【試用】保濕必備佳品★★éPure™★★保濕亮白三步曲★★

正式進入夏日了, 每日都接近三十度氣溫, 真的熱瘋了~
夏天除了要注意美白防晒, 仍記得要勤力保濕啊,
說到保濕一定會是保濕面膜, 高效又持久,
上年用過éPure的Membranous Jelly Masque,
超好用又保濕, 介紹不少朋友用亦得到好評~

 

éPure 在今個夏天乘勝追擊，推出全新產品<水凝明亮精華露>及<激爽潔面乳>再配合系列<皇牌面膜>同時使用，造清爽「零瑕疵」白滑美肌~

éPure由美國權威性醫學美容醫生 Dr. Yulong Moy 所研發，
致力以純天然、溫和親膚、潔淨鎖水為主要目標。

 水潤氨基酸潔面乳 $160 /100ml
主要成分：胺基酸、玻尿酸、有機鼠尾草萃取 (Xeradin™)、
蜂蜜提取物、桑白根萃取物 

功效：

★含有天然保濕因子，維持肌膚油脂和水分平衡，潔面後不繃緊★

★去除毛孔污垢及化妝品殘留物，減少暗瘡形成★

★能抑制黑色素，美白，抗氧化★

★配方不含皂性、色素、香料及酒精等刺激物★

★適合中性至油性及敏感肌膚早晚使用★

原以為潔面乳會比較杰，原來質地屬於液態，
而且沒有怪怪的香味，半透明乳白色。

加水就可以起泡，泡沫密度適中，不會太過豐厚，

因為成分中的胺基酸與肌膚酸鹼度相等，不含皂性成分，

能溫和地深入肌膚細小毛孔，提供細緻的活性作用。

其他主要成分包括 Xeradin™ 有機鼠尾草活性保濕因子、
高效保濕的玻尿酸、蜂蜜提取物及桑白根萃取物，
能抑制黑色素和抗氧化，去除毛孔污垢及化妝品殘留物，
並完全保護肌膚本身的天然油脂，不損害肌膚細胞，使用後不會感到繃緊。
皮膚好清爽舒服, 特別適合夏天用, 帶有保濕感之外亦有效清除多餘油脂,
我喜歡朝早使用的感覺, 比用洗面膏好用~

水凝明亮精華露 $298 /30ml
主要成分：

橄欖芽孢、 有機鼠尾草萃取 (Xeradin™)、
玻尿酸、蓖麻油 、甘油 、甘草酸鉀

功效：
★改善肌膚暗啞，提升肌膚明亮度 ★
★深層保濕，持久鎖住水分，保持水嫩★
★抗老化，並減退幼紋、乾紋，回復水盈細滑★ 
★增生膠原蛋白，提升彈性及緊緻度★
★促進肌膚細胞循環再生，修護受損肌膚★ 
★抗炎排毒，調理暗瘡肌膚★

透明質地, 感覺充滿水份, 沒有怪怪的化學香味

推開後變得水潤, 質地清爽不油

每次我會用2-3泵, 搽滿全面, 可以早晚使用,
保濕力非常好, 亦很持久, 使用兩星期後明顯覺得皮膚真的升提了水份,泛紅的皮膚都會得到舒緩, 更加可以混合粉底使用, 超棒呀!!!
質地很清爽,  肌膚迅速吸收精華並形成滋潤的保護膜,
之後就可直接使用面霜~~

本文章所發表的全部內容均屬個人意見及感受，並不代表該品牌之言論及立場。
如希望獲得更多有關產品資訊請自行聯絡該品牌查詢。

https://www.facebook.com/amanareahk
http://aman.theztyle.com
http://blog.she.com/aman 
http://www.beautyexchange.com.hk/blog/Aman Ho
http://amanho.blogspot.hk/
http://weshare.hk/aman/

【自購】帶著理性去旅行★★首爾物小記★★

剛好去完首爾回來一個月, 終於都抽時間分享一下買了甚麼美妝,
當然還有很多食品衣物, 襪都幾十對, 不過買得最少應該都屬於美妝類,
何解? 因為屋企實在太多存貨, 每次執屋都好多未用, 撲滅好多火頭,
首爾都應該可以買少, 但好過份地理性, 所以買的都一眼望晒,
生活上係咪真係百份百需要用到我唔知, 不過對新品有興趣覺得可試就買啦~


一小堆美妝品, 我朋友都話我唔似去旅行, 完全似落完銅鑼灣咁...
我所買的零食佔半個行李, 而美妝只有一對鞋的大小...XDDD
護膚品買得最多的是Nature Republic, 雖然得多店都特價至半價,
但買的意欲不大, 例如我偏愛的the saem今次都無入手, 反而買好多NP~


Nature Republic Real Squeeze Aloe Vera Essence 50ml 精粹蘆薈精華
含蘆薈提取物, 加強保濕及提升鎖水效果
由於精華用得快, 所以我主打買精華, 剛好佢做特價1+1, 平均一支只$59


當中仲有果肉成份, 超抵玩, 夏天用就超級岩用!!
不過唔知有無酒精成份?


