2014年3月9日 星期日

令你一夜間肌膚回復細滑★★ Kiehl's ★★深夜奇蹟修復法寶★★

一月份出席過Kiehl's x YOKO 晚間美顏煮意的活動!!
http://www.theztyle.com/home.php?mod=space&uid=23641&do=blog&id=228124


感謝Kiehl's 非常貼心地送出深夜奇蹟修復兩大法寶, 等大家都可以試用體驗!!
經過一個月30個的夜晚, 就分享一下佢的奇蹟修復效果!!


點解產品名叫做"深夜奇蹟"? 好多人都知道,凌晨12時至4時是肌膚吸取養份的黃金時間;
「深夜奇蹟特效修復」系列就係特別針對這個人體天然生理時鐘而配方,讓肌膚吸收養份後進行修護及更生。
肌膚的主要功能為自我保護,這促使油脂分泌增加,而新陳代謝的節奏則較慢;
在夜間,隨著血液循環加快,是肌膚吸收養份及細胞更生活動的最佳時機,
所以肌膚亦會趁此時段,全力修復在日間所受到的傷害。
而且訓覺時間, 整個人的身體同心理最放鬆,  唔會受到環境壓力影響!!


MIDNIGHT RECOVERY CONCENTRATE 深夜奇蹟修復精華露 30ml $415
每晚只需兩滴,便能於晚間為肌膚提供最多養份,促進肌膚修復於日間流失的天然油脂,截擊因睡眠不足帶來的肌膚問題,同時為睡眠充足的肌膚,提供額外的養份修復日間的損害,使用後翌晨,肌膚感覺煥然一新,變得光采亮麗,迎接全新一天。

美國製造, 產品無華麗的包裝, 非常平實, 盒上印齊成份的資料, 用法等等!!
產品第一行就已經話你知, 不含香料, 不含防腐劑, 不含礦物油,
配方糅合Kiehl’s的皇牌成份優質橄欖油、月見草油及具有治療功效的薰衣草精油等天然油份,為肌膚提供必需脂肪酸 (奧米加3、奧米加6及奧米加9),有效重整肌膚,及加強肌膚自我防禦功能,令肌膚內的水份得以保存。
各精油的功效::
月見草油:
蘊含豐富人體不能自行製造的奧米加6必需脂肪酸,同時有效修復肌膚天然保護膜
薰衣草精油: 有助促進肌膚自我修復及改善膚色,讓肌膚散發天然光采
迷迭香精油: 讓肌膚保持滋潤,改善膚色,令膚色亮麗,同時能幫助肌肉放鬆
天竺葵精油: 暖和及具淨化功效的精油,有助肌膚清除毒素,促進循環,同時可平衡肌膚的油脂分泌
玫瑰花精油: 有助改善膚色,軟化肌膚,及使肌膚健康,同時可抵禦外界環境對肌膚的侵害,幫助肌膚補充天然油份
優質橄欖油: 與肌膚天然皮脂膜最為相容;吸收力強,質感如絲一般柔滑,被廣泛應用於Kiehl’s的產品中



精華露的樽身係玻璃, 精華係液體, 用泵裝最易提耶使用!!
每泵一下的分量都唔太多, 每次幾滴就足夠使用~



質地係水狀, 全透明, 薰衣草香味已經遠遠聞到!!!

啊~~~喂喂...又話係精華露, 點知推開係油黎架???
當試上手, 我仲以為拿錯左, 再睇返個名, 又無錯喎, 係叫精華露, 唔係叫精油喎...
突然明白點解係夜晚用, 因為朝早真係用唔到油~XD
佢質地真係好潤, 但唔立, 雖然係油, 但好輕盈~~
使用方法:

1) 於爽膚水及精華素後,取2滴於手中心
2) 雙手手心互相輕拍, 搓拍幾次, 將精華露平圴推於手心
##要注意唔好過份搓得太過, 否則未用上面已經搽在手上了XD


3) 輕輕吸一下手心的精華露, 好舒服的薰衣草味, 令人有舒緩的感覺
4) 雙手輕按於面額, 額前及下巴
#天氣凍的時候, 手掌的溫度有助發揮功效及吸收

5) 如手心有剰餘的精華露, 可輕拍於頸上
6) 最後搽上適當的面霜
##手指指甲邊, 手腳關節等地方都可以用!

