2016年4月16日 星期六

妝品分享★★鐡片君你好!!!★★HitPan

最近網上睇過一篇分享, 識左一個詞語「hitpan」~
所謂的「hitpan」化妝品 就是用到見底的化妝品,
是韓國 美妝界的流行用語之一,也是好用產品的一大指標!!!
對我黎講, 用到見底未必真好好用, 有時只係唔想浪費, 哈哈哈哈~
咁我睇返自己正在用的化妝品, 其實都有幾件見到鐡片君 (你好嗎?)
咁就分享下啦, 有啲真係好好用, 有啲我又覺得一般般!!!


幾件都唔係好難買~一件件講下啦!!! GOGOGO~


1028太妃眼影組, 朋友在台灣代購入的, 當時買入SET裝, 有埋眼線筆及落妝!
1028呢個台灣牌子有出好多潔膚產品, 我用過三款都覺得唔錯, 去台灣必買的品牌之一

鐡盒設計唔錯, 圖案都好靚, 一盒有六色, 每格都好大粒,
不過佢太浪費位置, 所以我拆左去變成組合~XD
有KATE眉粉組 + Kanebo Coffret胭脂
呢隻眉粉用左好耐,經己見底了, KATE眉粉組出名好用,
可以打鼻影又可以畫眉, 色調自然又持久, 不過用耐左會結塊, 要成日刮,
慢慢就只用黎打鼻影無用黎畫眉喇~
胭脂都見到用到有個鐵片型, 我諗用多一個月就可能見到太陽了~XDD
見底的兩粒眼影基本上返工都用佢, 一星期最少用4次,
連續高密度咁用大約半年, 就見底了, 其實佢好大餅但唔深~

平時我都係用呢2色去配撘使用,
簡單就可以畫個眼妝, 用掃, 手指, 棉棒都可以!!
有微閃, 但唔會浮誇, 不過如果用掃上會飛粉~
用手指或者棉棒都無呢個問題, 持久力唔錯, 返工放工都完全KEEP到!!!
呢盒眼影我評價唔錯, 想買盒耐用又好用, 價錢又平的可以考慮1028,
而且仲有其他系配色, 學生哥首選!!!! ★★★★★

第二件都係1028的妝物, 雙色遮瑕膏
佢呢盒係我用的遮瑕入面使用度最高, 亦最好用~
我叫佢做Bobbi Brown 平民版~

一盒有兩種色, 橙調及黃調,
橙調用黎遮眼底或紅印, 黃調用黎遮面部色斑或打亮~
何解我覺得好用, 因為我開左用過兩三次, 放埋一邊,
放左over半年再拿出黎用, 佢質地依然都好潤好cream~
完全唔會乾裂, 真係超CRAZY!!

講到遮瑕度我覺得好足夠, 落妝粉底, 再加少少遮瑕,
起碼遮到8成之餘仲要唔乾, 因為好潤, 所以我用指印開就得!!!
我未用過貴婦品牌的遮瑕, 無得太多的比較,
但我少用遮瑕, 都可以用到見底, 咁佢真係好好用~
好多水貨店都有賣架~

Too Cool For School Lunch Box Set~
我係韓國旅行時入手的, 呢盒真係幾抵用,
而且質素都唔錯, 佢眉粉的份量比KATE厚又大粒,
基本上我唔返工都會畫眉, 所以真係日日要用~

上層係雙色眉粉, 下層係眼線膏,
有兩種色灰色調同啡色調, 我買啡色所以連底層的眼線膏都係啡色~
眉粉我發覺佢出色度好高, 前半段我用淺色, 眉尾同深色,
所以畫出黎好自然, 因為我有加top 所以唔知佢防唔防水~
下層眼線膏質素唔差, 可以全日不脫色, 死死咁貼住眼皮,
不過缺點係比較濕, 無咁快乾, 啡色得黎帶銀閃, 畫出黎好靚,
質地軟身, 好易上手~佢結塊情況無KATE咁大, 所以我會KEEP住用~