另一套係 White Vita Floral Capsule Essence Special Set
一支50ml 精華 30ml爽膚水 30ml乳液
另一支貨裝眼霜係額外送的,
當初係睇中支眼霜, BA話買White系列就會送呢支眼霜,
當然都係要精華啦~所以上面全部晒都係$160
主要成份係煙酰胺，甜菜堿，卡瓦提取物，芍藥提取物，百合砂提取物，
橄欖葉提取物，水溶性膠原蛋白，蘆薈，堅果油
主打係保濕同埋亮白, 精華係GEL質地, 呢個系列都算係新品!!


買左咁多當然都送下試用裝, 送一兩塊MASK~
我都係買左三百蚊嘢就送旅行裝, 佢地生意唔好咩??


A'pieu的專門店越來越多, 我都有入去行左幾轉,
最近連同小新有cossover, 不過都係妝品為主,
我只係陪行而咁岩買左支平平地的sleeping mask咁多~
以滋潤為主, 價錢大約$32, 當手信都唔錯, 仲有其他功能款式,
例如保濕, 亮白, 消炎,等等~


面膜都有買, 不過買左都用黎當手信, 自己買黎用都得呢款,
呢個天然牌子香港都有, 主要皇版係佢隻精華水, 所以有啲好抵的套裝,
我對面膜有興趣, 而且又有特價買一送一, 所以買左4盒~
primera 保濕抗氧化鎖水有機純棉面膜 (保濕 + 提升彈力)

香港好似賣$12-18一塊, 而在首爾門市再特價只係$8一塊~

Etude housex PONY 101 stick $80
香港未有之前己經係網上睇PONY的化妝片,
非常感興趣, 另外仲有胭脂同粉底筆,
呢支係屬於Foundation, 只係佢FOR深色皮膚,
買黎打陰影一流, 雖然佢仲有支係FOR 光影雙頭,
不過筆頭太細, 打鼻影就OK, 呢支反大啲更好用,
質地好潤而且好自然唔會一塊塊咁~~ 

一到夏天我就會抽筋咁不停咁去睇碎粉蜜粉,
而特別版呢個字會令女生自動付款~
innisfree 控油蜜粉 (粉紫特別版)
好多人都話佢控油好好, 又夠平, 剛好見有特別版就買黎試下!!
試過粉筫都好薄好滑, 不過用上面就未知, 或者過半年後會我分享啦~XD

一個女人塊面有幾大我唔知, 我只知我裝化妝品的袋無限大,
eSpoir 呢個韓國牌子好多人都知, 不過我未用過,
見黑咪都有介紹佢D野, 我幫朋友買眼影筆就順手買多盒我最大機會用的~
eSpoir Face Prime Silk Finish Powder 完美裸妝控油絲滑碎粉 $135
主要都係用定妝同控油,粉質細緻柔滑吸附面上過多油脂，
打造透明光滑、零瑕疵的肌膚控油同時提供皮膚需要的水分，
延長妝效，打造絲滑的觸感有效遮蓋毛孔及細紋，控油效果特別適合夏天使用 ~~


大概就有咁多, 或者仲有一兩件收埋左無影, 不過就真係咁多咋!!
我係咪好理性呢??

本文章所發表的全部內容均屬個人意見及感受，並不代表該品牌之言論及立場。
如希望獲得更多有關產品資訊請自行聯絡該品牌查詢。

https://www.facebook.com/amanareahk
http://aman.theztyle.com
http://blog.she.com/aman 
http://www.beautyexchange.com.hk/blog/Aman Ho
http://amanho.blogspot.hk/
http://weshare.hk/aman/

【試用】優先美白進行中★★REGENE★★米肌透白淡斑系列

踏入四月夏天的來臨, 雖然仍然陰天有雨,
但太陽紫外線不可以忽視,
尤其冬天時的放任, 我前陣子韓國旅行又長期在烈日下活動,
就這樣原本用#01色變#02色, 雖然我不介意變成自然色, 但非常介意色斑加深,
REGENE的米肌透白淡斑系列立即開動試用~

