AMAN AREA

2013年3月14日星期四

首爾遊樂行 ❤保養妝品篇❤ 第一擊❤Lanige❤

上星期去左首爾六日五夜, 尋晚落機咋！！
睇左好多食左好多, 彩妝護膚品當然都買唔少～
買左幾個牌子,一大堆好彩都無超磅！！
一個個牌子同大家分享～請比少少時間我試下用再分享！
先來第一擊！！

Lanige香港都有好多門市，
我唔係用家,佢Ｄ野唔岩我用，我只幫妹妹買！！

首先去格下價, 基本上可以去屈臣市,專門店同埋ARITAUM, 佢地都齊貨Ｄ！！
其實價錢一樣, 行左幾間就發現問題..
間間店都同價, 不過贈品有分別，
屈臣市有機會百無或者有兩支5ml其他牌子的贈品，
專門店要買多支的set先抵，單買無折無set~BA 有機會送你幾包sample~
ARITAUM 間間店都唔同, 要小心比較！
網上借圖

我係仁寺洞ARITAUM 見到呢套！約港幣$266 (香港專門店$300)
見佢送三件大支的贈品，咁計係最抵啦！！

因為我要問下妹妹,諗住第二日去明洞時買啦～
點知明洞,弘大,惠化的所有ARITAUM都無呢set...得單支！
無理由去返仁寺洞買呱..撘九個字車...

Last果兩日去梨大果邊, 見到ARITAUM又走入去啦～睇下有無啦！
點知都係無呢set...
但BA詁有折仲有得退稅，計返都抵返！
見佢三月新出果支美白保濕精華都出左,妹又話要！
最後買左呢Ｄ～

Water Bank 精華 38,000W(香港專門店$300)
美白保濕精華 40,000W(香港專門店$400)

扣埋折扣同退稅只係$426.3
BA仲送左一套美白旅行妝同美白保濕精華五包!!
香港點可能平到咁！！

推一推支持下啦！

體驗非一般深層保濕極致純膠原蛋白水分修護面膜

ULTIMA II 比我的印像係明星品牌，有好多藝人名人化妝師都讚不絕口的牌子。
對於只用最貴百幾二百蚊產品的我，覺得ULTIMA II真係貴到飛天，但之後接觸護膚品知識多左，就知佢的產品係值得投資的, 我妹從三年前已經係ULTIMA II用家, 當時我都有偷偷地用過，感覺同開架貨真係完全無得比較，真係好用，佢間中都有比細細支sample我用！！佢連化妝品都有用，今時今日先覺得我妹真識貨XD!! 哈哈！！(某程度覺得佢好捨得~~)
漸漸影響到我，成日經過專櫃都望下有咩特價set或者新品,引誘佢買來一齊用！！<--壞心腸姐姐
最近有個藍色系列的廣告，全線專櫃都佈滿新品的廣告！！

大家知道ULTIMA II最近都出左Sleeping mask, 唔多覺??
因為佢唔係叫sleeping mask, 係叫做"Extraordinaire Supreme ™極致純膠原蛋白水分修護面膜" 簡單黎講就係夜晚用的免沖洗式面膜！

ULTIMA II Extraordinaire Supreme ™極致純膠原蛋白水分修護面膜 $880/30ml
以突破性科技提煉出高濃度的超微細純膠原蛋白，直接將膠原再生力量帶到肌膚底層，補充膠原蛋白的流失及促進膠原再生，提供更密集的膠原修護，顯著提升肌膚水分含量，並加強鎖水力，令肌膚煥發均透的亮麗光采，回復水潤健康的細緻膚質。

秋冬天氣乾燥，肌膚變得暗啞、出現乾紋和缺乏彈性，甚至出現脫皮和敏感等現象，用普通paper mask, 只可以做到表層保濕，但想深層提升水份即便日日敷都做唔到～

極致純膠原蛋白水分修護面膜是屬於乳霜狀的面膜，使精華成份加倍有效地導入肌膚底層，增强吸收能力，配合皮膚生理時鐘，提升高效修護。
1000 倍超微細 Procollagen 微晶膠原蛋白能將膠原再生力量瞬間滲透至肌膚底層。

膠原再生可以令皮膚回復彈性,收毛孔等等, 皮膚底層好,搽咩都吸收得好好,事半功倍！以消費者黎講，最重要係產品有咩效果，以香港人的傳統，要快要有效～哈哈哈哈～

使用方法：
於晚間，潔膚及爽膚後，先塗上「極致純膠原蛋白水分修護昇華」，再以無名指把適量（約 6 整泵）輕抹於臉部和頸前；無需沖洗，產品能於晚間發揮最強修復功效。
最近皮膚狀態麻麻, 無去做facial, 又夜訓，風又大太陽又晒~~
兩邊面額又來泛紅，係底層太乾的警號！"極致純膠原蛋白水分修護面膜"來得合時呀～(淚)
呢度係兩泵的份量, 如果平時搽精華就呢個份量, 但要去到面膜功效的就要6泵了~~
6泵好似好多咁,但搽到上面真係岩岩好~