Rimmel Stay matte pressed powder 細致毛孔啞光控油定妝粉餅
呢餅嘢我買左大約4個月左右, 買左返就開黎用,
基本上一星期用三至四次, 好快就見到底了,
控油力我覺得一般, 無網上講到咁好用,
外國BLOGGER就讚多, 可能唔岩香港天氣呱~
春天用都可接受, 下午會泛油, 佢算透明色, 不過不宜掃太多層, 會好粉樣~
缺點就係佢個膠蓋, 設計非常之差, 差基本用兩個月,
日日開關, 個膠蓋就會裂~
如果你係油到煎蛋咁, 就一定唔岩你用, 混合肌就可以~
價錢好平, IG或水貨店都只係$60, 仲有13g咁大餅,
唔包粉撲係要自己用掃囉~我習慣用掃所以我唔覺有咩煩!!!

植村秀 lightbulb UV 白瓷光感粉餅
試用產品, 放埋左一邊一段時間, 最近擺出黎用返!!


日本品牌的粉餅都係偏色, 有時偏黃偏有時偏紅,
所以我好少用日版的, 有時買最淺色都有少少黃,
當然BA比錯色我, 呢隻#574偏紅左, 所以我好少用,
不過唔用又好浪費咁, 所以間中會用下,
而且佢個雙面粉樸設計真係好好, 質地方面係好好粉素好幼細,
夠貼唔會卡粉, 補妝都好方便, 但持久度都係一般, 中午就已經泛油浮粉,
佢岩中至乾性皮膚用, 同系粉底液我都有用, 不過都係錯色, 唉~~

大致上分享咁多, 多謝收看~
記得前去我的面書專頁 / IG啊, 有更多小小分享唷~~

本文章所發表的全部內容均屬個人意見及感受,並不代表該品牌之言論及立場。
如希望獲得更多有關產品資訊
請自行聯絡該品牌查詢。





2016年4月11日 星期一

【試用】極速滲透!!!乾燥OUT★★保濕x6000倍★★強化底層

剛剛經過一個乾燥又結霜的二月, 又來一個勁潮濕又寒冷的三月,
對於皮膚乾燥又敏感的我實在非常頭痛, 底層細胞無論補甚麼都好似在沙漠澆水一樣~
除天氣等外在因素, 亦受不可力抗的因素, 時間~
隨著年齡增長,皮膚不斷受到紫外線、污染物質及壓力的影響而產生氧化作用,
導致真皮層中的含水量降低,使透明質酸、彈力蛋白及骨膠原流失、
斷裂,造成皮膚鬆弛、暗啞、產生乾紋和皺紋。
想真正改善肌膚細胞, 除做適當的美容療程外, 更需要平日使用可針對性的產品!!!
Bb LABORATORIES 送來的試用品真的是我沙漠中的及時雨!!!

其實要令肌膚豐盈飽滿富彈性,一般只含透明質酸或骨膠原成分的產品~
並不能解決因缺乏彈力蛋白所引致的皮膚下垂問題~~
Bb LABORATORIES的專業研究人員為致力對抗皮膚衰老問題~
精心配製出能鞏固皮膚整體結構─鎖水、提升、緊緻三大元素合而為一助您尋回完美肌膚。

Bb LABORATORIES Hyalurone Elastin Collagen Extract
透明質酸●強力蛋白●骨膠原原液 
$250/5ml、$1280/30ml、$1880/50ml
含肌膚緊密不可或缺的三大元素「透明質酸」、「彈力蛋白」、「骨膠原」合而為一,
有效鞏固皮膚底層結構。以高科技納米技術將分子納米化,令分子可以極速穿透皮膚,
直達真皮底層,發揮改善鬆弛、皺紋、乾燥的最佳功效,
令肌膚潤澤、豐盈,更緊緻富彈性。