REGENE 米肌透白淡斑系列
好多人都知白米成份的產品都可以美白美肌,

在古時，日本女性以清洗白米後的米水來洗澡，令肌膚變得柔軟細緻。

加上「米」是人類的主要食糧，
大米中的胺基酸亦是皮膚天然補濕因子，有效補濕及滋養肌膚。

 同時蘊含具抗炎作用的維他命B5及帶來肌膚生命力的谷維醇。

 

 

產品包裝上都印有易明的使用日期

REGENE研製出【米肌透白淡斑系列】，以助肌膚踢走黑色素、恢復白晳透亮肌。

米肌透白淡斑精華 Rice Whitening Serum

原價HKD358/30ml，會員價HKD288/30ml

蘊含美白多肽及維他命C，有效抑制黑色素形成及淡化色斑

同時有效分解聚集的色素及阻止黑色素形成

 

簡單泵裝設計, 容易控制用量,
基本上兩泵可以足夠全面及頸使用~

精華是白色的乳液狀，質地非常水潤，延展性高,
非常容易推開, 帶有洗米水的味道

用2泵搽滿全面及頸部, 質地帶有滋潤感, 但不會厚重,
可以即時感到皮膚變得有彈性柔軟,
使用一個月後, 雖然不會明顯提升亮白度, 但眼看都有看到效果,
感覺不錯啊, 但缺點就是滋潤感持久力較短, 對乾性皮膚會有少少偏乾!!

米肌透白淡斑防曬日霜 Rice Whitening Day Lotion SPF25 PA++

原價HKD268/60ml，會員價HKD198/60ml

蘊含甘草精華、維他命C及蘆薈，抑制黑色素形成

備有防曬配方SPF25 PA++，保護肌膚免受UVA及UVB傷害

 

 包裝好似化妝品一樣, 衛生方便,每次泵量都不會多!! 

 

質地比乳液厚身, 但不會厚重~

不黏不膩, 容易推開, 吸收後不會泛白!!
小心不要使用過量

 

 對於試用防曬產品我從來不會拒絕, 就因為用過很多所以可以比較,

當初頗擔心面霜會不會有泛白問題, 不過意外地感到柔滑清爽~
即使化妝前使用都不會出面碎屑,
面頸一齊用的話, 一支可以用兩個月, 價錢上都幾抵用!!

  

 請注意產品開封後使用日期為6個月

 

產品及資料由REGENE提供

http://www.regene.com.hk/

https://www.facebook.com/REGENE.HK

本文章所發表的全部內容均屬個人意見及感受，並不代表該品牌之言論及立場。
如希望獲得更多有關產品資訊請自行聯絡該品牌查詢。

https://www.facebook.com/amanareahk
http://aman.theztyle.com
http://blog.she.com/amanhttp://www.beautyexchange.com.hk/blog/Aman Ho
http://amanho.blogspot.hk/
http://weshare.hk/aman/

妝品分享★★鐡片君你好!!!★★HitPan

最近網上睇過一篇分享, 識左一個詞語「hitpan」~
所謂的「hitpan」化妝品 就是用到見底的化妝品，
是韓國 美妝界的流行用語之一，也是好用產品的一大指標!!!
對我黎講, 用到見底未必真好好用, 有時只係唔想浪費, 哈哈哈哈~
咁我睇返自己正在用的化妝品, 其實都有幾件見到鐡片君 (你好嗎?)
咁就分享下啦, 有啲真係好好用, 有啲我又覺得一般般!!!

幾件都唔係好難買~一件件講下啦!!! GOGOGO~


1028太妃眼影組, 朋友在台灣代購入的, 當時買入SET裝, 有埋眼線筆及落妝!
1028呢個台灣牌子有出好多潔膚產品, 我用過三款都覺得唔錯, 去台灣必買的品牌之一

鐡盒設計唔錯, 圖案都好靚, 一盒有六色, 每格都好大粒,
不過佢太浪費位置, 所以我拆左去變成組合~XD
有KATE眉粉組 + Kanebo Coffret胭脂
呢隻眉粉用左好耐,經己見底了, KATE眉粉組出名好用,
可以打鼻影又可以畫眉, 色調自然又持久, 不過用耐左會結塊, 要成日刮,
慢慢就只用黎打鼻影無用黎畫眉喇~
胭脂都見到用到有個鐵片型, 我諗用多一個月就可能見到太陽了~XDD
見底的兩粒眼影基本上返工都用佢, 一星期最少用4次,
連續高密度咁用大約半年, 就見底了, 其實佢好大餅但唔深~