呢度淡淡香味,質地輕柔, 搽上面後一陣就吸收左三分一了!
十五分鐘後就大概吸到七七八八, 感覺好似有層補濕保護層緊貼皮膚,
即使經過一整晚夜風吹都唔會帶走皮膚水份,
朝早起身肌膚無拉緊感覺或面油, 依然感到有彈性~
毛孔都有充足水份而無咁明顯!!

連續使用兩星期, 隔日用一次,
其保濕效果快又持久,
皮膚穩定左, 不會因為天氣乾燥而敏感泛紅,
朝早起身搽護膚品都好快吸收, 化妝貼面之餘,亦感覺控油力好了不少!!
而且適合用黎做急救面膜,係新春拜年時KEEP住靚皮膚!!

推一推支持下啦！

清清清清清空~第十五回合

又來一次的大清倉~~XD
呢期懶左隔咁耐先出一次清清文~~~HAHA~

ST.Ives 乳木果潤膚乳
用左好耐, 仲有三分一,但己經到期了~~所以要掉左去!
我真係好懶用,唔太勤力用~~咁大支嘛~~
好鐘意呢個牌子的LOTION, 唔似J牌咁油潤, 搽左之後吸收得好快,
我好驚太油潤, 寧願搽多少少都唔鐘意搽完反晒光果D咁!!

本地手作品牌 We Are No Expert 天竺葵杏仁潔面泡泡
http://www.theztyle.com/home.php?mod=space&uid=23641&do=blog&id=177839
imore的試用品
用左兩個月, 唔乾又乾淨, 而且天然玫瑰果香味每次洗都好乾淨!!!

Bifesta眼唇落妝液
用第二支啦, 其實覺得蜜尼粉紅色果隻好用D,
但真係越來越貴, 所以選擇呢支長用, 價錢廿蚊,而且折左都係$35支~
呢支偏乾少少, 無粉紅果支咁潤, 我朋友話呢支好過粉紅果支, 對眼睛無咁刺激!!!
如果唔加價都應該KEEP住用了~!^^

Optrex Eye Lotion
己經係第N支啦~
必備洗眼水, 化濃妝後落妝一定會洗眼,
有時戴CON得耐都會用下, 未必係最好的牌子~
但夠在最方便買, 價錢又平~~
大家都要有支係屋企啊~~

瑞士Skincode活細胞濃縮抗皺精華液
http://www.theztyle.com/home.php?mod=space&uid=23641&do=blog&id=178791
使用兩星期後，皮膚感覺彈性緊緻左少少，乾紋明顯少左！！毛孔都有稍改善!
使用時間唔長, 但效果都己經感受到！

BOURJOIS 柔絲無瑕感應粉餅
用過後都係覺得桃紅色果療粉餅好用D~
呢隻感覺厚重少少, 同埋色號偏紅, 冬天用又覺得太乾, 夏天又唔控油~~
用埋屋企果D會回購返果療粉餅~~

BIODERMA LIGHT CREAM 深層防敏日霜 15ml
BOX SET 送的面霜, 秋天用唔錯~~
夠潤又唔油, 質地唔厚又好好推, 無香料味!
敏感配方可放心用~~可惜單價有點貴!!!

Neutrogena AGELESS 抗皺緊緻系列
Anti-Wrinkle & Firming Cream 凝時賦活抗皺緊緻霜
有誠意咁寄到屋企的試用妝~~FB登記就有一小支!!
都可以用到五日, 五日只試到質地同滋潤度, 功效就無咩~
SO FAR普普通通, 似OLAY果隻SUPER CREAM~
要選擇我會買OLAY~因為Neutrogena呢個系列比較年輕D~

BOOTS 維他命E 眼部日霜
朋友去泰國旅行送的手信, 有防晒功能的眼霜, 用左我四個月~~
聲稱可減黑眼圈同眼紋, 但用咁耐都唔太覺有特別功效,
用晒就算, 好彩無出沺脂粒, 質地偏厚少少!!