其實30ml真係可以用一年, 因為每次只係用幾滴, 唔似平時用精華素咁倒水用,
雖然係油, 只要用岩方法,份量就唔會過多, 令肌膚平均吸收到精油的成份,
天氣乾燥時, 會脫皮及泛紅, 有時搽面霜都好, 第朝起身上妝, 都覺得皮膚底層唔夠水份唔夠油份,
所以冬天我習慣會用精華混合面霜用, 皮膚會變得油潤及鎖住水份唔易流失,
但要小心選擇, 因為精油的粒子好大, 份量過多會BLOCK毛孔引致油脂粒,
Kiehl's的精華露成份方面完全不必擔心呢方面問題, 而且成份天然及安全,
兩星期已經感到明顯的效果, 朝早起身皮膚好潤, 無面油, 乾燥感都消失左,
上妝變得貼面及持久, 皮膚回復柔軟細滑, 毛孔不明顯, 自然的光澤,改善暗啞變得飽滿!!



除左搽上面, 搽上手腳之外, 我會加入面膜當中!!


尤其是清潔的綠泥面膜, 令面膜有清潔及修護作用,
一來面膜敷的時間會耐D, 二來面膜可以發揮到精油的好處!!

我真係推介比各位乾燥皮膚的SIS用~
唔需要怕會油立立, 或者會出油脂粒等問題!!!
如果你覺得皮膚搽咩都唔夠保濕, 唔夠潤, 咁你就要有一支精華露幫你!
價錢上我覺得有點高, 不過佢用途及使用範圍大, 一支用幾個月都抵返~


---------------------------------------------------------------------------------------------------
2010年推出的深夜奇蹟修復精華露大受歡迎, 所以Kiehl’s今年特別為該產品研製及推出修復肌膚的最佳拍擋-深夜奇蹟修復眼霜 (Midnight Recovery Eye),可有效減少眼部浮腫、幼紋及皺紋,於翌晨重現年輕緊緻的明亮眼眸。

深夜奇蹟修復眼霜 HK$320 / 15ml
特別針對幼嫩的眼部肌膚配方,能於一夜間減退眼部浮腫、減淡幼紋及皺紋,使眼部肌膚於翌晨回復年輕緊緻; 以萃取金雀花根部的精華配方,能促進血液微循環,有效擊退浮腫; 揉合優質橄欖油、月見草、薰衣草的天然油份配方,有效重組肌膚結構,加強肌膚的天然保護膜,延緩幼紋與皺紋出現!!


同精華露一樣, 美國製造,不含防腐劑、香料與礦物油
不過開封期使用期只有半年!!!
產品上都印左佢的主要成份:
金雀花萃取: 含高濃度類生物黃鹼素, 獨特的強化血管功效,能減少因血液循環微弱而引起的肌膚浮腫
優質橄欖油: 與天然皮膚脂質結構非常相似的植物脂質,易被肌膚吸收,能幫助肌膚回復水份和滋潤肌膚
月見草: 蘊含豐富人體不能自行製造的奧米加6必需脂肪酸,同時有效修復肌膚天然保護膜
天然精油: 揉含薰衣草等天然精油,具治療性、平衡及抗氧化功效


小小節牙膏裝, 樽口好幼細, 幼過牙簽喎~
膠身唔硬, 不用費力對眼霜黎講非常之好, 因為會超容易控制!!


眼霜係白色的, 質地偏膏狀, 帶有薰衣草精油的香味,
推開後會覺得似奶油咁滑, 肌膚的乾紋即時變得滋潤!


