AMAN AREA: 太陽都可以幫你美白★★韓國品牌Heynature★★維生淨白素顏霜

2016年7月17日星期日

太陽都可以幫你美白★★韓國品牌Heynature★★維生淨白素顏霜

如果你近期去明洞, 你會發現Heynature開左第三間門市,
而且二樓同三樓有咖啡室, 另外梨大及新村都有分店~
可以去行下又可以休息, 下次去首爾可以去行一圈!!
Heynature的BB cream出名好用, 幾年前萬寧都有得買,
但下架後只得專門店可以買到, 我最鐘意佢支遮瑕, 真係勁好用~

呢家的護膚品都有好多, 亦有頭髮用品,彩妝,身體護理用品,
上次試用過保濕啫哩, 妝前用保濕效果同持妝度唔錯~
夏天當然要美白, 收到美白產品, 試用左三星期就同大家分享下~~

平日唔想化妝, 但又要有亮澤均勻膚色, 同時又可以護膚, 你可以參巧佢!!!
維生淨白面霜 White Toning Vita Cream 50g $194
主要功效可以美白同時調整膚色, 遞速回復肌膚彈性,
改善粗大毛孔同時賦予水份。

主要成份: 維生素B3, 貓須草萃取物, 木綿花萃取物
洛神花萃取物 , 腺苷, 大馬士革玫瑰花水, 彈性蛋白及膠原蛋白

包裝簡約, 玻璃瓶身, 附有透明小棒~

我打開見到是一種非當結實的白色,
突然內心一沉, 會是那種塗上面後會立即變白的面霜????
(其實是滿滿的, 因為我用了不少啊!!!)

質地偏杰的乳霜, 但推開後沒感到厚重,
或者油潤感, 帶有保濕力, 均勻後有點提亮的光澤!!!

用量不用太多, 朝早時間, 爽膚水及精華後使用,
推開後不會死白, 帶出自己光澤感,
平日素顏都可以搽一層就可以, 成分裡面含有二氧化鈦TiO2，
可以令肌膚即時呈現美白及中等遮瑕度,
利用於分散太陽光線，同時增加美白效果。

我使用三星期,初初覺得無問題, 延展性好易推,
慢慢有美白效果, 不過就發現開始覺得乾,
因為美白當中帶有控油成份, 似乎不太適我這種混合性偏乾的人,
感覺越用越乾, 底妝都不貼面, 美白效果及質地都很好,
但用在我身上發揮不到, 有點可惜!!!!

產品及資料由 Heynature 提供

本文章所發表的全部內容均屬個人意見及感受，並不代表該品牌之言論及立場。
如希望獲得更多有關產品資訊請自行聯絡該品牌查詢。