透明質酸 - 鎖水
1克的透明質酸能鎖住6公升水分,保濕能力高達6000倍,
能將肌膚水分儲起,並持續釋放,令肌膚日夜保持濕潤。

彈力蛋白 - 提升
喚醒真皮彈性記憶體對抗因失去彈力蛋白而引致的下垂情況,
令肌膚回复年輕亮澤有彈性。

膠原蛋白 - 緊緻
支撐細胞結構主要元素,為肌膚提升支撐力,撫平皺紋,回复飽滿。


一盒四支5ml 原液, 每支都是密封式,
Bb LABORATORIES對高安全性產品之生產標準控制非常嚴謹,
堅持每件產品都能務實地照顧您所需, 無任何品質問題, 可放心使用~

以前都用過不少這類包裝的精華小樽, 但缺點就是開封後很難存放,
因為只有軟膠的蓋塞, 不能完全封密, 使用時又不方便, 往往會倒出太多!!!
但
Bb LABORATORIES就貼心地附有專用的小蓋子!!!

撕開金屬的包裝及膠塞~  

再換上可開關式的蓋子便可以!!
 
  全透明帶沒有黏性的液體, 沒有任何香味~

推開後肌膚快速吸收, 因為原液以高科技納米技術將分子納米化,
令分子可以極速穿透皮膚,直達真皮底層~



早夜潔膚後使用,
以適當份量全面使用,需特別護理位置重複~
雖然5ml一小樽容量很少, 不過每次用量不需要太多, 所以都頗耐用!~開封之後最好放入雪櫃, 三個月內用完~

用左兩小樽, 皮膚感覺明顯有分別, 護膚品發揮得好好,
皮膚變得水潤有彈性, 即使乾燥極天氣都無任何不適或拉緊感覺,
T字位亦沒有泛油出現, 整天的妝感保持超好~~
因為純度高保濕度好, 特別推薦在光學美容療程後使用,
效果會加明顯, 提升療程功效~
雖然價錢上有點高, 不過只需要一個月用一支, 可以KEEP住皮膚好一段時間,
這個價錢比起做一次FACIAL更化算啊~~

如有興趣可前往網頁查看或選購
http://www.bb-lab.com.hk/
香港地區訂單免運費啊~
亦在可以LightMAC購買, 可向店員查詢~

是次產品由Bb LABORATORIES提供
本文章所發表的全部內容均屬個人意見及感受,並不代表該品牌之言論及立場。
如希望獲得更多有關產品資訊
請自行聯絡該品牌查詢。




2016年3月12日 星期六

【試用】體驗24K黃金護膚品★★Soo Beauté★★黃金魔幻活肌

自從黃金成份加入護膚品, 各種類型的產品就大行其道,
其功效有助修護皮膚, 對熟齡肌是最適合,
不過含黃金的護膚品, 價錢都不一般,我用過三個日本及歐美品牌的產品,
 效果真的超棒~~一直念念不忘, 可惜真的不捨得入手~

莎莎代理的韓國品牌Soo Beauté推出黃金魔幻活肌系列, 
價錢大眾化, 可以令各位平民都可以體驗到奢華的護膚體驗~~

韓國Soo Beauté 全新魔幻活肌亮金系列以黃金修護為產品概念,
同時結合多種修護成分如膠原蛋白、乳木果油及馬齒莧萃取物,
為皮膚注入水分及養分,達至緊緻抗皺、水油平衡、修護等美肌功。

Soo Beauté
魔幻活肌亮金膠原凝膠 $198 50mlSoo Beauté 魔幻活肌24K黃金膠原面膜 $198 100mlSoo Beauté 水母保濕生物纖維水凝面膜 $39 pcsSoo Beauté 稻米溫和卸妝潔膚水 $78 500ml



Soo Beauté 稻米溫和卸妝潔膚水 $78 500ml
 Soo Beauté 有不同系列, 適合不同皮膚需要, 稻米系列主要淨白,蘊含濟洲天然植物,輕易卸除妝容及洗走污垢 弱酸性(酸鹼值pH 5-6),
低刺激性,溫和潔淨 同時高效保濕,提昇亮白感 用後肌膚更顯嫩滑,潔淨~


可以當作落妝或潔膚水,不需要搖晃,
可以直接注入化妝棉使用~


我每日放工回家都會第一時間潔膚落妝, 這支產品使用度很高啊~
500ml 超大支耐用, 用後皮膚乾爽, 沒有強烈的化學香味, 有輕微保濕力,
落妝的效果都不錯, 很乾淨, 平日不化妝都可以輕易抹走灰塵!!