因為佢樽口好細, 所以我鐘意用懶懶的方法~XD
直接吱四點係眼袋, 再用無名指推開!!
份量其實唔多, 反而夠份量可以比我按摩一下眼尾位置!!
反而份量唔夠會拉出眼紋啊!!XD


或者用傳統的方法::
1) 取一粒豆的份量於無名指
2) 利用兩隻手的無名指互相輕拍, 輕微加溫
3) 再由眼角向眼頭方向輕點, 滑向眼窩至眉骨

我本身無咩眼袋, 不過間中會特別乾, 眼袋位會溶妝會浮粉,
所以我習慣會選用比較潤眼霜, 第一次用含精油成份的眼霜;
加入左精油成份, 令厚質地的眼霜變成潤滑, 吸收得更加好,
比起單用保濕眼霜, 效果更持久, 淡化乾紋幼紋, 底層的細胞都得到養份而飽滿,
以前間中會有浮腫情況, 使用深夜奇蹟修復眼霜期間無出現過,
整體效果唔錯, 因為眼紋得到舒緩而覺得年輕了~XD
朝早上妝都好貼唔浮粉!!!
兩件孖寶真係深得我心!!!XD 對於偏乾的我非常合用!!
唔可以睇少乾燥啊, 會令你幼紋加深顯老, 甚至提早抗老!!!

產品及資料由Kiehl's提供

我都開左面書專頁啦, 快D黎LIKE我啦~

https://www.facebook.com/amanareahk
http://aman.theztyle.com
http://blog.she.com/aman

http://amanho.blogspot.hk/
http://www.gooodapple.com/Amano
http://www.fnb.hk/blog/16516
http://www.ubeauty.com.hk/member_blog/amanho/
http://weshare.hk/aman/
http://www.saladblog.com.hk/content.php?uid=378


清清清清清空~第二十二回合

剛唔過十日又一篇清貨文, 唔係我用得快
而係我真係儲左好多,都無時間寫, 我又驚一次過寫幾十件又會寫好耐又睇得辛苦!!
所以分三次篇黎寫, 大家有時間睇返之前果兩篇啦!!XD
希望唔好介意我煩!!!



FORMULA 10.0.6 So Totally Clean Deep Pore Cleanser 深層潔淨毛孔調理化粧水 (抗敏感配方) 200ml
我鐘意用佢黎做導出的, 導出效果好好, 不過香港無門市有得賣了,
現在只可以上購物網買, 佢係同時專為敏感性肌膚所研發,
零酒精, 又有清潔成份!!! 就咁抺面都唔錯!!
不過屋企仲有其他牌子存貨, 暫不會回購了~
Boots No.7 Protect & Perfect Beauty Serum 深層保護修復精華液
係APPLEBOX送架, 佢係貨裝SIZE, 我每日只係朝早用, 所以用得好慢,
唔知佢咩成份, 又唔係算保濕只係少少潤, 佢似係打底霜咁, 用過塊面會好滑手!!
我驚會BLOCK毛孔所以只係朝早用咋!!!
沒有咩大功效, 所以不會回購!!!

Summer's eve 爽美意女性衛生潔膚液
基本日日都習慣左用, 另一隻L牌子都有用,
不過覺得無咩特別唔同, eve都有敏感性皮膚用, 價錢亦較平!!
會KEEP住用~

mise en scene 髮尾油
含高濃縮蜂王漿,堅果油,玫瑰水。針對受損髮質,爲每根毛發提供營養。
解決各種頭髮問題,髮根分叉,頭髮乾枯,沒有彈性,光澤,燙染後損傷髮質。
三月去韓國時買的, 韓國對於頭髮護理的產品真係出左好多,
而且針對乾燥的天氣, 產品用後唔會油立立, 會好順滑!!
一支只係6500W, 每次只泵兩下就夠, 佢似精華多過似油~~
有機會去韓國可以入返幾支!!!

Biore 眼唇卸妝液
唔洗多講, CP值超高的落妝產品, 任何防水妝品都可以清得乾乾淨淨,
唯一唔好的就係入眼會不少少不適, 而且價錢越黎越貴了...要$50一支!!
用晒屋企的囤貨會轉用其他牌子, 最近用左台灣的1028, 超好用呀,
三月去台灣時我要大手咁入廿支!!!


