CUSHION BB CREAM就係咁樣誕生的~~
市面上的BB CREAM己經進展到一個地步, 己經無咩可以變化,
所以就出現左方便補妝又可以源用已有產品來進化~~
ETUDE HOUSE Precious Mineral Any Cushion 全效珍珠零瑕粉底霜 $188
集六大功效::集防曬、控油、保濕、美白、冰涼感及粉底
只須簡單輕拍，透薄底妝快速完成的同時，其防曬成份能完美抗紫外線，
冰涼清爽感能舒緩及遮蓋泛紅部位，打造亮白柔滑肌膚~
簡單、快速，隨時隨地打造亮麗零瑕妝容!!
香港的門市己經可以買到了!!!
香港門市的貨品都有中文標貼, 教埋你點用, 唔識韓文都唔驚!!
共2色：Natural Beige W13、Honey Beige W24
韓國人的化妝品底妝都偏白的, 所以唔好以為NATURAL 係自然色, 唔可以用歐美的標準放係韓國化妝品,
唔係你會日日萬聖節咁款!!!
雖然我皮膚偏白, 但我都喜好自然色, 剛好W13無晒貨, 所以只能要W24色號~
我屋企唔太多EH的產品, 不過愛好BB CREAM的我就有一支皇牌產品!!
好笑地呢支係W13~哈哈!!!
兩個產品的分別唔大, 只係防晒度及質地上有差別~
我好奇的地方係效果大不同啊~
圓形厚身的膠盒子, 帶有珍珠閃的粉紅色, 很公主FEEL~
打開之後就見到專用粉樸!!!
絲帶上印有EH的字樣~
底層的顏色係深藍色, 質地上都唔同一般的粉樸,
密度好高, 好似一塊平滑的膠線咁, 軟線線~
唔洗驚粉樸用後會洗到殘, 可以另外買返塊架~
下面仲有一層架, 呢個膠蓋的設計好好, 分開粉樸~
拉開包裝貼紙就可以見到主角了~
ETUDE Precious Mineral Any Cushion引入Cushion Cell-Trap Technology氣孔緊閉技術~
每次使用時只須輕輕按壓便能泵出珍珠粉底霜。
粉底霜內蘊含珍珠粉末，能長效保持肌膚白潤，透亮富光澤感；
蘊含控油因子，使肌膚不易泛油，令肌膚保持清爽；
蘊含透明質酸，能鎖住肌膚水分，為肌膚長效保濕；
更結合了高效SPF 50 +++的防曬功效，抵禦紫外線帶來的傷害
先黎一個勁樣衰的敏感素顏樣~
粉樸沾上BB CREAM後, 就可以印上面, 用印的方法可以令佢好薄, 又平均~
雖然比較煩, 印滿全面要沾好多次海棉BB CREAM, 不過更方便控制,
需要遮瑕的色斑位置可以印多幾下, 加強效果,
平日的自然妝都算唔錯, 遮瑕力都六成, 如果毛孔粗大的話, 呢個產品可以自然咁遮到毛孔~
加條粗眉及眼線就得!!!
想控油好D就加返少少蜜粉就得~~
新設計可以更換海綿, 用晒就買返一個15g的補充裝~
盒底印埋生產日期資料啊~
整個產品我覺得都唔錯, 優點方面, 包裝設計好好, 補妝方便又自然, 遮瑕力可接受, 色號自然,
質地唔會泛油, 而且有我最愛的高防晒;
可惜持久力一般, 防油防汗都差少少, 如果係戶外就要勤力補下妝, 印下油~若果係屋內的話就好好多~
價錢方便又唔貴, 設有補充裝, 都幾環保又同時慳到錢!!!
一支BB CREAM有30~50g, 但海綿設計只有15g, 所以可以唔洗放好耐就用晒, 用晒先去買, 避免放到過期或者衛生問題!!
我都開左面書專頁啦, 快D黎LIKE我啦~
https://www.facebook.com/amanareahkhttp://aman.theztyle.com
http://blog.she.com/aman
http://amanho.blogspot.hk/
http://www.fnb.hk/blog/16516
http://www.saladblog.com.hk/content.php?uid=378要找我嗎?? kawaki_amano@hotmail.com
沒有留言:
張貼留言