Soo Beauté
魔幻活肌24K黃金膠原面膜 $198 100ml全面性修護的高效滋養霜狀面膜 提供豐富養分,長效保濕,
提拉緊緻,減淡皺紋 使用後,皮膚會更顯透亮,有彈性及提升活力

 
質地是乳霜狀, 微香~


非常之好推啊~
推開後都可明顯見到黃金粉,效果超豪華啊!!!


基本上用量不需要太多,全面使用~
我覺得自己很似十八銅人,哈哈哈哈~

靜待15分鐘後,用化妝棉抺走,再用清水洗淨,
效果不錯,很適合冬天使用,滋潤度很高,
皮膚變得有光澤,提升肌膚彈性及吸收能力~


Soo Beauté 魔幻活肌亮金膠原凝膠 $198 50ml
注入納米黃金多肽改善肌膚彈性, 煥發生機 其獨特凝膠質地,
令有效成份和水份完美融合, 使營養更快被肌膚吸收同時重建保濕屏障,
防止水份及養份流失 為皮膚深層保濕,用後皮膚更顯水潤,精神,
有活力 及散發健康自然光澤感 

用過一天之後就愛上了這樽霜,
淡黃色的凝膠,淡微香


質地非常好推,帶有閃粉,
令皮膚用後看起來有光澤感~

以按摩方式直至亮金膠原凝膠被皮膚吸收,
質地我個人非常之喜歡,含水不會太高,
皮膚用後水份提升, 帶有滋潤度, 潤而不油,
難怪適合用來按摩, 因為使時間間尚短,
暫未見到緊緻減紋效果~

是次產品由theZtyle提供
本文章所發表的全部內容均屬個人意見及感受,並不代表該品牌之言論及立場。
如希望獲得更多有關產品資訊
請自行聯絡該品牌查詢。





2016年2月11日 星期四

【自購】平價日韓台歐美品牌★★12支眼唇卸妝液★★小比拼大分享(上)


欠大家這篇分享文章終都寫子了....一半!!
原本已拍好相片及找好資料, 因為工作及私事而擺在一邊~
希望大家不要離棄我唷~XDD

我由開始化妝就選擇用眼唇缷妝液,
針對性缷除眼部彩妝, 尤其防水性高的化妝品,
即使很多產品聲稱有落妝功效, 但我都不太信任,
總會加多一次清潔步驟, 始終清潔是護膚的第一步,
如果有化學品殘留皮膚, 會貼金都沒有用~
而卸妝液是長期需要的耗用品, 當然要找一支便宜又好用的嘛!!!!
今次12支產品我會以不同角度去比較,
包括缷妝力, 清爽度, 刺激性, 香味, 價錢, 回購度等等~
全部都是我在香港可以買得到的日本韓國台灣歐美的品牌,
希望可以有個參巧, 若果有其他品牌都可以提供我參巧啊~~


因為太多支會看得超累 (主因我打太多字很累人....)
所以分開兩篇, 下一篇我會盡快寫好!!!

今次的眼唇缷妝液有以下六支:
花王Biore 碧柔高效眼唇卸妝液
Bifesta 高效眼部卸妆液
Maybelline CLEAN EXPRESS 眼唇缷妝液
POND'S 深層潔淨眼唇卸妝液
L'oreal 溫和眼唇卸妝液
Maybelline 眼唇二合一卸妝液