Simple 抗敏落妝棉
龍城購入, 原先係放公司用的, 以準我放工要化妝用的!
放工時妝都溶晒了, 用落妝巾抹走再化過,
佢質地好溫和, 當然落妝唔及眼唇落妝來得好, 不過基本抹走底妝都好夠!!
棉巾質地好軟, 尺寸都夠大, 而且防敏配方,
不過始終都只係方便用的東東, 都唔能夠代替大婆!
未試埋其他品牌, 覺得未算最好用, 暫未打算回購~

柑子味落妝棉
係$12店買的, 因為想試下先買!!!
普普通通, 唔覺得特別好用, 棉巾偏薄同細!!
香味唔錯, 但只係用過幾次就無左陣味,
平平地試下, 唔會回購!!!


O'slee 蜂蜜黃糖煥膚面膜
新娘版GLAMABOX內的產品,一打開蓋已經好香, 超濃的黃糖香甜,
佢的質地望上去好粗, 但實際就好似幼糖粒咁,
佢可以乾濕兩用, 當面膜或者磨砂, 佢的天然糖粒會自動溶解, 所以唔驚會磨傷皮膚,
用後皮膚會變得白滑滋潤, 仲可以用黎清黑頭,
缺點就係要塊面好濕先夠水去溶左D糖粒!! 原以為樽可以用好耐,
用盡先發現原來先得一半...= =

Hanskin BB cream
質地偏稀, 遮瑕力中上, 不過少少偏黃,
用過好多呢個牌子的BB CREAM,
唔會爆出油, 厚重泛白, 反而妝感好自然,
基本上都好好用!!! 對呢個牌子偏心了~XD

Bio-essence 去眼圈精華
呢支係舊版, 有粒玉石珠可以碌下,
不過接駁位唔好, 有少少刮肉,
而且每次份量都好難控制, 精華係水狀,
效果唔明顯, 又無保濕, 用左三分一就唔要了!!

Maybelline 眉筆
用完第二支了, 好好用, 雖然一支用兩個月就KO,
不過佢質地夠硬, 色夠自然, 畫出黎唔會結塊,
價錢覺得少少貴, 不過等特價都可以回購,
家中尚有一支,用埋先回購~

O'slee Sleeping Mask
唔係我買的, 妹子的回購品, 完全因為平烎地,
保敏感, 有用好過無用先會買,
不過用過CLINIQUE果支就變心了!!
不會回購~

BEYOND PEACH洗面乳
三月韓國買的, 起泡力唔錯, 配合洗面機用,
香港無得買, 價錢真係好平, 只係$25,
好用, 不過好大支, 有排用,
三心兩意的我唔會回購~XD

我都開左面書專頁啦, 快D黎LIKE我啦~

https://www.facebook.com/amanareahk
http://aman.theztyle.com
http://blog.she.com/aman

http://amanho.blogspot.hk/
http://www.gooodapple.com/Amano
http://www.fnb.hk/blog/16516
http://www.ubeauty.com.hk/member_blog/amanho/
http://weshare.hk/aman/
http://www.saladblog.com.hk/content.php?uid=378


2014年2月1日 星期六

Kiehl's x Yoko Tsang 晚間美顏煮意

好開心可以有份出席一月初的活動~
第一次參與品牌活動之外, 又可以學煮野食, 超級開心!!
多謝YOKO選中我, 令我有份落手去煮, 其實我鐘意食又鐘意煮,
深深愛上朋友家人一齊享受美食果種感覺~~


活動係銅鑼彎Towngas Avenue舉辦,
佢係一個可以學堂又係一個廚房用品的商店!!



主辦品牌係Kiehl's, 一點都不陌生的醫學牌子, 門店的電單車及白色醫生袍的店員都成份標誌,
源自紐約曼克頓,創立於1851年以經營藥房起家的Kiehl’s,
160年多來一直堅持採用最優質的天然成份、豐富的製藥心得及醫學經驗,以配製面部、頭髮及身體護理配方。



Kiehl’s 兩大深夜護膚法寶 –深夜奇蹟修復精華露及眼霜,
所以今次的主題係「深夜奇蹟護膚」!!!