ENPRANI Retino x3抗皺水嫩BB Cream SPF25 PA++
質地薄而不油膩，適合任何膚質，每早作化妝前底霜使用，能使肌膚平滑無瑕，改善暗啞膚色，同時具高效保濕、美白、改善細紋及防曬之功效，因功能集於一身，可簡化化妝程序，適合繁忙之女士。
買BEAUTY BOX 內的試用貨品,但都幾大支~ 我呢D BB CREAM用家一定用盡~~
顏色少少偏灰, 遮瑕力中上, 質地唔厚, 冬天用都唔覺得厚同焗身!!
初初用覺得出沺,但天氣乾返D就岩岩好, 夏天就唔得了~~

推一推支持下啦！

NARUKO 白玉蘭鑽采超緊緻EX系列

牛爾呢個牌子以前無咩人認識，甚至只能去台灣先可以買到！
現在香港都有代理, 而且產品連接台灣推出新產品～
新概念美肌保養品牌『NARÜKO』
「能帶給肌膚無限的生命力，讓每個人都能愛上自己的肌膚，創造屬於自己獨一無二的美麗!」
牛爾將積累18年的美容科學養成、7年護膚保養品的研發經驗，結合國際性一流團隊及研發實驗室，藉由完美比例配方及植物芳療，推出集合『純淨天然』、『實證科學』及『藝術人文』的全新品牌『NARÜKO』，希望每一個人都能使用到純淨天然且有效的護膚產品。

『NARÜKO』─ 100％牛爾監製
100%牛爾監制，完全不添加Parabens（苯鉀酸酯類）防腐劑、人工香料、色素成分，不僅安全、溫和、低刺激，及不經過動物實驗測試(Cruelty free)。
高品質配方、合理價格，人人都能享受超值護膚體驗；
嶄新的獨家2大專利配方
Phytoferulin® (含10種ECOCERT歐洲有機認證之超濃縮植物成份- 甘草、露珠草、神奇草、銀杏、歐艾草萃取物、小白花、柳蘭萃取物、金盞花、洋甘菊及綠茶)，有防禦性美白作用，同時具絕佳抗氧化效果，恢復肌膚活力。
Sun’er Complex®亮晶淡化配方(經日本精化株式會社實驗室協力研究)由雪耳及桑葉萃取組合而成，長效保濕、修復細紋、高效抗氧化及抑制黑色素形成。
環保專利包裝，已設計好給客人可循環再用；
注重由而外治療肌膚根本問題，每個系列都含自行調配而獨一無二的複方香薰精油，舒緩各種由精緒壓力而引起之各種肌膚問題；
具有療癒、安撫、寧靜魔法的紫色魅力。

我自費用過三四款牛爾產品，感覺唔錯,而且價錢很親民～
有唔同系列比你，超多的選擇！！
最近經過Colourmix都見到,都特別留意到大大的牛爾新系列廣告白玉蘭鑽采超緊緻EX系列！！剛好有試用其中兩款產品！！

Taiwan Magnolia Brightening and Firming Series EX
白玉蘭鑽采超緊緻系列EX Taiwan Magnolia Brightening and Firming Series EX
萃取自台灣本土的天然玉蘭花樹，樹木本身從根部、葉子、到花朵，都有極佳的抗敏、安撫肌膚、防止黑色素形成、美白及抗老化的護膚保養作用。『白玉蘭鑽釆緊緻系列』全線，「以抗氧、防醣化(影響肌膚膠原蛋白機能，令膚色變得蠟黃黯沉、角質增厚、皮膚乾燥等)、抵老化、去蠟黃、改善黯沉、淨白膚色、緊緻彈力」為目的，塑造青春活顏白玉瓷肌。

新增成份肌肽抗氧化成份～
具延緩氧化、醣化及抗皺效果，提升肌膚防護力，並協同膠原蛋白與彈力纖維，維持肌膚緊實與彈性。

白玉蘭鑽采超緊緻美白精華 EX 30ml
Taiwan Magnolia Brightening and Firming Serum EX
主要成分
三胜肽：協同肌膚膠原蛋白作用，幫助肌膚緊緻，保持光滑彈性膚觸，延緩老化。
黃芩素：具優異的緊緻、抗老與抗皺作用，深層活化肌膚，散發透明光澤。
PhytoferulinR：由生川蓮萃取成分，結合10種濃縮植萃成分，能提供肌膚防禦力，保護肌膚抵抗外來環境傷害，由內而外讓肌膚恢復原有的活力。
車前草萃取複合物：萃取自大車前草種子精華，含有車前子苷及豐富類黃酮，具良好延緩老化效果，改善肌膚黯沉，維持肌膚彈性，達到深度滋潤，提升透明感。
木蘭樹皮萃取：含有厚朴酚及厚朴，具抗老化作用，幫助維持肌膚健康。
肌肽：具延緩老化、醣化及抗皺效果，提升肌膚防護力，並協同膠原蛋白與彈力纖維作用，維持肌膚緊實與彈性。
維他命B3：又稱菸鹼酸，能促進肌膚活力，使膚色均勻，有淨白作用的效果。
白玉蘭純露：擁有優異美膚價值，具備良好的淨白、保濕作用。
雪耳萃取：含有豐富的黏多醣體以及保濕因子，提供長效保濕。
玻尿酸：強效保濕因子，在肌膚表面形成強力保水膜，持續提供肌膚水潤柔滑。
傳明酸：具有美白、淡化斑點的效果，並能預防肌膚產生黑色素形成問題。
熊果素：抑制阻斷黑色素生成，淡化已生成斑點，改善肌膚黯沉問題，提升肌膚防禦力。
維他命C醣苷：安定性佳，可發揮抗老化以及預防黑色素形成的柔白能力。