測驗用彩妝: 1028眼影, 植村秀粉底液, RELVON唇膏,
KISSME睫毛膏, NAF眼線膠筆, RED EARTH 胭脂膏,


測驗方法:
我會以不同的彩妝品畫在手背上, 再用化妝棉吸收適量的卸妝液,
緊貼在手背(肉手)上20秒, 比較大家的缷妝效果。

★★★★★★★★★★★★★★★★★★★★★★★★★★★★★★★★★★

Bioré 高效眼唇卸妝液 HK$59.9/130ml

雙層高效活性配方-上層含睫毛液瞬效溶解因子,軟化並溶出睫毛液纖維。
下層含透明質酸保濕成分,能防止肌膚產生細紋。


★★評價★★
缷妝力: ★★★★★
清爽度: ★★★★☆
刺激性: ★★★☆☆
價格比: ★★★★☆
回購度: ★★★★★

粉紅色非常討好, 很少女味道, 樽身設計很獨特, 樽口設計穩固又乾淨,
缷妝力很平勻, 基本上所有防水防油的彩妝都可以輕易缷除,
質地雖然是油性, 皮膚缷妝後感覺頗清爽, 不會有油膩感!!
價錢雖然不貴, 但已經不停在加價, 由推出時已開使用,
最便宜時買只是$35, 現在打折都不會低於$50, 所以只會在特價時大量入手~
我介紹不少朋友用都大獲好評, 缷妝力超強, 但唯獨有少少缺點,
如果眼睛比較敏感的人, 會有刺激性, 朋友有回應用後不刺痛但眼會發紅!!!
頗適合日日化妝的女生, 快速又乾淨 (大眾型適用)

Bifesta 高效眼部卸妆液 $58 / 145ml

蘊含維他命B及E,輕柔呵護睫毛,同時為眼部肌膚保濕,肌膚水嫩健康。
質感清爽,用後水潤無繃緊感覺。針對時下流行的防水眼妝而設,
重點卸除防水眼線及睫毛液。

★★評價★★
缷妝力: ★★★★★
清爽度: ★★★★☆
刺激性: ★☆☆☆☆
價格比: ★★★★☆
回購度: ★★★★★

Bifesta這支缷妝原本不被我留意, 反而開始吸引我的是同牌的落妝水,
之後經朋友介紹才發現這支好東西~
正當Biore價錢不跌反升時, 煩惱著要轉其他平宜選擇就買了她,發現新大陸一樣!!!
圓柱形樽身不顯眼, 膠料很硬, 使用時要大力搖擺,但太大力又會起泡泡,
缷妝力跟Biore差不多, 不過對於防水睫毛膏/眼線筆的缷妝力特別強,
主要是針對性成份, 相反唇膏方便就較弱, 質地很清爽, 即使不過水都可接受,
價錢比Biore便宜, 特價折扣亦較多, 激刺度低, 沒出現眼痛或刺激反應~
適合平時只畫眼線搽睫毛妝的女生, (懶惰型適用)

Maybelline CLEAN EXPRESS 眼唇缷妝液 $55 / 70ml

雙效潔淨配方能高效卸除防水眼部及唇部彩妝,
即使防水彩妝品也可輕鬆地徹底潔淨無殘留。
清爽水嫩質感,使用後眼周肌膚仍可保持清爽不油膩。
性質溫和,適合所有肌膚。

★★評價★★
缷妝力: ★★★★★
清爽度: ★★★★☆
刺激性: ★☆☆☆☆
價格比: ★★☆☆☆
回購度: ★☆☆☆☆

Maybelline 新出的落妝液, 不容看小的缷妝力,
因為好奇想試而入手, 價錢不便宜, 小小的70ml便要$55,
特價時入手都要$39, 不太適合每日化妝的女生用,
不消一個月就用光光了, 性質很溫和, 沒有香味, 敏感人都可以使用,
除了價錢貴之外, 還有一點我不太喜歡,
就是即使遙勻後兩層分開得太快, 慢慢會用後會見到水油兩層的比例會拉遠!!!
小樽子適合帶去旅行用, 或者少化妝的女生, 買一支用長時間又不佔位置 (迷你型適用)

POND'S 深層潔淨眼唇卸妝液 $62.9 / 120ml
使用BIO SPA COMPLEX特殊配方,添加含礦物質成分的溫泉水,質感清爽不油膩;此外,蘊含天然葡萄籽、山茶葉精華和歐洲赤松葉精華的配方,具高度卸除眼唇彩妝效果,卻不會刺激皮膚,給妳卸妝清爽SPA體驗,助妳全面呵護眼唇周圍的幼嫩肌膚~