限量版深夜奇蹟修復精華露,
與
Alicia Keys攜手合作 Kiehl's + Keep a Child Alive, 每售出一支就可以幫助一個兒童一年的藥物!



先由Kiehl's 介紹兩支產品的成份及獨特功效,
配方天然, 夠滋潤又唔會油, 吸收得好快~




配合適合的手法搽 精華露及眼霜, 達至最佳的效果!


大家都好專心!! (相片來自
Kiehl’s FB)
我個樣好白痴呀~


之後再請出YOKO, 分享佢對
Kiehl’s 兩大深夜護膚法寶的用後感!
因為天氣乾燥, 所以平時的面霜未必夠潤, 所以係精華後加兩滴精華露, 會令精華更持久!
而眼霜雖然係夜用, 不過因為佢夠潤, 所以日間可以妝前用, 令眼部的化妝更貼面!!
仲有問答遊戲, 不過我真係唔夠快手~XD


第二環節, 配合深夜奇蹟的主題,
Yoko 特別設計了兩款健康美味養顏不肥嘅菜式及甜品,現埸大家一起烹調一齊學!!



先準備第一道菜節材料先~
嘩, 超豐富呀, 尤其係海鮮呀~~件件都好大隻好新鮮!!
好開心有份做~~LET GO~
要切好多野呀!!!
~切蝦頭, 拆蝦肉
~ 帶子開邊
~ 黃紅椒切糙


先用欖橄油, 放薑剪香三文魚頭, 再加入大蝦頭, 加入雞湯,
煮15-20分鐘(最佳為30MIN), 製成鮮味的海洋湯, 再隔地所有湯料~


再將切好的蝦, 帶子,
洋蒽, 三文魚煎香~~


加埋雙色椒將材料煎好之後, 加返雞湯入去煮熟就完成了湯底!!!
完全無加入任何調味料!!!



再加入茍蒻面條(超市可以買到的, 一包刀好或者一磚自已切)!!!


完成了!! 味道好清甜, 海鮮又好味, 又唔油!!
少少的茍蒻面已經好飽肚, 高纖維又零脂肪~減肥的人一定鐘意食!!



當大家正享受美味的時間, 就要準備另一道甜品~~花膠鮮奶!!
因為時間不足, 所以用熱水加薑去煮花膠,
花膠唔需要太厚太大, 中小型就可以, 時間越耐, 就可以去走鯹味~



將已經軟左的花膠, 剪成絲,
放入煲落薑加少少水, 用慢水加熱,
再落鮮奶或脫脂奶!!




煮熱之後再慢慢落蛋白~
就可以熄火完成了!!


完成了!!! 超多花膠呀~~
美肌呀, 多蛋白質又有豐富骨膠原~



今次的活動玩得好開心, 多謝Kiehl's提供左咁好的場地, 咁好的材料!!!


大會亦送左Kiehl’s 兩大深夜護膚法寶 –深夜奇蹟修復精華露及眼霜,
可以親身體驗一下佢的效果!!
(相片來自Kiehl’s FB)


我都開左面書專頁啦, 快D黎LIKE我啦~

https://www.facebook.com/amanareahk
http://aman.theztyle.com
http://blog.she.com/aman

http://amanho.blogspot.hk/
http://www.gooodapple.com/Amano
http://www.fnb.hk/blog/16516
http://www.ubeauty.com.hk/member_blog/amanho/
http://weshare.hk/aman/
http://www.saladblog.com.hk/content.php?uid=378




2014年1月30日 星期四

第十期 GooodApple ★ AppleBox ★PlasticThing

我對上一次抽中APPLEBOX係第六期~
之後一直都無抽中過~


連續三期的APPLEBOX, PlasticThing的設計好靚呀, 總於都抽到一個了!勁開心呀~
每期都有好豐富的美容產品, 今期都唔例外,
即刻同你分享一下我又抽中左咩東東!!!




