮膚吸收左,
手掌都唔會油立立!!!
之前可以唔洗搽其他野, 直接去訓~


度數係洗面後5分鐘先量度, 無搽任何產品!!!
如果你搽完即時去量, 但指數一定靚仔, 所以要等第二日朝早的情況作準,
夜晚沖涼後無搽任何野去量度: 水分38.2% 油分 25.5%
之前就去搽海藻保濕精華膠囊直接覺,
第二日朝早洗面後無搽任何野去量度: 水分45.3% 油分 30.3%

經過一晚時間, 皮膚仍然可以KEEP住提升左的水份同油份,
而因為油份充足, 水份亦可以鎖得住,
用保養品目的係要持久有效果, 如果第二日朝早就無左效果,
或者KEEP唔住, 咁我只係用黎呃自己!!!

呢隻精華我覺得對乾性皮膚好有明顯效果,
細細粒帶去旅行都得, 尤其乾燥地區, 非常方便.
即日隔日用都無爆粒粒或者敏感!!

有興趣不妨試下!!!幾蚊一粒真係超抵玩~~

購買點: https://m.facebook.com/bebu.shop.hk/
本文章所發表的全部內容均屬個人意見及感受,並不代表該品牌之言論及立場。
如希望獲得更多有關產品資訊
請自行聯絡該品牌查詢


 

沒有留言:

張貼留言