★★評價★★
缷妝力: ★★☆☆☆
清爽度: ★★☆☆☆
刺激性: ★★☆☆☆
價格比: ★★★☆☆
回購度: ★★☆☆☆

這支小胖小雖然有120ml,但價錢就比兩個B牌貴, 但特價後只是$30-40,
生產地來自韓國, 樽身超硬啊~
以前有用過PONDS的護膚品, 不過不失, 今次用過落妝產品有點失望,
或者不是我杯茶呀, 缷妝力不算很差, 亦不算很強,
要需要很多份量才可乾淨落妝, 而且我覺得使用後皮膚感到油膩, 不太喜歡這種感覺,
優點就是不會澀眼, 沒有濃烈香味,
應該適合偏乾性不怕油潤感的女生用, 或者平時化淡妝的女生使用(淡妝型適用)

L'oreal 溫和眼唇卸妝液 $85 / 125ml
溫和潔淨肌膚,洗淨肌膚殘妝和灰塵,不到中和肌膚發炎。
含有多種維他命舒緩眼周脆弱肌膚。清爽活力配方快速卸妝,肌膚重獲活力。


★★評價★★
缷妝力: ★★★★☆
清爽度: ★★★☆☆
刺激性: ☆☆☆☆☆
價格比: ★★☆☆☆
回購度: ★★★☆☆
很多化妝師及美容博客都推薦的落妝產品, 成份方面比其他的較優勝,
優點在於溶妝力強之餘, 性質非常溫和, 即使入眼都不會刺激,
價錢亦算中等, 特價都會接近$50, 有時專門店買都有優惠,
只有兩方面我不喜歡, 水油兩層分開太快, 使用到一半時會不平均(透明及藍色部份)
是純度高?粒子輕重的原因? 另外當化妝棉吸收後, 明顯會有藍色水印邊邊,
是化學色素還是其他物質沉積 (不解?), 但其他十支都沒有這個情況出現,
計算價錢及好用度這支真的是頭五強, 只是我不覺得特別突出~
溶妝速度很快, 適合極速落妝去訓覺的女生, 清爽又溫和 (速度型適用)


Maybelline 眼唇二合一卸妝液 $95 / 150ml

 能快速並有效卸除眼部及唇部化妝
輕易及溫和地卸除彩妝
溫和配方可使用於眼部幼嫩肌膚

++相片糊了, 所以不貼++
★★評價★★
缷妝力: ★★★★★
清爽度: ★★★☆☆
刺激性: ★☆☆☆☆
價格比: ★☆☆☆☆
回購度: ★★★☆☆開始化妝第一支用的就是這支Maybelline, 用了一段長時間, 現在已轉了新版,
價錢貴到一個不會買的地步, 朋友在台灣代入手一支大約$55,
容量比之前大了很多, 但整體價錢就升得太高, 不會考慮回購,
缷妝力我覺得是頭三名, 又快又乾淨,基本上用三片化妝棉就可以卸去全妝,
防水彩妝及眼影閃粉等都不會有殘留, 清爽感一般,可接受範圍,
這支仍有水油兩層的比例拉遠情況, 而且都頗遠呀~
配方頗溫和, 有敏感眼的朋友長期使用都可以 (敏感型使用)


我不相信落妝產品有護膚功效,
因為停留在皮膚上的時間太短, 任何保濕成份分子不會那麼快速吸收入低層,
不過我相信會有成份可以暫時鎖住水份減慢流失!!!

:::小貼士:::
眼唇卸妝液使用量要足夠, 不要慳量使用
化妝棉要勤換, 不要一片抹到底
使用眼唇卸妝液後, 要再清潔面部皮膚

今次小分享就到此, 下次再分享另外六支,
謝謝~~記得前去我的面書專頁 / IG啊, 有更多小小分享唷~~

本文章所發表的全部內容均屬個人意見及感受,並不代表該品牌之言論及立場。
如希望獲得更多有關產品資訊
請自行聯絡該品牌查詢。