櫃筒式的紙盒設計真係好慳位又方便, 而且平面設計上有更大的空間!!
一打開就有一張產品介紹咭, 列齊今期的產品LIST,
每期都有當中6-7件的產~
當中每期都有至少一件係貨裝的!!!


一打開就知龍與鳳~XD
勁豐富喎真係~~


第一眼就見到貨裝產品~
DOVE 3合1 卸妝洗顏保濕慕絲
其實一直有留意呢支產品, 好有興趣買黎試, 而且萬寧仲要成日缺貨~
首先佢好方便, 唔需要加水起泡, 有洗面及落妝功效, 當然唔會期望佢會落到防水妝
不過足夠洗走防曬及底妝~~


另外三支一袋的~
Varederm 緊緻輪廓日霜 / 高效濃縮緊緻精華 / 煥膚保濕潔面乳
洗面好好用, 唔會油立立, 好清爽不過用量好大,用三四次就用晒了~
面霜就覺得無咩特別!!
而支精華, 真係好濃縮, 用完都幾黏, 要再搽返乳液先會吸收得好~



THANN 天然東方潤膚乳液 30ml
真係一直想買, 每次經過LOGON都去睇下佢的BODYLOTION
行埋去已經好香, 估唔到APPLEBOX都有佢的迷你裝可以試用~
乳液質地好好推, 好快吸收左, 皮膚唔會有層油係面,
摸上手都好清爽, 又有COUPON喎~搞到我心思思想買支貨裝~XD


Liese 輕潤順髮造型乳
呢兩三年一直有用呢個牌子的造型產品, 佢呢個較新的系列就未用過,
小小的試用裝用後令人心痕痕, 有機會要買支裝貨用~XD



RESKIN BB 防晒霜, 精華, 面霜
之前試用過精華, 保濕力非常之好!!
今次可以試埋我日日必用的防晒及面厢!!
我幾鐘意個防晒晒, 唔油唔立, 防晒度又夠高!!

Juicy Couture Viva La Juicy Noir 香水  1.5ml
我幾鐘意呢種迷你版香水, 因為我用香水用得好慢,
呢支的香味好味, 而且持久力好高!! 粉紅色樽好正~



Tony Moly I'm Real Aloe Mask
未用過佢的PAPER MASK, 有機會試到真好~~



Monaco Argan Oil 極緻順髮精華
已經收過幾支迷你版, 真係好好用, 佢唔會油立立,
用完頭髮好順滑!!!

超豐富的盒子呀~
下一期已經公開登記了, 快D去GOOODAPPLE登記啦~

產品及資料由GOOODAPPLE提供


我都開左面書專頁啦, 快D黎LIKE我啦~

https://www.facebook.com/amanareahk
http://aman.theztyle.com
http://blog.she.com/aman

http://amanho.blogspot.hk/
http://www.gooodapple.com/Amano
http://www.fnb.hk/blog/16516
http://www.ubeauty.com.hk/member_blog/amanho/
http://weshare.hk/aman/
http://www.saladblog.com.hk/content.php?uid=378

清清清清清空~第二十一回合

上次清左一堆, 今次再講另一堆!!!
都儲左好耐架, 唔係一兩個月可以用得晒咁多!!!

Rejoice 抗護焗油髮膜300ML
一直有用開髮膜的習慣, 因為覺得比護髮素更持久, 一星期只需要兩三次就夠,
Rejoice的髮膜價錢好平, 我用過三款, 呢款算係好用的,
不過未算最好用, 已經轉左用VS了~

Feather 清爽洗髮露
佢係家庭裝, 只係$30, 好抵用,
已經用緊第四支, 妹妹由資生堂轉會過左黎花王了~XD
因為佢價錢平, 又無矽, 用最基本的成份去洗頭最好, 用完真係好清爽又乾淨!!
回購度 200%~

LOREAL ABSOLUT REPAIR Cellular極緻深層修復  日常洗護系列
Leave-in Cream免沖護髮乳  $150 / 150ml
去EVENT送的系列, 洗頭時用無修護功能的洗頭用品, 所以我會用返免沖洗的產品搽返頭髮,
洗頭後會泵兩下搽髮尾先吹乾, 或者乾髮單用都可以,
每次用完頭髮都超順滑, 轉用其他平價都真係無得比!!!
不過佢的質地杰身D, 好難泵晒底果啲出黎, 要切開個樽~
回購度 70%



