之後出左黎做野就己經跳左去其他牌子了, 仲要以為佢係韓國的牌子,
原來係日本牌子~XDDD
今次的試用令我有機會再次去認識佢~
REGENE成立於 1999年，由日本美肌專家聯同亞洲頂尖皮膚科專家硏發，以[Baby Skin REGENEration ] 為理念的品牌。專家們都深信REGENE的美肌科技及智慧能令女性回復「淨白、水潤、零瑕疵」的完美 baby skin。他們更致力將REGENE推廣至香港、澳門、中國等地，讓更多女性體驗夢寐以求的嬰肌狀態。
而且香港更有六間概念店, 仲有會員服務~
REGENE全方位高效美白修護概念, 推出最近的牛奶白滑系列~~
品牌全新牛乳白滑亮肌護理系列，乳牛般的可愛包裝，以牛奶精華、黑桑提取物、水解蠶絲蛋白等為主要成份，
美白補濕同時阻截自由基侵害!!!
整個系列有六件產品, 同大家分享一下!!!
出完街, 整天的活動, 令化妝的皮膚感到負擔, 所以我習慣一返屋企都會即刻落妝!!!
即使再出街都要落妝, 出街先再補返少少~
因為全日外出, 雖然有化妝, 但空氣的塵埃都沾於面上, 加上流汗面油等, 感覺好似有層污穢包住, 塞左毛孔咁!!
落妝前要先除CON, 免得被落妝品污染~~
因為有用防水化妝品, 所以先用眼唇落妝, 仔細抺去眼妝!!!
落妝後就一定要洗面, 落妝液不宜停留皮膚上, 而且加多層清潔會更好更安心~
夏天可以用輕型的洗面泡泡!!
牛奶白滑潔面泡泡 $188 100ml
含乳酸納及乳酸, 強效保濕, 可平衡皮膚PH值, 幫助吸收養分
先揼大約五下左右, 置於掌手, 然後於面上按摩,再用水沖洗就得!!
泡泡係面上打圈, 好快就消失一半有多, 潔力覺得一般!!!
用水洗面後, 都算清爽, 無繃緊FEEL!!!
洗完面就要即時用膚水, 最佳時間啊~
牛乳白滑保濕爽膚水 $198 120 ml
含酵母提取物有效均勻膚色,煥發淨白發光肌
先沾上棉花片, 再輕抹上面部及頸上, 用棉花片同時可以帶走皮膚死皮角質!!!
之後可以重覆倒係手掌, 輕拍面上, 加強保濕啊!!!
爽膚水本身透明, 少少香味, 抹於面上都吸收得好快~唔會感覺油膩
皮膚用後有光澤感, 有彈性, 保濕力尚可!!!
因為無面部精華, 所以直接用最快有效果的面膜!!
牛乳白滑水盈嫰膚面膜 $298 50 ml
維生素E及B5, 高效抗氧化, 有效修護受紫外線傷害的皮膚
內附一個小掃子, 有貼心的設計, 用呢D樽裝的MASK要自己用棒或掃係有點煩, 佢送埋就最好!!
不過掃子用木材做, 濕左之後好容易發霉啊!! 或者直接轉用膠棒會更耐用~~
我好鐘意用CREAM MASK, 因為性質比較滋潤同埋保濕,
見我都係厚身咁用, 因為我成日都忘記左時間, 又怕佢會太快乾!!
意外地都幾保濕喎, 美白就唔太覺, 不過用完好舒服, 皮膚變得好滑~
而且好適合夏天用, 可以修護同舒緩到晒後的皮膚!!
系列中無面部精華, 但有眼部精華~
牛乳白滑亮眼精華 $328 15 ml
含米糠提取物, 維化命E, 細葉益母草及乙醯基四肰, 能有效抗氧化,促進血液循環, 改善細紋及黑眼圈
質地比較稀, 流動性大, 用滴管設計比泵裝方便控制~
輕按眼部四周, 即時水感口足, 無黏稠感, 好清爽!!
用過多日, 暫未見對黑眼圈有改善, 但感保補力不錯!!化妝都無乾紋出現~
但對於無面部精華呢點真係唔太明白?????
最後一步當然要銷住水份同油份的面霜
牛乳白滑活肌修護霜 $228 45 ml
小核菌膠含菌類植物多糖體, 有效保濕, 乳木果油及酵母提取物,可加強鎖水有效調理皮膚
有貼心的衛生真空蓋, 可能質地都係唔太杰, 好易流動!!
呢款面霜我覺得保濕力真係好好, 而且用後一小時都無面油,
滋潤度都足夠夏天用, 全個系列最鐘意呢樽!!!
雖然話落左妝, 不過係室內都要搽防晒!!當然夜晚就唔洗用啦~XD
牛乳白滑透光淨亮乳液 SPF15 PA++ $268 30 ml
含青刺蘋果精華, 有再生修護和保濕作用, 多種防晒成份有效對抗紫外線UVA及UVB
質地輕柔, 集BB CREAM速效功能,修護防晒於一身!!
質地真係唔錯, 唔似平時果D防晒咁油!!
一陣就好清爽, 不過所謂的BB CREAM效果係零~唔好有期望佢會有咩明顯改變!!
而且得SPF15, 都唔算叫防晒, 可以叫做輕柔日霜, 或者底霜!!!
整個系列的效果未如理想, 感覺比較普通, 除左面霜外其他都無突出表面,
而且包裝設計真係有點大陸FEEL
膠樽再加貼紙喎~
相對唔太重香味就值得一讚, 無敏感出面, 亦無酒精味!!
感謝你睇到最後, 請推一推支持下啦!!
http://aman.theztyle.com
http://blog.she.com/aman
http://amanho.blogspot.hk/
http://www.fnb.hk/blog/16516
http://www.saladblog.com.hk/content.php?uid=378
https://www.facebook.com/amanareahk要找我嗎?? kawaki_amano@hotmail.com
沒有留言:
張貼留言