功效: 預防老化、改善皺紋、黯沉、蠟黃膚況，維持肌膚緊緻彈力
優惠價:$ 200 Made In Taiwan

全個系列的王牌～
拿上手有點重量，簡約的包裝不錯啊！！

精華奶白色，帶清幽花香味～
質地偏少少杰身，都幾易推開！！

咁要直接用上面睇睇效果！！
KEEP住一星期日日早晚咁用～

首先質地偏杰的精華，就咁搽完一陣會好似有層膜咁包住皮膚！！
感覺好似好難吸收咁！！
朝早用的話, 按壓下先得,再搽面霜，之後化妝都頗貼面，唔易浮粉！
我覺得滋潤度唔錯, 但保濕就一般！
夜晚沖完涼用就好Ｄ, 皮膚洗面後乾乾地，感覺吸收得唔錯！
當天氣變乾燥時將精華加一兩滴混合粉底一齊用，潤好多貼面好多～
用左咁耐未見有明顯美白效果，但滋潤度上升不少，極岩冬天用的濃濃精華！！

晚安凍膜呢個名係台灣都幾常見，基本上出名的台灣牌子都有出同類型產品！
牛爾的晚安凍膜特別在有分開面用及眼用。
我兩類都用過，平時日常保養用都幾抵用啊！！

白玉蘭鑽采超緊緻晚安凍膜EX 60ml
Taiwan Magnolia Brightening and Firming Night Gelly EX
獨特成份:
車前草萃取複合物、白玉蘭純露、白玉蘭花葉精華、木蘭樹皮萃取、雪取萃取、維他命C磷酸鎂鹽微囊球、肌肽、Phytoferulin®、維他命C乙基、玻尿酸、異構糖、熊果素、傳明酸、維他命C醣苷、三胜肽、四胜肽、虎耳草萃取、牡丹萃取、檸檬精油。
功效: 預防老化、保濕、緊緻肌膚
優惠價:$ 160 Made In Taiwan

使用方法：
每天夜間，使用於乳液之後的臉部肌膚，取出約2粒黃豆大的量，先點於額頭、雙頰、下巴處，藉由中指、無名指指腹，順著肌膚紋理由內而外均勻塗佈全臉。

樽身上印有睇得明的使用期！！

呢款係面部用的晚安凍膜, 包裝上有心思，附有個衛生小膠棒～
以及陋塵的小蓋！！呢兩個小配件好重要啊！！
透透地的白色gel, 白蘭花香味好濃！
質地比精華更好推!!

我隔日用一次！
發覺支小棒太短～所以拿返牛爾eyemask附送的小棒黎用！！
雖然盒上面寫住2粒黃豆,不過我覺得太少,轉頭風吹就乾了～
我鐘意厚敷, 所以用左咁多份量！

份量足夠搽滿全面，雖然厚搽, 但十分鐘後都己經吸收左唔少，唔洗擔心會沾上枕頭！
乾早起身唔似其他sleepingmask咁有層膜咁，
睇上去感覺咩都無, 不過又感覺皮膚有彈性，無面油但又唔乾緊！
有驚喜喎～但使用時間尚短, 未有美白效果！
毛孔好似無咁明顯！！
如果易出粒粒的SIS可以當gel mask咁,十五分鐘後沖洗一下！

兩個產品我個人喜歡白玉蘭鑽采超緊緻晚安凍膜, 大大樽只係百幾蚊，
用量唔多，冬天唔想用paper mask,呢個凍膜係個好選擇～

『牛爾親研』於全線Colourmix卡萊美獨家發售
產品查詢熱線：2201 8668

分享清清清清清空~第十四回合

一個月又過去了！！
又好努力咁好完Ｄ野, 黎個簡單分享～

renu con水
用左三個幾月, 普普通通唔覺特別好用！
下次轉用返BIO, 開埋另一支用緊～

THE BODY SHOP 茶樹潔面泡沫
超耐用,由於我唔係成日用, 皮膚起粒粒時就會連續用～
同老媽子一齊用,都用左四個幾月！
感覺泡泡好稀, 洗面後茶樹味好重, 潔力尚可！！
油性肌平日用都ＯＫ,冬天用較乾～

THE BODY SHOP 藍薄荷沐浴乳
係東涌outlet買，好杰身,夏天用幾清涼，
唔鐘意佢質地,起泡好少～
最後用黎當洗手液....