TIGI CATWALK Sleek Mystique Fast Fixx水嫩保水噴霧 270ml  $ 200http://www.theztyle.com/home.php?mod=space&uid=23641&do=blog&id=178910
佢係試用品, 好大的一支, 放左好耐終於都用晒了,
都係乾髮時用, 會減少毛燥, 同埋有修護功效,
不過價錢太貴唔會考膚入手了~

Skin-RII 美白日間精華液30ml $180
http://www.theztyle.com/home.php?mod=space&uid=23641&do=blog&id=221004
第一次用新鮮的中藥配方的護膚品, 好重中藥味!!
超好用的一支精華, 明顯改善膚質及毛孔~
不過佢要放入雪櫃, 有點麻煩, 又驚唔記得用~XD

Marier Skincare Help皮脂調理精華
http://www.theztyle.com/home.php?mod=space&uid=23641&do=blog&id=212454
一樽針對性的精華, 用左個幾月, 皮膚抵抗力唔錯,
無出現大範圍泛紅或者敏感, 保濕力又夠高,
但實在唔鐘意呢種泵裝!!!

REGENE 牛乳白滑活肌修護霜  $228  45 ml
http://shampoopoo.theztyle.com/home.php?mod=space&uid=23641&do=blog&id=194806
普普通通, 夏天用又幾好, 唔會油又夠潤,
以二百幾的價錢可以有更多較好的選擇~

NUXE 牡丹睡蓮活膚褪紋豐盈霜 & 牡丹睡蓮活膚褪紋霜
http://www.theztyle.com/home.php?mod=space&uid=23641&do=blog&id=218889
真係好好用, 尤其對乾性皮膚的我黎講, 夠潤又唔油!
乾燥敏感皮膚真係好左, 香味亦好舒服, 兩支好快速咁用清了!!!
等佢貨裝特價要入手啊!!!

KP乾濕兩用粉餅
開倉時連埋BASE入手, 質地好滑, 粉質夠幼細,
我鐘意用大掃上面, 所以用得耐,
控油度一般, 少少遮瑕, 不過對我黎講偏黃左D!!



Holika Holika 藍莓蜂蜜睡眠面膜
我無當佢SLEEPING MASK用, 因為比啫喱黏, 而且唔易乾,
只會當佢平時敷時膜咁用, 好香的藍莓味, 質地真係似蜜糖,
功效普普通通, 唔太差, 又唔算特別好用, 用餘三分一果時...搽上面後有刺面感,
所以停左用了, 刺痛到紅紅地, 可能唔放得耐呱...

LANIGE Firming Sleeping Pack
有收緊功效的呢款, 妹子用開佢的護膚品,
我都用左兩次, 都係唔太鐘意用,
一來都有少少刺痛感, 二來第朝起身塊面好立痴痴,
我都係鐘意乾爽類~
EGO新羡思特效防曬乳液SPF50+高效防曬
10月GLAMABOX的產品, 乳色的, 唔需要狂搖佢, 無粉粒係入面~
質地乳液狀, 推開唔會泛白或不均勻情況, 兩分鐘就變得透明,
不過有反光油面的情況, 不過唔太強勁的油光, 可接受!!!

Holika Hoilka Lip Blam
柚子味, 有顏色, 夠潤又靚, 有光澤又唔會油立站, 用左好耐,
潤唇之餘可以當自然色的唇彩~


我都開左面書專頁啦, 快D黎LIKE我啦~

https://www.facebook.com/amanareahk
http://aman.theztyle.com
http://blog.she.com/aman

http://amanho.blogspot.hk/
http://www.gooodapple.com/Amano
http://www.fnb.hk/blog/16516
http://www.ubeauty.com.hk/member_blog/amanho/
http://weshare.hk/aman/

http://www.saladblog.com.hk/content.php?uid=378