平時我都係用呢2色去配撘使用,
簡單就可以畫個眼妝, 用掃, 手指, 棉棒都可以!!
有微閃, 但唔會浮誇, 不過如果用掃上會飛粉~
用手指或者棉棒都無呢個問題, 持久力唔錯, 返工放工都完全KEEP到!!!
呢盒眼影我評價唔錯, 想買盒耐用又好用, 價錢又平的可以考慮1028,
而且仲有其他系配色, 學生哥首選!!!! ★★★★★

第二件都係1028的妝物, 雙色遮瑕膏
佢呢盒係我用的遮瑕入面使用度最高, 亦最好用~
我叫佢做Bobbi Brown 平民版~

一盒有兩種色, 橙調及黃調,
橙調用黎遮眼底或紅印, 黃調用黎遮面部色斑或打亮~
何解我覺得好用, 因為我開左用過兩三次, 放埋一邊,
放左over半年再拿出黎用, 佢質地依然都好潤好cream~
完全唔會乾裂, 真係超CRAZY!!

講到遮瑕度我覺得好足夠, 落妝粉底, 再加少少遮瑕,
起碼遮到8成之餘仲要唔乾, 因為好潤, 所以我用指印開就得!!!
我未用過貴婦品牌的遮瑕, 無得太多的比較,
但我少用遮瑕, 都可以用到見底, 咁佢真係好好用~
好多水貨店都有賣架~

Too Cool For School Lunch Box Set~
我係韓國旅行時入手的, 呢盒真係幾抵用,
而且質素都唔錯, 佢眉粉的份量比KATE厚又大粒,
基本上我唔返工都會畫眉, 所以真係日日要用~

上層係雙色眉粉, 下層係眼線膏,
有兩種色灰色調同啡色調, 我買啡色所以連底層的眼線膏都係啡色~
眉粉我發覺佢出色度好高, 前半段我用淺色, 眉尾同深色,
所以畫出黎好自然, 因為我有加top 所以唔知佢防唔防水~
下層眼線膏質素唔差, 可以全日不脫色, 死死咁貼住眼皮,
不過缺點係比較濕, 無咁快乾, 啡色得黎帶銀閃, 畫出黎好靚,
質地軟身, 好易上手~佢結塊情況無KATE咁大, 所以我會KEEP住用~

Rimmel Stay matte pressed powder 細致毛孔啞光控油定妝粉餅
呢餅嘢我買左大約4個月左右, 買左返就開黎用,
基本上一星期用三至四次, 好快就見到底了,
控油力我覺得一般, 無網上講到咁好用,
外國BLOGGER就讚多, 可能唔岩香港天氣呱~
春天用都可接受, 下午會泛油, 佢算透明色, 不過不宜掃太多層, 會好粉樣~
缺點就係佢個膠蓋, 設計非常之差, 差基本用兩個月,
日日開關, 個膠蓋就會裂~
如果你係油到煎蛋咁, 就一定唔岩你用, 混合肌就可以~
價錢好平, IG或水貨店都只係$60, 仲有13g咁大餅,
唔包粉撲係要自己用掃囉~我習慣用掃所以我唔覺有咩煩!!!

植村秀 lightbulb UV 白瓷光感粉餅
試用產品, 放埋左一邊一段時間, 最近擺出黎用返!!


日本品牌的粉餅都係偏色, 有時偏黃偏有時偏紅,
所以我好少用日版的, 有時買最淺色都有少少黃,
當然BA比錯色我, 呢隻#574偏紅左, 所以我好少用,
不過唔用又好浪費咁, 所以間中會用下,
而且佢個雙面粉樸設計真係好好, 質地方面係好好粉素好幼細,
夠貼唔會卡粉, 補妝都好方便, 但持久度都係一般, 中午就已經泛油浮粉,
佢岩中至乾性皮膚用, 同系粉底液我都有用, 不過都係錯色, 唉~~

大致上分享咁多, 多謝收看~
記得前去我的面書專頁 / IG啊, 有更多小小分享唷~~

本文章所發表的全部內容均屬個人意見及感受，並不代表該品牌之言論及立場。
如希望獲得更多有關產品資訊請自行聯絡該品牌查詢。

https://www.facebook.com/amanareahk
http://aman.theztyle.com
http://blog.she.com/amanhttp://www.beautyexchange.com.hk/blog/Aman Ho
http://amanho.blogspot.hk/
http://weshare.hk/aman/