萬寧化妝棉 300片
貪地中地雷...
一濕就起棉絲，果種幾塊痴埋分唔開果種
都係盒裝有壓線果隻好用Ｄ～
唉～仲有一袋要用！

BIOTHERM PURE-FECT SKIN Micro-Exfoliating Purifying Toner
零瑕淨肌潔膚水
有微香, 及酒精味, 對酒精敏感的就要要小心！
抹上面時係有酒精味, 不過適量酒精係可以清潔同收毛孔!!
效果唔錯, 可以抹到啡啡地!!! 每次用晒都唔洗好多!!
基本好少用,有時針清或磨沙後用, 細細支用左我三個月！！
最近買左c牌2號水試下,真心覺得自己係似用酒精多過似潔膚水～
好彩係細細支裝唔係貨裝..用完我會回購返BIOTHERM呢支！！

Kamill Hand Cream 30ml
訂Glamabox的盒子貨品，上網睇好多人讚！
但我堅唔鐘意用，一吱上手抺一下就覺得太厚太油！
好耐都唔吸收，隻手油到反晒光，係公司用，洗完手再用..
搞到支筆油立立，萬寧liphop牌都好過佢～

Simple 滋潤潔面啫喱
買滿額送，啫喱加水好得意,變左乳液咁～
幾好用, 無咩香味,皮膚敏感人好岩用～
價錢又唔貴！有特價可回購～

HANSKIN 礦物魔幻BB Cream 10ml
質地適中貼薄，但色號偏白！！
我要求bb cream係要遮瑕力好同埋唔油！
呢支唔太岩我, 遮瑕力只岩靚靚皮膚SIS用～
所以用黎混合其他bb cream用！！

Bioderma 深層再生防敏面膜 15ml
買紅水box set一齊，細細支可以用五六次！
每次用可以加入B5或其他保濕精華！
用完皮膚好潤又保濕，無敏感出粒粒等！
但又無特別突出～

LIERAC 抗皺晚霜
Glamabox 內的試用裝，質地好杰,搽上面幾潤，
乾到脫皮用就岩岩好～
不過實在太杰，吱唔到出黎,用三次己經放棄！

BRTC 魚子精華BB修飾霜SPF50 PA+++(35g)
呢支係連埋震震美妝機一套～
:糅合化妝及護膚功能，集美白、防曬、抗皺及修飾四重功效於一身，能實時均勻並提亮暗啞膚色，遮蓋面上瑕疵之餘，同時為肌膚注入多項修護成分，配合SPF 50防曬因子，使肌膚無時無刻得到滋養和保護。獨特的魚子精華能有效改善緊緻肌膚，霜質感輕柔透薄，效果自然無暇。
個美妝機好用,但呢支bb cream麻麻地，遮瑕力一般唔算高，但偏厚身，夏天用真係會勁出面油,冬天乾燥時用都可以！
色號自然得黎偏灰，適合年長女士用～努力地用呀！左溝右溝咁用～

eve女性專用護理液
淡紫色微香，普普通通，但女生係一定要用的產品！
係覺得L牌好用Ｄ～

推一推支持下啦！

Bifesta 好洗好用潔膚水

潔膚水最近正用完兩支, 一水係B版紅水，一支係BB水！
兩支都係我平時落妝後用的，落妝後抺多一層會保濕同乾爽Ｄ～
好處係大件抵買,成500ml都係一百幾十，但同時都係缺點..
每次倒落化妝棉都好似舉重咁，同埋落妝功效偏柔和,即是慢〜
雖然對皮膚好, 唔洗咁強烈, 但有時想平時淡妝都抺走就要有耐性！
最近手上試左隻出名抵用的落妝水，卸妝+潔膚水平時用黎淡妝用真係好好用！！
平時莎莎萬寧logon等都成日見到，今次終於有得試下〜
Bifesta卸妝潔膚水有三款緊緻型, 清爽型,亮白型, 因應唔同皮膚同天氣使用～
我手上的係清爽型！！